Jazzblaðið - 01.09.1951, Page 20

um, að ekki sé minnst á Oddgeir Kristjáns-
son. Hann lék í mörg ár fyrir dansi í
Eyjum og sagði hann mér nokkrar skemmti-
legar sögur frá þeim tíma, því ég kom
stundum í búðina til hans og' rabbaði við
hann. Hann er verzlunarstjóri í Bókaverzl-
uninni Helgafell. Oddgeir, eins og nærri því
allir vita, stjórnar Lúðrasveitinni þeirra í
Eyjum. í henni heyrðum við tvisvar og
leikur hún mjög vel, vantar kannski að
vera dálítið ákveðnari og öruggari, sem
skapast sjaldnast nema með sem flestum
mannanna jafngóðum.
Oddgeir hefur samið fjöldann allan af
danslögum, sum landfræg, en önnur aðeins
fræg í Eyjum. í mörg undanfarin ár hefur
hann samið lag fyrir hverja þjóðhátíð, væri
sannarlega kominn tími til að bærinn
styrkti hann til að gefa þessi lög út í hefti,
cða þá íþróttafélögin, en þau sjá um þjóð-
hátíðina sitt hvort árið. Á þjóðhátíð hef ég
því miður aldrei komið í Eyjum, en ég var
þar á Sjómannadaginn. Það var reglulega
skemmtilegur dagur, ég var svo spenntur
að horfa á Þór og Týs stúlkurnar keppa í
handbolta, að ég gleymdi þrjúkaffinu. Á
dansleiknum, sem var í Samkomuhúsinu
um kvöldið, var nærri því átta hundruð
manns og held ég að ég hafi aldrei leikið
á svo fjölmennum dansleik. Þá var einnig
troðfullt í Alþýðuhúsinu, svo að Sjómanna-
dagurinn er eins konar þjóðhátið í smærri
stíl, það vantar aðeins ferðafólkið, sem
kemur á þjóðhátíðina í ágúst.
Hljómsveit Haraldar Guðmundssonar
hlustuðum við oft á, því þeir léku á svo-
kallaðri „restrasjón" eða „salirnir opnir
í kvöld“, eins og Borgin kallar það. Hljóm-
sveitin er hin skemmtilegasta og er miklu
meiri hljómur í henni eftir að þeir Axel
og Elfar bættust við. Bezt finnst mér hún
vera í Dixieland lögum jafnvel þó að Elf-
ar leiki þá „block-hljóma", en hann er nú
einu sinni þannig gerður, að vera hrifinn af
George Shearing og þá um leið öfunds-
verður, því Shearing er eins og Elfar segir
„alveg stórfínn".
Sigurður Þórarinsson heitir trommuleik-
arinn, sem lék í Samkomuhúsinu áður en
við komum þangað og átti að taka við aftur
þegar við færum. Hann er hinn efnilegasti
hljóðfæraleikari. Leikur nokkuð góðan
rhythma og ófeiminn við að taka sóló, og
er. það ef til vill þess vegna, sem hann
vandar sig ekki nógu mikið með þær. Þeg-
ar hann hefur lagað þetta er hann orðinn
prýðilegur trommuleikari.
Því miður lékum við Reykvíkingarnir
þarna ekki nema í stuttan tíma, eins og
að framan getur, en ég- held að allir mundu
með glöðu geði vilja vera þar aftur, því
Eyjarnar eru dáisamlegur staður og fólkið
mjög vingjarnlegt.
Svavar Gests.
V
FIÐLU I
VIOLA Ð
CELLO G
BASSA E
BANJO R
GUITAR Ð
MANDOLIN 1
R
A.:
Fiðlukassar með pokum,
hökubretti, hár í boc/a o. m. fl.
Strengjahljóðfæraviðgerðir
Laugaveg 68.
Opið virka daga kl. 2—6 e. h.
NÝIÍOMID M.
20