Búnaðarrit - 01.01.1919, Blaðsíða 35

BÚNAÐAERIT
29
Áveitunnar úr Mývatni njóta 10 —12 bændur þar í
sveitinui. Kostnaðurinn við verkið var áætlaður um
3000 kr. — í sveitinni eru það að eins 4 eða 5 bæir,
er ekki hafa neina áveitu.
Þegar kemur niður í Aðaldalinn, er Laxá notuð mjög
til áveitu. — Á Grenjaðarstað er vatnið úr ánni tekið
með skurði, upp í árgilinu, og leitt niður á engjarnar.
Var byrjað á þessu áveituverki 1912. Heflr áveitan gef-
ist vel, og sprettur landið miklu betur en áður gerðist.
Áveitan á Grenjaðarstað fæddi af sjer margar aðrar
áveitur í Aðaldal, eða leiddi t.il þess, að farið var að
koma þeim á. Neðan við Grenjaðarstað eru 4 stiflur í
Laxá til áveitu, og njóta vatns frá þeim: Múli, Klömbr-
ur, Hvamma-bæirnir, Syðra- og Ytra-Fjall, Hafralækur,
Garður, Hólmavað, Jarlsstaðir, og íleiri jarðir þar í daln-
um.
Á Klömbrum var áveita kornin á áður. Það verk
vann Jón Þörðarson, er þar bjó lengi, og var hinn
mesti fyrirmyndarmaður í hvívetna. Vatn til áveitunnar
tók hann úr Laxá. Mun það hafa verið um 1895. — Á
Laxamýri er einnig góð áveita. Var byrjað þar að veita
á vatni 1874, og vatnið tekið úr svonefndri Mýrarkvísl.
Árið 1912 var svo áveitan endurbætt, og vatni veitt á
úr Laxá.
í Reykjadalnum er áveita á átta jörðum. Vatnið er
tekið úr Mýrará og Reykjadalsá. Árið 1912 er gerð stífla
í siðartöldu ána á svonefndu Helluvaði. Kostaði hún
1200—1300 kr. Að vísu bilaði hún skömmu síðar, en
gerir samt enn nokkurt gagn.
í Ljósavatnsskarði er áveita á Sigríðarstöðum, Stóru-
og Litlu-Tjörnum. Einnig er áveita á Hriflu úr Skjálf-
andafljóti, þó ekki fullgerð, en fer vel á stað.
í Kinninni er áveita á Fremsta-Felli og Hóli. Áveitan
á Hóli er nýlega gerð, og vatnið tekið úr Rangá. Út í
Kinninni er áveita á Granastöðum og Syðri- og Ytii-
Leikskálaá. Vatnið er tekið úr Skálá.