Morgunblaðið - 22.10.2011, Page 11

Sveinn Kjartans-
son, yfirkokkur hjá
Fylgifiskum, gefur
hér lesendum
girnilega uppskrift
að laxi fyrir fjóra.
1 kg lax, beinlaus og roðlaus
2 msk. ólífuolía
2 tsk. grófkornasinnep
Safi úr einni límónu
2 stk. límónulauf (kaffiblöð)
1 hvítlauksrif
Örlítill biti engifer
Nýmulinn pipar og sjávarsalt.
Roð af laxaflaki (má sleppa)
Skerið laxinn í 4 bita. Blandið
saman ólífuolíunni, sinnepinu, og
límónusafanum. Saxið hvítlaukinn,
engiferið og límónulaufin mjög
smátt eftir að hafa fjarlægt miðju-
stilkinn úr laufunum, bætið út í lög-
inn og piprið.
Leggið laxinn og hreistað laxa-
roðið í kryddlöginn og geymið í kæli
í ca. 1-2 klst. áður en þið grillið.
Þegar grilla á er byrjað á að þerra
kryddlöginn af roðinu og grilla það í
ca. 2 mín. á heitu grillinu áður en
laxinn er settur á grillið. Laxinn þarf
að grilla ca. 2 mín á hvorri hlið og
roðið í ca. 4 mín. og gott er að
smyrja kryddleginum sem eftir er í
skálinni á laxinn og roðið þegar búið
er að grilla.
Byggsalat
200 g bankabygg
1 msk. hvítlauksolía
1 msk. sítrónuolía
1 tsk. hreinn grænmetiskraftur
Nýmulinn pipar.
Safi úr ½ sírónu
80 g grænmeti (t.d. spergilkál,
rauðlaukur, blaðlaukur og rauð
paprika) en má nota hvaða græn-
meti sem til er ísskápnum.
3 stönglar sólselja ( dill)
3 stönglar steinselja.
1 lúka ristaðar kasjúhnetur.
2 stönglar vorlaukur
1 lúka þurrkuð trönuber
1 lúka kókosflögur
Sjóðið bankabyggið samkvæmt
leiðbeiningum á pakka og kælið.
Bætið olíunum út í bankabyggið
ásamt grænmetiskraftinum, pipar-
num, sítrónusafanum og saxið
grænmetið smátt og bætið saman
við byggið (ath. að hægt er að nota
það sem til í ísskápnum), grófsaxið
sólseljuna og steinseljuna og bætið
út í byggið ásamt kasjúhnetunum,
trönuberjunum og kókosflögunum.
Ef eitthvað verður eftir af krydd-
leginum þegar búið er að grilla lax-
inn er gott að hella honum yfir
byggið og laxinn.
Benda má á að hægt er að kaupa
soðið kryddað bygg í Fylgifiskum
daglega, en þá án kasjúhnetanna,
trönuberjanna og kókossins.
Grillaður lax með frísklegu byggsalati
MORGUNBLAÐIÐ LAUGARDAGUR 22. OKTÓBER 2011
Morgunblaðið/Árni Sæberg
Girnilegt Lax með byggsalati sem í eru kasjúhnetur, vorlaukur, þurrkuð trönuber og fleira gott.
Þær voru hálffríkaðar múnderingarnar sem sáust á tískusýningapöllum
í Russian Silhouette-fatahönnunarsamkeppninni í Moskvu í vikunni. Í hönn-
uninni gætti rússneskra áhrifa í bland við hermannaliti og ýmiss konar
óvenjulega fylgihluti og skraut. Keppnin var fyrst haldin árið 1997 og
er ætlað að styðja við bakið á ungum, rússneskum fatahönnuðum.
Alls voru 67 mismunandi fatalínur valdar en haldnar voru 32
undankeppnir og skoðuðu dómarar hönnun 4000 hönnuða.
Nokkrir forsvarsmenn stóru tískuhúsana voru ekki nógu ánægð-
ir með útkomuna og þóttu hönnuðirnir ekki hafa verið nógu nýj-
ungagjarnir og djarfir. Það ku hafa haft sín áhrif að fjármagnið sem
hver hönnuður hafði milli handanna var takmarkað. Sigur úr býtum
bar Moskuvubúinn Alexandra Ulyanova fyrir línuna „From darkness to
light“, hún hlýtur 22.000 evrur að launum og árslanga námsdvöl við ítalska
fatahönnunarskólann Domus Academy.
Tíska
Höfuðdjásn Þeir voru af ýmsum gerðum hlutirnir sem módelin báru á höfðinu.
Frumleg og fríkuð tíska ungra
hönnuða sýnd í Rússlandi
Reuters
Skraut Þessi
hleypti út fiðr-
ildum.
ÞORSTEINN FRÁ HAMRI
Ný ljóðabók
sem á brýnt erindi
við nútímafólk
„Svo fer einn dag að flest
mun fullnað, jafnvel allt.“