Musica - 01.12.1949, Blaðsíða 10

JOHN ALAN HAUTON:
Nellie Melba,
Adeline Patti,
SÖNGKONUR ER VIÐ MINNUMST
Jenny Lind,
Galli-Curci.
Fyrsta mikla söngkonan er ég hlustaði á var
Nellie Melba, og það var í Faust, ég man ekki
hverjir léku á móti henni, enda skifti það engu
máli, söngur hennar töfraði mig svo, að hvaða
söngvari sem er hefði horfið í skugga hennar.
Er ég kynntist Melba betur, sagði ég henni, að
ég hefði oftsinnis staðið í biðröð í úrhellisrigningu
til að geta heyrt hana syngja.
,,En elskan mín“, sagði hún „það þarftu ekki
að gera oftar, ég skal senda þér miða á hvern
hljómleik sem ég held hér“, en ég þarf víst ekki
að taka fram, að ég þurfti að standa í biðröð eftir
sem áður.
Nellie Melba.
Eftir einn af hljómleikum hennar var ég stadd-
ur í veizlu er henni hafði verið boðið í.
„Þér hljótið að vera mjög hungraðar?“ sagði ég,
er ég sá hana borða smurt brauð, eins og hún hefði
ekki séð mat í fleiri vikur.
„Hversvegna ætti ég að vera svöng?“ spurði
hún reiðilega.
„Ég býst við að þér borðið aldrei þann dag er
þér haldið hljómleika“.
„En sú vitleysa“, svaraði hún hlæjandi“ ég borða
reglulega hvort sem ég held hljómleika eða ekki“
og hún sagði mér jafnframt að hún æfði mjög
lítið, hún færi aðeins yfir háu tónana, og ef þeir
væru í lagi, vissi hún að röddin var eins og hún
ætti að vera. Er Amelita Galli-Curci hóf söng-
feril sinn, var rödd Melbu farinn að hnigna,
og þá var hún oft spurð hvort hún væri ekki
afbrýðissöm útí þennan keppinaut sinn.
„Hversvegna ætti ég að vera afbrýðissöm? ég
veit að ég hefi fallegustu rödd heimsins, og þess-
vegna mun ég halda áfram að syngja, en þegar
ég heyri að rödd mín fer að missa fegurð sína,
þá hætti ég þegar“.
En það tók hana langan tíma að komast að raun
um að röddin var að fara, og 1924 heyrði ég hana
sýngja eftirlætishlutverk sitt sem Margrét í Faust
og þótt enn væru nokkrir af háu tónunum silfur-
skærir sem áður þá var röddin orðin loðin, og ég
sá fram á, að hún myndi brátt hætta.
1926 hélt hún kveðjuhljómleik í Covent Garden
í London, enn hélt þó áfram að syngja eftir það, og
oft mátti sjá gamla aðdáendur hennar sitja grát-
andi undir söng hennar, er þeir fundu þá breyt-
ingu er orðin var á röddinni.
Sem leikkona var Melba mjög einhæf, og jafnvel
kennsla hjá Sarah Bernhard hafði lítil áhrif til
hins betra.
10 MUSICA