SunnudagsMogginn - 17.10.2010, Blaðsíða 39

17. október 2010 39
Í
þessum skrifuðum orðum sit ég í
sólinni með ískaldan bjór, fylgist
með hvernig vatnið dropar af glas-
inu í hitanum og hugsa um síðustu
14 mánuði í Sydney. Ég hef legið á brim-
bretti með stökkvandi höfrunga mér við
hlið, klappað kengúrum, unnið störu-
keppni við eitraðasta snák heims, synt
með hákörlum og upplifað veður og
náttúru sem er draumi líkast. Þvílíkur
tími. Þvílíkur staður. Ég get ekki annað
en brosað.
Fyrir 230 árum tók Breska heimsveldið
furðulega ákvörðun. Það ákvað að doka
við í skúraveðrinu á Bretlandseyjum en
senda afbrotamenn og fanga til paradísar.
Fyrstu nýlendunni var komið á fót í suð-
austurhluta Ástralíu árið 1788, í Sydney. Í
17.000 km fjarlægð frá Reykjavík stendur
borgin sem er nú höfuðborg New South
Wales-fylkis. Í henni búa í kringum 4,5
milljónir manna, sem gerir hana að
stærstu og fjölmennustu borg Ástralíu.
Sydney er ein af leiðandi fjármála- og
viðskiptamiðstöðum suðurhvels jarðar. Í
henni er rík fjölmenning þar sem fólk úr öllum heimshornum kemur saman.
Þjóðarframleiðslan samanstendur að mestum hluta af þjónustugeiranum, þar
sem ferðamannaiðnaður, aðfluttir háskólanemar og fjármálaþjónustur vega
þyngst. Ástralía er þó einnig rík af auðlindum og flytur út umtalsvert magn af
landbúnaðarafurðum og kolum til Asíu og Nýja-Sjálands.
Sydney, með hin víðfrægu Bláu fjöll (e. Blue Mountains) í vestri og hvítar
strandir með tærum sjó í austri, hefur margt sem gleður augað. Þar á meðal er
stolt Ástrala, Óperuhúsið, vinsælasta strönd Ástralíu, sem heitir Bondi Beach,
Darling Harbour, sem er gullfalleg höfn umkringd flottum veitingastöðum og
skemmtistöðum auk þess sem hafnarbrúin og Sydney Tower rísa tignarlega í
hjarta borgarinnar.
Í Sydney geta allir fundið eitthvað við sitt hæfi. Námsmenn geta valið úr risa-
stórum og virtum háskólum sem bjóða upp á ógrynni námsleiða, listaunnendur
geta sótt listahátíðir og fjöldann allan af söfnum og kvikmyndaunnendur geta
sótt árlegar kvikmynda- og stuttmyndahátíðir í almenningsgörðum borg-
arinnar. Fyrir tónlistarelskendur er úr miklu að moða þar sem Sydney er vin-
sæll áfangastaður fyrir stærstu nöfnin úr hverri tónlistarstefnu. Nýlega hafa Pe-
arl Jam, Britney Spears og Prodigy tryllt lýðinn auk þess sem minni spámenn á
borð við Emilíönu Torrini og Sigur Rós hafa látið sjá sig. Árlega eru einnig risa-
stórar tónlistarhátíðir eins og Big Day Out og Future Festival.
Ástralar eru miklir íþrótta- og útivistarunnendur. Það er ekki vitlaust að
skella sér í fjarþjálfun hjá Gillz áður en haldið er út á strönd þar sem brim-
brettaiðkun, ruðningur og ástralskur fótbolti skilja heimamenn eftir með lága
fituprósentu en mikið af kjöti. Ruðningur er hálfgerð trúarbrögð í Ástralíu og
það ríkir skemmtilegur rígur á milli New South Wales og Queensland þegar
State of Origin, sem er stjörnuleikur á milli vígalegustu ruðningskappa fylkj-
anna, á sér stað. Síðustu ár hefur Queensland því miður skúrað gólfið með mín-
um mönnum í New South Wales og í hita leiksins hafa Golíatar vallarins oft lát-
ið högg fljúga í allar áttir. Þriðja vinsælasta hópíþróttin á eftir ruðningi og
áströlskum fótbolta er krikket. Hvers vegna hún er vinsæl get ég þó ekki út-
skýrt.
Ástralía í heild er mjög safarík fyrir þá sem njóta þess að ferðast. Frá Sydney
er hægt að ferðast í allar áttir. Í suður má finna Canberra, Melbourne, Snowy
Mountains og Great Ocean Road. Í norðvestur eru síðan óbyggðirnar, þar sem
Alice Springs, Uluru og frumbyggjar ráða lögum og lofum. Í norður er austur-
ströndin sem inniheldur gersemar borð við Byron Bay, Surfers Paradise, Rain-
bow Beach, Fraser Island, Cape Tribulation og kóralrifin. Vert er að benda á að
flatarmál Ástralíu er 77 sinnum meira en Íslands svo að það borgar sig að van-
meta ekki fjarlægðirnar og taka sér góðan tíma í ferðalagið.
Afsökunin sem ég notaði til að koma mér hingað út var meistaranám í verk-
fræði. Ég stundaði nám við University of Technology Sydney sem er staðsettur í
miðbænum og bjó með góðvini mínum Kristni F. Hrafnssyni í fjögurra mínútna
göngufjarlægð frá Bondi Beach.
Ég mun skilja við Sydney með söknuði og það loforð að í framtíðinni munum
við hittast aftur. Ég hvet sem flest af ykkur til þess að finna ykkar eigin afsökun
og láta vaða til landsins undir niðri.
Ólafur Páll Árnason
Póstkort frá
Sydney
Ólafur Páll
Árnason
’
Sydney, með hin
víðfrægu Bláu
fjöll (e. Blue
Mountains) í vestri og
hvítar strandir með
tærum sjó í austri, hef-
ur margt sem gleður
augað.
bókstaflega af veggjum húsanna í Partenkirchen.
svonefndu Kóngshúsi í Schachen, sem
var athvarf spjátrungsins Lúðvíks II á
nítjándu öldinni. Mikill alpalystigarður
umlykur húsið.
Útivistarfólk getur líka svalað klif-
urþörf sinni í Garmisch-Partenkirchen,
í þar til gerðum garði. Eru hamrarnir
sniðnir að hinum ýmsu getustigum.
Slagorðið sem dregur ofurhuga á
fjallahjólum á svæðið er einfalt: „Frelsi
á hjólum – í fótstigsfjarlægð.“ Þarf
frekari vitna við?
Kajakræðarar fá útrás í straumharðri
Loisach-ánni og vinsælt er að lauga sig
og láta þreytuna líða úr sér í fjölmörg-
um bergvötnum.
Já, það jafnast ekkert á við að láta
náttúruna vefja sig örmum.
Listræn húsamálun
Bærinn sjálfur er hlýr og skemmtilegur
og fólkið orðlagt fyrir alúð og velvild í
garð gesta sinna. Um 26 þúsund manns
hafa þar fasta búsetu. Öldum saman
voru Garmisch og Partenkirchen tveir
bæir en Adolf nokkur Hitler beitti sér
fyrir sameiningu þeirra á fjórða áratugi
síðustu aldar. Garmisch er heldur ný-
tískulegri en Partenkirchen sem sogar
gesti ósjálfrátt inn í fortíðina, ekki síst
fyrir atbeina tilkomumikilla málverka á
framhliðum margra húsa í miðbænum.
Hin svokölluðu Lüftlmalereien eru í
senn merk heimild um líf íbúanna,
sögu bæjarins og hefðirnar sem þar eru
í hávegum hafðar.
Bæjarar eru víðfrægir fyrir hæfni sína
í eldhúsinu og Garmisch-Parten
kirchen er þar engin undantekning.
Eðli málsins samkvæmt á lífrænt rækt-
aður matur upp á pallborðið og sæl-
kerar geta gert vel við sig á fyrsta
flokks veitingastöðum, sýnist þeim
svo.
Strauss og önnur stórmenni
Bærinn er líka listelskur. Tónlist ber
þar kannski hæst enda Garmisch-
Partenkirchen tengdur Richard Strauss
órofa böndum. Hann bjó þar um árabil
og auðvelt er að sjá hvert tónskáldið
hefur sótt innblástur áður en það skrif-
aði Alpasinfóníuna. Sérstök hátíð er
haldin í nafni Strauss á hverju sumri.
Annar frægur sonur Garmisch-
Partenkirchen er rithöfundurinn Mich-
ael heitinn Ende sem frægastur er fyrir
fantasíur sínar og barnabækur, svo sem
Söguna endalausu.
Náttúran hefur aldrei amaleg áhrif á
andann – hvað þá ímyndunaraflið.
’
Lyfturnar eru fyrsta
flokks og brautirnar
sagðar engum líkar,
ekki síst sú nýjasta, Kan-
dahar, sem laðar fram það
besta í öllum skíðendum,
stórum sem smáum. Ögrar
fólki og espir til afreka.