SunnudagsMogginn - 17.10.2010, Blaðsíða 45

17. október 2010 45
Lífsstíll
Þ
að er leikur að læra, segir í þekktum söngtexta
og þykir mér að þar hafi textahöfundur hitt
naglann á höfuðið. Það á einmitt að vera leikur
að læra. Það er að segja skemmtilegt eins og
leikur þó það sé ekki endilega alltaf leikandi létt. Á fyrstu
skólaárunum er óhjákvæmilegt að lærdómurinn sé ekki
endilega eintómur leikur því þá þurfum við að kljást við
ýmsar námsgreinar sem við eigum erf-
itt með eða höfum litla ánægju af. En
þetta breytist eftir því sem líður á og
þegar komið er á háskólastig blasir við
manni sá lúxus að geta valið sér nám
algjörlega eftir eigin höfði.
Ég man tvisvar sinnum vel eftir því
að hafa ekkert langað til að læra meira.
Fyrra skiptið var eftir, að þá virtist,
endalausa, fjögurra ára framhalds-
skólagöngu. Þá var ég ekki viss um
hvað mig langaði að gera. Svo ég
hleypti heimdraganum og fór til útlanda að leika mér (það
hét formlegu nafni frönskunámskeið). Kom svo aftur
heim og vann í hálft ár áður en ég settist á háskólabekk. Þá
var ég komin með alveg nóg af vinnu og dauðfegin að vera
laus undan því frelsi að þurfa ekki að læra um helgar.
Þetta viðhorf breyttist dálítið yfir sumartímann en alltaf
sneri lærdómsviljinn aftur að hausti. Eftir þriggja ára há-
skólanám var ég samt alveg komin með nóg. Ég ætlaði sko
aldrei að læra meira og hellti mér í vinnu. En síðan um
tveimur árum síðar gerðist dálítið undarlegt. Mig langaði
allt í einu skyndilega að fara aftur í skóla! Svo ég skráði
mig sjálfviljug í meistaranám og samþykkti þar með bæði
að taka próf og skila verkefnum. Allt það sem ég var löngu
orðin leið á, auk þess að skila stórri meistararitgerð!
Síðan hófst skólinn um haustið og ég komst á flug. Þetta
var eitthvað allt annað en ég átti að venjast og mér gekk
bara ágætlega (þó ég segi sjálf frá). Hér
var engin stærð- eða eðlisfræði að
þvælast fyrir mér og engin þýsk mál-
fræði heldur. Það besta var þó það að
með árunum hafði mér áskotnast ein-
hvers konar þægilegur trassaskapur.
Ekki misskilja mig, ég lærði vissulega
og skilaði öllu á tilsettum tíma. En um
leið var ég samt hætt að hafa jafn of-
urmiklar áhyggjur af öllu og hafði í
huga að það væri einmitt leikur að læra.
Um leið og þetta yrði ekki skemmtilegt
hjá mér þyrfti ég að taka til hendinni. Það er athyglisvert
að samhliða þessu fór ég í fyrsta skipti, að mér fannst, að
fá góðar einkunnir. Nú í haust hefur önnin farið aðeins
hægar af stað hjá mér og ég er farin að bíða óþreyjufull eft-
ir því að geta nördast almennilega og setið löngum stund-
um við lestur og pælingar fyrir ritgerðina mína. Leik-
gleðin er þó enn til staðar en ég hlakka til að geta spilað
leikinn algjörlega eftir mínum reglum og að lokum skorað
glæsilegt mark í formi meistararitgerðar.
Það er
leikur
að læra
Mennt er máttur en misjafnt er
hversu vel nám liggur fyrir
fólki. Á haustin nota margir
tækifærið og setjast aftur á
skólabekk, ýmist til lengri tíma
eða á styttri námskeið.
María Ólafsdóttir
maria@mbl.is Nýstúdentar á Akureyri heldur betur ánægðir með árangurinn í sumar.
Morgunblaðið/Skapti Hallgrímsson
’
Það besta var
þó það að með
árunum hafði
mér áskotnast ein-
hvers konar þægilegur
trassaskapur.
Með lærdómi auðgar maður og eflir andann og það má
gera á ótal mismunandi vegu. Hjá Heilunarskólanum
eru til að mynda ýmiskonar námskeið í boði fyrir þá
sem vilja prófa eitthvað öðruvísi. Þar er t.d. haldið ta-
rot-námskeið þar sem kennd er grunnuppbygging spil-
anna, hvernig þau vinna saman, kenndar einfaldar
lagnir og hvernig á að lesa úr þeim. Einnig stendur
skólinn fyrir kyrrðardögum að Sólheimum í Grímsnesi.
Ekki vitlaust fyrir þá sem vilja hressa dálítið upp á sál-
artetrið fyrir svartasta skammdegið.
Lesið úr tarotspilum
Mörgum finnst spennandi að lesa í tarotspil.
Það er ekkert sem segir að skólar eigi að vera kassa-
lagaðar byggingar. Þvert á móti getur góð hönnun gert
skólahúsnæðið bæði aðlaðandi og stuðlað að ánægju
nemenda sem aftur kemur út í betri árangri þeirra.
Nemendur við Nanyang Technological University í
Singapúr ættu til að mynda ekki að geta kvartað mikið
yfir því að vera geymdir í boxi. Skólabyggingin er á fimm
hæðum og þykir falla afar vel að umhverfinu í kring en
þak byggingarinnar er grasilagt. Þakið er notað sem
samkomustaður af nemendunum en þjónar einnig til-
gangi við einangrun hússins. Við hönnunina var einnig
lögð áhersla á að hleypa sólarljósi sem greiðast inn í
bygginguna. Byggingin er sannarlega óvenjuleg í útliti
og hlýtur að auka ímyndunarafl nemendanna en við
skólann er í boði nám í listum, hönnun og fjölmiðlun.
Grasilögð skólabygging
Hér er ekkert box til að geyma nemendur í.
Fyir nokkrum árum kom fram í fréttum
í Bretlandi að háskólanemendur þar í
landi eyddu meiri pening í áfengi held-
ur en mat og bækur samanlagt. Það
er því kannski ekki skrítið að gefnar
hafa verið út ýmiskonar bækur um
hvernig best sé að borða hollan mat á
góðu stúdentaverði. Eins er haldið úti
vefsíðum þangað sem svangir stúd-
entar með tóm veski geta leitað.
Baunir og egg
Einna vinsælasta fæðið hjá breskum
námsmönnum hefur löngum verið hið
klassíska baunabrauð. Það er að
segja brauðsneið sem á eru settar
bakaðar baunir og ostur yfir. Þetta er
síðan grillað í ofni þangað til að ost-
urinn er orðinn gullinn á lit. Franskar
og pitsa til að setja í ofninn er líka vin-
sælt enda fremur ódýrt og fljótlegt. Á
heimasíðu einni er þó mælst til þess
að nemendur kaupi sér nokkuð athygl-
isvert hráefni sem jafnvel mætti telja
til lúxusvara. Þar á meðal eru porcini-
sveppir sem sagt er að mjög gott sé
að eiga. Þeir endist mjög lengi og geti
breytt einfaldri pastasósu í veislurétt.
Einnig er talað um chorizo-pylsu sem
geri hið sama fyrir pitsur, eggjakökur
og risotto, svo fátt eitt sé nefnt. Í það
minnsta ágætis hugmyndir fyrir nem-
endur sem vilja lífga dálítið upp á mat-
seldina hjá sér. Ætli íslenskir náms-
menn myndu samt ekki bara frekar fá
sér skyr, hafragraut og slátur til að
fylla vel í magann og hafa nóga orku
fyrir lærdóminn.
Veisluréttir
námsmanna
Breskir námsmenn eru margir hrifnir af bjór og stundum kannski um of.