Tímarit lögfræðinga - 01.12.1998, Page 14

un og „viðhaldsmenntun“ lögfræðinga, eins og það var kallað þá. Var m.a. á
árinu 1969 haldinn umræðu- og fræðafundur um nýskipan laganáms á íslandi.
A fundinum ályktaði félagið að brýnt væri að bæta úr menntunarþörfum lög-
fræðikandidata, annars vegar með fræðilegri framhaldsmenntun í tengslum við
lagadeild og hins vegar með viðhalds- og upprifjunarnámskeiðum. Skoraði
fundurinn á lagadeild Háskóla Islands að hrinda sem fyrst í framkvæmd tillög-
um um fræðilega framhaldsmenntun og viðhalds- og upprifjunarnámskeið sem
deildinni höfðu verið sendar nokkru áður. Varð úr að félagið, í samvinnu laga-
deild Háskóla íslands, gekkst fyrir því að haldið var námskeið eða málþing á
árinu 1971 og var viðfangsefnið réttarreglur um fasteignir. Voru undirtektir við
þetta framtak góðar og sóttu 75 lögfræðingar málþingið sem haldið var í Há-
skóla Islands. Þótti þetta gefast afar vel og var haldið annað málþing strax árið
eftir og fjallaði það um skattarétt. Þess konar námskeið eða málþing hafa síðan
verið árlegur viðburður hjá félaginu og hafa þau jafnan verið vel sótt. Hefur efni
þeirra verið afar fjölbreytilegt og spannað mörg svið lögfræðinnar. Fjöl-
mennasta málþingið var haldið árið 1991 um aðskilnað dómsvalds og umboðs-
valds í héraði sem 325 manns sóttu.
5.2 Hagsmunabarátta
Eins og sést af fyrstu lögum félagsins var lögð talsverð áhersla á að félagið
gætti hagsmuna lögfræðingastéttarinnar og fyrirsvars fyrir stéttina. Var þetta
lengi framan af, og þá einkum á síðustu árum sjöunda áratugarins og fyrstu ár-
um þess áttunda, áberandi þáttur í starfsemi félagsins.
Bandalag háskólamanna (BHM) var stofnað 1958 og átti Lögfræðingafélag
íslands aðild að því frá upphafi en einn helsti hvatamaður að stofnun bandalagsins
var einmitt Ármann Snævarr. Vann lögfræðingafélagið í upphafi einkum að kjara-
baráttu fyrir lögfræðinga með þátttöku sinni í bandalaginu. BHM hafði frá upphafi
reynt að afla samningsréttar fyrir háskólamenn í opinberri þjónustu í því formi að
bandalagið semdi um kaup og kjör fyrir þau störf sem samkvæmt lögum, öðrum
opinberum ákvæðum, venju eða eðli máls gera kröfu um háskólamenntun.
Á sjöunda áramgnum var kjarabarátta dómarafulltrúa í brennidepli og beitti
félag þeirra sér sérstaklega fyrir því að lögfræðingafélagið tæki hagsmunamál
þeirra upp á sína arma. Lagði dómarafulltrúafélagið áherslu á að efla þyrfti þátt-
töku lögfræðingafélagsins í BHM. Á aðalfundi 1968 var lögð fram tillaga þess
efnis að innan Lögfræðingafélags íslands skyldi starfa sérstök kjaramálanefnd
skipuð fimm mönnum. Hlutverk nefndarinnar var að vinna að bættum kjörum
lögfræðinga í þjónustu hins opinbera og einkaaðila. Skyldi nefndin koma fram í
umboði og nafni félagins í kjaramálum og hagsmunabaráttu þeirra. Þó skyldi hún
enga kjarasamninga gera fyrir þess hönd nema með samþykki félagsstjómar. Til-
lagan var samþykkt í einu hljóði.12 Kjaramálanefnd félagsins var mjög virk fyrst
12 Guðmundur Jónsson: „Frá Lögfræðingafélagi fslands". Tímarit lögfræðinga 1969, bls. 75-78
(77-78).
266