Ægir - 01.09.2000, Blaðsíða 24
NÝTT FJÖLVEIÐISKIP
Skipstjórar Vilhelms Þorsteinssonar EA fagna auknum möguleikum
í uppsjávarveiðunum:
Vilhelm Þorsteinsson er eitt
öflugasta skip norðurhafanna
- segir Sturla Einarsson, skipstjóri
Engum, sem skoðar fjöl-
veiðiskipið Vilhelm Þor-
steinssonar EA 11, bland-
ast hugur um að með skip-
inu er skrifað upphaf nýs
kafla í fiskiskipaútgerð á
íslandi. Síðustu kaflar út-
gerðarsögunnar hafa snú-
ist um uppbyggingu frysti-
togara og á síðustu árum
endurnýjun nótaskipaflot-
ans en Vilhelm Þorsteins-
son EA 11 er í senn öflug-
asta nótaskip flotans og
öflugasti frystitogarinn.
Skipstjórar eru þeir Arngrímur Brynjólfs-
son og Sturla Einarsson, sem báðir eru
reyndir skipstjórnendur hjá Samherja hf.
Þeir viðurkenna að það fylgi því bæði til-
hlökkun og spenningur að taka við nýju
skipi og ekki síst þeim nýjungum í
vinnslugetu sem því fylgi. Markmiðið sé
að nýta sem allra best allan þann fisk sem
skipið aflar, hvort heldur er uppsjávar-
fiskur eða bolfiskur. Áhersla verður lögð
á uppsjávartegundir í byrjun, þ.e. síld,
kolmunna, loðnu og makríl og markmið-
Sturla í skipstjóraíbúðinni. Hún er rúmgóð og
glæsileg ...og meira að segja tvíbreitt rúm!
Skipstjórarnir Arngrimur Brynjólfsson (t.v.) og Sturla Einarsson í brúnni. „Fagnaóarefni að fá
vinnsluskip fyrir uppsjávarfisk," segja þeir.
ið er að vinna afla sem mest til manneld-
is.
„Vilhelm Þorsteinsson EA er öflugasta
skip sem til Islands hefur komið og að
mínu mati engar ýkjur að segja skipið
eitt fjölhæfasta og fullkomnasta skip í
norðurhöfum. Skipið er fullbúinn frysti-
togari og um leið með allan öflugasta
búnað til nótaveiða," segir Sturla í sam-
tali við Ægi.
Sem dæmi tekur Sturla að skipið hefur
90 tonna togkraft og 2800 tonna burðar-
getu af bræðslufiski í lestum. Frystigetan
er um 120-130 tonn á sólarhring og í
skipinu er allur sá vélbúnaður sem þarf til
frystivinnslu á botn- og uppsjávarfiski.
Skipið er útbúið til veiða með tveimur
trollum, sem er mikilsvert á t.d. rækju-
veiðum.
„Skipið er með rúmlega helmingi meiri
frystigetu en öflugir frystitogarar sem eru
íyrir hérlendis, t.d. Baldvin Þorsteinsson.
Af þessu má sjá hvaða kaflaskipti er hér
um að ræða í fiskiskipaútgerð en fyrstu
mánuðirnir munu ráða miklu um hvern-
ig útgerð skipsins mun þróast. Mér finnst
mjög mikilvægt að fá hingað á miðin
vinnsluskip fyrir uppsjávarfisk og það er
mjög spennandi að láta reyna á hvernig
til tekst í tegundum eins og kolmunna,
makríl, loðnu og ekki síst síld. Það er
mikil sóun á góðu hráefni að sjá á eftir
þessum tegundum í bræðslu," segir
Sturla.