Ægir - 01.03.1999, Síða 24

„Á alþjóðamarkaði er slagurirm harður og þeir sem geta boðið einhverjar sértœkar lausn-
ir standa framar. Gloríu-flottrollin eru dœmi um svona lausnir en Glorían er sífellt í
sókn og við fimmm stöðugt nýja og nýja markaði fyrir hana."
sækir fyrirtækið ekki inn á markað
annarra netagerða í landinu.
„Á alþjóðamarkaði er slagurinn
harður og þeir sem geta boðið ein-
hverjar sértækar lausnir standa framar.
Gloríu-flottrollin eru dæmi um svona
lausnir en Glorían er sífellt í sókn og
við finnum stöðugt nýja og nýja
markaði fyrir hana. Við sjáum hér
heima töluverð sóknarfæri fyrir Glor-
íu-flottrollin. Fyrst og fremst er þar
um að ræða nýjar áherslur í uppsjávar-
veiðunum, s.s. í kolmunna og makríl.
Loðnan kemur til með að verða tekin
áfram í nót en möguleikar eru fyrir
hendi í þróun á flotttrollinu fyrir síld-
veiðar. Við sjáum þar af leiðandi
möguleika í þeirri breytingu sem er
hjá útgerðum skipa sem gera út á upp-
sjávarfisk. í kolmunnanum sáu útgerð-
armenn hvað öflugt skip eins og fær-
eyska skipið Kristján í Grjótinum gat
gert með flottrolli síðastliðið sumar og
menn vilja reyna að nálgast þetta skip
í getu."
Eigum þátt í árangri
af úthafskarfaveiðum
á Reykjaneshrygg
í apríl koma fyrstu togararnir til með
að halda til karfaveiða á Reykjanes-
hrygg. Að þeim veiðum hefur Hamp-
iðjan komið með sinni vöruþróun
undanfarin ár og sumir ganga svo
langt að þakka fyrirtækinu að verulegu
leyti árangurinn í úthafskarfanum.
„Jú, ég held að það sé rétt að við
eigum þarna stóran hlut að máli og
flest skip eru að nota veiðarfæri frá
Hampiðjunni á Reykjaneshrygg. Það
er mesta viðurkenningin fyrir okkur
en hvatning um að halda áfram og
þróa veiðarfærin enn frekar," segir
Guðmundur.
Sú þekking sem byggst hefur upp í
flottrollunum hefur verið nýtt hjá
Hampiðjunni til að framleiða svokall-
aða breiðvörpu en það er troll sem
notað er á botnlægar tegundir sem eru
allt upp í 30 metra frá botni. Þetta á
við um fiskitegundir víða um heim,
s.s. síld, makríl og Alaskaufsa. Svona
troll höfum við selt í verksmiðjutogara
frá Póllandi, Rússlandi og á Heinaste
við strendur Marokkó en hér heima
hefur t.d. togarinn Venus náð góðum
árangri i síldveiðum með breiðvörpu.
Þetta veiðarfæri er dæmi um lykilatriði
í allri okkar vinnu, þ.e. að þróa í takt
við það sem útgerðirnar eru að gera og
hafa gott samband við þá sem eru að
nota veiðarfærin," segir Guðmundur
Gunnarsson, sölu- og markaðsstjóri
Hampiðjunnar.
Kenna veiðarfæragerð við
Sjávarútvegsháskóla Sameinuðu þjóðanna
Nýlega hefur verið gerður samstarfssamningur á milli Hafrannsóknastofnun-
arinnar og Fjölbrautaskóla Suðurnesja, um kennslu í veiðarfærafræði, veiði-
tækni og útgerð við Sjávarútvegsháskóla Sameinuðu þjóðanna. Síðla næsta
surnar koma nokkrir erlendir nemar til náms í sjávarútvegsfræðum við Sjávarút-
vegsháskólann og hafa tveir af þeim valið veiðarfærafræði, verklega og bóklega
seni aðalgrein. Verja þeir hluta tímans í nám og jrjálfun hjá F.S. og einnig fá þeir
leiðsögn þar við gerð verkefna. Annar neminn er frá Grænhöfðaeyjum og hinn
frá Sri-Lanka. Sjávarútvegsskólinn og F.S. hyggjast efla samstarf á þessu sviði í
framtíðinni, og mun þetta að öllum líkindum vera til góðs fyrir íslenska veiðar-
færagerð, því með hinum erlendu nemum kemur eflaust ný þekking á þessum
málum. Einnig er þetta mikilvæg kynning fyrir íslenskan veiðarfæraiðnað, því
þegar nemarnir koma heim til starfa á ný munu þeir eflaust muna eftir því sem
þeir kynntust hér og hugsanlega segja öðrum starfsbræðrum frá reynslu sinni,
og þannig gætu hugsanlega byggst upp ný viðskiptasambönd. Þess vegna er
mikilvægt að vel takist til.
24 ÆGIR