Ægir - 01.09.2000, Blaðsíða 6
Pétur Bjarnason,
framkvæmdastjóri
Fiskifélags íslands
Mikilvæg starfsemi
hafna landsins
Það er umhugsunarvert að þegar fjallað er um sjávar-
útveg úti í hinum stóra heimi er það venjulega í sam-
bandi við mengun, ofveiði, brottkast fisks, eyðilegg-
ingu hafsbotnsins og fleira afþeim toga. Þegar fólk al-
mennt hugsar um fiskveiðar hvarflar hugurinn að
brotnum báti í olíumengaðri fjöru eða hafnarsvæði sem
varla er hægt að fara um vegna slors og draslaraskapar.
Hér á landi vitum við að raunveruleikinn er ekki
svona. Við lifum í nálægð við þessa atvinnugrein. Við
gerum okkur grein fyrir þeim ferli sem leiðir til þess
að erlendir kaupendur geta keypt góðar og hollar sjáv-
arafurðir. Við höfum betur hönd á púlsinum en flestar
þjóðir. Samt er það svo að íslensk þjóð er smám saman
að fjarlægjast sjávarútveginn og skilningur á eðli hans
og þörfum er að minnka. Hér er þvf verk að vinna og
vandséð að aðrir eigi að hafa frumkvæði að því en sjáv-
arútvegurinn sjálfur. Upplýsingar og kynning er
lausnarorðið en jafnframt er ljóst að að því verkefni
þurfa margir að koma.
Hafnir landsins, með Reykjavíkurhöfn í broddi fylk-
ingar, hafa undanfarin ár verið að gera góða hluti, sem
gagnast í þessu samhengi. Umgangur um hafnir hefur
batnað mikið og starfsfólk hafnanna er orðið meðvitað
um hve þeirra vinna er mikilvæg til þess að bæta ásýnd
landsins og þeirra starfa sem unnin eru í tengslum við
hafnirnar. Það er rétt að benda á Reykjavíkurhöfn sér-
staklega, sem hefur með ýmsum ráðum náð tengslum
við almenning í landinu. Höfnin hefur í samráði við
samtök á svæðinu haft til sýnis lifandi fiska, haldið
kynningar af ýmsu tagi í tengslum við Sjómannadag-
inn og í samstarfi við ýmsar stofnanir, félög og fyrir-
tæki. Þá er snyrtimennska orðin eitt af helstu einkenn-
um Reykjavíkurhafnar. Það er ástæða til þess að fagna
framtaki Reykjavíkurhafnar og annarra hafna í land-
inu. Þeirra skerfur til þess að bæta ásýnd sjávarútvegs
er mikilvægur.
Hið sanna ástand heimsins
Fiskifélagsútgáfan ehf. hefur gefið út bókina „Hið
sanna ástand heimsins" eftir dr. Björn Lomborg. Ægir
hefur að undanförnu birt nokkrar greinar eftir dr.
Björn sem vakið hafa athygli. Það sama er hægt að
segja um bókina. Dr. Björn greinir þær upplýsingar
sem liggja fyrir um ástand í helstu málum er varða
umhverfið. Hann rekur hvernig ástandið hefur þróast
undanfarna áratugi og gerir grein fyrir líkum á því að
hægt sé að bregðast við þeim vandamálum sem við
okkur blasa á þessu sviði.
í stuttu máli er niðurstaða dr. Björns sú að ástandið
í umhverfismálum er betra en haldið hefur verið fram.
Heimsendir er ekki í nánd. Ástandið er að batna og
það er ástæða til þess að ætla að svo haldi áfram. Dr.
Björn er hins vegar ekki að segja að allt sé í stakasta
lagi og að við eigum að sofna á verðinum. Fjarri því.
Hann leggur hins vegar áherslu á að við eigum að
byggja ákvarðanir okkar á þeirri vitneskju sem er fyrir
hendi en ekki á tilfinningalegum blekkingum um
neyðarástand við næsta horn. Það væri eðlilegt að ætla
að samstaða ríkti um slíka skoðun en í ljósi reynslunn-
ar er þess vart að vænta. Ægir hvetur alla sem um um-
hverfið vilja hugsa að lesa bók dr. Björns, sem bæði er
hægt að nálgast hjá Fiskifélagi Islands og í helstu
bókabúðum.