Morgunn - 01.06.1937, Blaðsíða 40

34
MORGUNN
síra H. N. sem kennimann, svaraði hann svo, að hann
vildi ekki eiga neina „glansmynd" af honum, og varð þessi
ítrekaða upphrópun ekki skilin öðruvísi en svo, að mikið
lof um síra H. N. sem kennimann væri honum ekki geðfelt,
að minsta kosti engin vonafylling, og þó að sr. B. J. óski
nú sterkra vakningastorma frá próf. Hallesby, þá er ekki
vitað, að hann hafi þráð slíka storma frá síra Haraldi
Níelssyni.
Það er því líkast, sem Drottinn sjálfur hafi lagt þessa
atburði sem mælikvarða á frjálslyndi þeirra manna, er
þeir snerta, svo að öllum mætti verða ljóst hvílíkt það er.
Hinn frjálsi andi.
Prédlkun & föstudaglnn langa.
Eftir sira Jó n Auðuns.
„Sannleikurinn mun gjöra yður frjálsa“.
Ein allra fegursta þrá mannanna er þráin eftir frels-
inu. Hugsjónin, sem sú þrá stefnir að, hefir verið lofuð í
litum og ljóði. Um hana hefir margar hinna fegurstu
sálna, sem jarðnesku holdi hafa klæðst, dreymt sína feg-
urstu drauma. Til voru menn, sem elskuðu hana svo heitt,
að þeir lifðu fyrir hana lífi sínu öllu og sumir þeirra inn-
sigluðu hana að lokum með dauða sínum.
En hver er í rauninni frjáls, í þess orðs fegurstu
merking? Hvar er hinn fagri, frjálsi andi? Hvar finnum
vér þann göfuga aðal andans, sem er í því fólginn, að vera
sigurvegari yfir öllu því lága og einskisverða, sem fjötrar
flesta menn svo mjög, að ófrelsi þeirra verður eins og
svipa í harðstjóra höndum, sem flæmir þá niðurlúta á
undan sér? Já, hvar sjáum vér hina heilögu hugsjón frels-
isins fullkomnast í mannlegri persónu?