SunnudagsMogginn - 17.10.2010, Blaðsíða 38
38 17. október 2010
Saga aldanna drýpur
A
lmættið hefur leikið við
hvurn sinn fingur þegar það
skóp fjallasalinn sem umlyk-
ur bæinn Garmisch--
Partenkirchen í Bæjaralandi. Á fimmta
hundrað tindar gnæfa þar yfir lifendur
og dauða, sá hæsti, Zugspitze, hæsta
fjall Þýskalands, sem er hvorki meira
né minna en 2.962 metra yfir sjáv-
armáli. Ekki spillir fyrir að sýnin er
brotin upp með djúpum gjám og til-
komumiklum engjum – iðjagrænum
eða fannhvítum eftir árstíma – í
miðjum hlíðum. Finni menn ekki þörf-
ina fyrir að gefa sig náttúrunni á vald á
þessum slóðum er þeim ekki viðbjarg-
andi. Orkan drýpur af hverju strái.
Það er engin tilviljun að Garmisch-
Partenkirchen er höfuðvígi vetr-
aríþrótta í Þýskalandi. Öll vötn falla
þangað, gildir þá einu hvort menn eru
í fremstu röð í heiminum eða bara ein-
lægir í áhuga sínum. Heimsbikarmót í
alpagreinum skíðaíþrótta fara fram í
hlíðum bæjarins á ári hverju og á næsta
ári verður allt lagt undir þegar sjálft
heimsmeistaramótið verður haldið í
Garmisch-Partenkirchen. Enda þótt
margir mánuðir séu til stefnu fer sú
staðreynd ekki framhjá nokkrum
manni sem sækir bæinn heim.
Búið er að loka skíðasvæðunum þeg-
ar mig ber að garði en maður þarf ekki
endilega að vera vel að sér til að skynja
að aðstæður eru eins og best verður á
kosið. Gamla góða Hlíðarfjall – eins
vænt og mér þykir nú um það – blikn-
ar í samanburðinum.
Lyfturnar eru fyrsta flokks og braut-
irnar sagðar engum líkar, ekki síst sú
nýjasta, Kandahar, sem laðar fram það
besta í öllum skíðendum, stórum sem
smáum. Ögrar fólki og espir til afreka.
Þeir sem kjósa norrænar skíðagreinar
eru heldur ekki sviknir, vel er í göngu-
brautir lagt og stökkpallurinn geggjað
mannvirki.
Kunnasti íþróttamaður Garmisch-
Partenkirchen um þessar mundir er
líklega skíðaskotfimikonan Magdalena
Neuner.
Enda þótt skíði og snjór séu að-
alsmerki Garmisch-Partenkirchen
leggst bærinn ekki í dvala á sumrin. Þá
skjóta hjólreiðakappar, fjallgöngu-
menn, kajakræðarar og fallhlífastökkv-
arar upp kollinum. Hvergi er dauðan
blett að finna.
Allar óskir verða að veruleika!
Gönguleiðir eru ófáar, hver annarri fal-
legri, að sögn heimamanna, og ná yfir
um þrjú hundruð kílómetra kringum
bæinn, upp og niður í móti. Hægt er að
velja um léttar leiðir og stuttar og
nokkurra daga krefjandi ferðir, þar
sem gist er í þægilegum fjallakofum á
leiðinni. Og auðvitað allt þar á milli.
„Hér verða allar óskir að veruleika,“
segir Michaela Braun, kynningarfulltrúi
bæjarins.
Ein vinsælasta leiðin liggur upp að
Frjálst er
í fjallasal
Fjallabærinn Garmisch-Partenkirchen í
Bæjaralandi er sannkölluð paradís útivistar-
mannsins enda liggur straumurinn þangað, að
sumri sem vetri.
Orri Páll Ormarsson orri@mbl.is
Fallhlífastökkvarar setja sterkan svip á svæðið á sumrin.
Garmisch-Partenkirchen á fallegum degi. Bæjarstæðið er hreint geggjað.
Skíðendur njóta sín til fullnustu í brekkunum fyrir ofan bæinn.
Ferðalög
Garmisch-Partenkirchen hefur í félagi við ná-
grannabæinn Schönau og München, höfuð-
borg Bæjaralands, sótt um að halda vetrar-
ólympíuleikana árið 2018. Ekki yrði í kot
vísað en leikarnir voru síðast haldnir þar um
slóðir árið 1936. Meðal gullverðlaunahafa
þá voru Þjóðverjarnir Franz Pfnür og Christl
Cranz í alpagreinum skíðaíþrótta og norska
skautadrottningin Sonja Henie, sem fór með
sigur af hólmi á þriðju leikunum í röð. Henie
keppti oft í Þýskalandi og meðan á seinni
heimsstyrjöldinni stóð var henni sem frægt
er legið á hálsi fyrir þjónkun við nasista.
Tvær aðrar borgir hafa sótt um að halda
leikana 2018, Pyeongchang í Suður-Kóreu
og Annecy í Frakklandi. Valinu verður lýst í
júlí á næsta ári.
Flestir eiga ljúfar minningar frá brekk-
unum í Garmisch-Partenkirchen. Þar hafa þó
orðið alvarleg slys, þeirra frægast þegar
austurríska skíðadrottningin Ulrike Meier
féll illa í brunkeppni í janúar 1994 með þeim
afleiðingum að hún lést af sárum sínum.
Hún var 26 ára að aldri.
Vilja vetrarólympíu-
leikana árið 2018