Musica - 01.12.1949, Blaðsíða 15

Hcnry Purccll.
Þetta má ekki skilja svo, að englendingar hafi
ekki áður þekkt hina dramatízku tónlist, en fyrst
með Purcell tók hin dramatíski stíll að blómgvast.
I tónlist Purcells var hin enska þjóðvísa aðal-
uppistaðan, og Hándel notfærði sér hana síðar, en
þó á meira heimsborgaralegan hátt.
En lífsljós þessa mikla snillings slökknaði of
fljótt, hann dó aðeins 37 ára að aldri.
Auk þess að brjóta oratóríóstíl Hándels leiðina
hefir nafn Purcells lifað með tónlist hans, söng-
leikir hans, sérstaklega hinn dásamlegi söngleikur
Tcxti: dœmi um kórútsetningar Purcell, áhrij ens\u þjóð-
vísunnar eru mjög áberandi.
(Ur sönglei\num „Dido og Aeneas").
„Dido og Aeneas“ og hinar kirkjulegu kantötur
hafa haldið nafni hans á lofti fram til þessa dags.
Hándel hefur baráttu sína.
Fyrsta söngleik sinn samdi Hándel á hálfum
mánuði.
Þetta hljómar stórkostlega, en var þó ekkert
einsdæmi á þessum uppgangstímum söngleikjanna.
Söngleikurinn hét „Rindaldo“ og var saminn yfir
texta ítalska skáldsins Torquato Tassos og fjallaði
um frelsun Jerusalem, en það efni var lengi not-
að sem uppistaða söngleikja, leikrita og sagna,
jafnvel fram til síðustu aldamóta.
Skömmu síðar rann leyfi Hándels út og fór
hann aftur til Hannover, og samdi hann þar nokkra
obókonserta og kammerdúetta, eftir fyrirmynd
Steffanis vinar síns.
En Lundúnarbúar vildu ekki missa eftirlæti
sitt, og Hándel varð aftur að fá frí frá störfum í
Hannover og fara til Englands.
Hándel samdi í Englandi söngleikinn ,,I1 pastor
fido“, en misheppnaðist og fékk slæma dóma, og
það varð til þess, að hann samdi alla þá söngleiki
er eftir komu á hinum breiða þjóðlega grund-
velli, og ekkert efamál er, að Hándel gerði það, til
að söngleikirnir féllu betur í smekk aðalsins og
hinna velefnuðu borgara, og hann gæti þannig
grætt vel á þeim.
Þannig var Hándel á yfirborðinu, verzlunar-
maðurinn sem samdi til að græða peninga, nokk-
urskonar Franz Lehar eða Jerome Kern 18. ald-
arinnar, hann græddi óhemju mikið og tapaði en
meira, en það breytir þó ekki kjarna málsins, að
Hándel var óumdeilanlega einn mesti listamaður
er nokkurtíma hefir lifað hér á jörð.
Framhald í næsta blaði.
MUSICA 15