Morgunn - 01.06.1971, Blaðsíða 77

HÖFUM VIÐ LIFAÐ AÐUR?
71
lögmálunum. En stundum kemur fram mikill mismunur á hin-
um dýpri sviðum hugsunar, siðferðis og listrænna eiginleika
og virðist alveg óútskýranlegur á liffræðilegum grundvelli.
Þetta verður hins vegar ekki eins óskiljanlegt, ef gengið er út
frá þvi, að hver sál eigi sér langa fortíð að baki og hafi dregizt
til að fæðast aftur í samræmi við karmisk lögmál í fjölskyldu,
þar sem foreldrarnir geta veitt henni likama og umhverfi, sem
bezt hentar áframhaldandi þroska hennar og þróun. A það hef-
ur verið bent, að Johann Sebastian Bach hafi fæðzt í fjölskyldu,
sem átti sér langa tónlistarhefð að baki; en af því þarf ekki endi-
lega að leiða, að hægt sé að útskýra snilld hans sem erfða eigin-
leika. Það má alveg eins imynda sér, að tónlistarsnilld hans
hafi þurft líkama, sem hefði sérstaka eiginleika og ákveðið
umhverfi til þess að hæfileikar hans fengju sem bezt notið sín
og þroskast áfram, og því hafi sál hans kosið eða verið beint til
foreldra, sem gátu veitt þessi skilyrði. Eða með öðrum orðum,
að það sé sálin, sem ákveður erfðina, en ekki erfðin, sem ákveð-
ur sálina.
1 samskiptum manna skapast oft mjög áber-
amu sa na‘ andi vinátta eða andúð, sem ekki virðist hægt
að gera grein fyrir með neinum sálfræðilegum útskýringum.
Þótt ýmsir skáldsagnahöfundar virðist sérstaklega hugfangnir
af svonefndri ást við fyrstu sýn, þá er lítill vafi á því, að slikt á
sér iðulega stað. Slíkt ætti þá að vera hægt að útskýra á svipaðan
hátt og gert hefur verið hér að framan, nefnilega að hér eigi sér
stað viðbrögð, sem eiga rætur sínar í sambandi í fyrra lífi.
I bók sinni The Imprisoned Splendour tekur ástralski há-
skólarektorinn og eðlisfræðingurinn Ravnor Johnson tvo vini
sina sem dæmi þessu til stuðnings. Hann segir þar: Ég mun
kalla eiginmanninn A en konu hans B. I3egar þetta er skrifað
eru þau bæði miðaldra og framúrskarandi siðfáguð, vitur og
góð lijón. Hann gegnir mikilvægu starfi sem forstjóri kaup-
sýsluf}rrirtækis, þótt aðaláhugamál hans séu heimspeki og mik-
ilvægustu spursmál um listina að lifa rétt. Hún er siðfáguð kona,
sem á yngri árum bjó yfir miklu sálrænu næmi, og hefur orðið
fyrir ýmis konar dulrænni reynslu. Segir hún, að allt frá æsku