Árbók VFÍ/TFÍ - 01.06.1998, Page 42
40 Félagsmál VFÍ/TFI
Vinnuhópur A: I honum voru á árinu 1997 Bragi Þorsteinsson, Einar B. Pálsson, Eymundur
Runólfsson, Gísli Valdimarsson, Guttormur Þormar, Ólafur Jensson, Páll Flygenring og Sig-
mundur Freysteinsson.
Fundir voru reglulega haldnir einu sinni í viku, síðdegis á þriðjudögum nema um hásum-
arið, í húsakynnum Landsvirkjunar. Enn sem fyrr á Orðanefnd Landsvirkjun þökk að gjalda
fyrir gestrisni og Vegagerðinni fyrir fyrirgreiðslu vegna fundahalda. Vinnuhópurinn hélt 39
fundi á árinu 1997. A þeim var einkum fjallað um hugtök er varða fráveitur, úrgangsumsýslu
og umhverftsmál, alls um 380 hugtök. Unnið var að því að búa þetta safn undir prentun, en
jafnframt að auka við það hugtökum sem nú koma til sögu vegna aðildar Islands að Evr-
ópska efnahagssvæðinu. I árslok hafði vinnuhópurinn haldið 575 fundi frá upphafi, sem var
1980.
Vinnuhópur B: I honum voru Bjarni Bessason, Einar B. Pálsson, Jens Bjarnason, Ólafur
Jensson, Ragnar Sigbjörnsson og Sigurður Erlingsson.
Vinnuhópurinn var stofnaður 1988 og hefur starfað við að koma á fót íðorðasafni um
hugtök í aflfræði. Frá aprílbyrjun 1992 vann hópurinn að aflfræðihugtökum er varða jarð-
skjálfa. Það er seinni helmingurinn af Orðasafni um jarðfræði sem lokið var við að gefa út
árið 1996. Það safn er bráðabirgðaútgáfa sem Vegagerðin bauðst til að gefa út, orðanefnd-
inni að kostnaðarlausu, sem lausblaðafylgirit með tímariti sínu, Vegamálum. Öllum sem
óskað hafa hefur Vegagerðin sent þetta orðasafn ókeypis. Meira en 2000 eintök munu hafa
dreifst af því víðs vegar um land.
Arið 199'7 hélt vinnuhópurinn aðeins þrjá fundi. Vandkvæði hafa verið á framhaldi
starfsins vegna þess hversu tímabundnir háskólakennararnir í vinnuhópnum eru. í árslok
hafði vinnuhópur B haldið 124 fundi frá upphafi 1988.
Orðanefnd byggingarverkfrœðinga
EinarB. Pálsson formaður
Efnaverkfræðideild VFÍ
Starfsemi var í fyrstu frekar lítil, eftir deyfð undanfarinna ára. Nokkrar viðræður fóru fram
á milli manna um mögulega nýja menn í stjórn, ný fundarefni og annað sem gæti dregið
menn fram í dagsljósið. Þegar þessi mál voru rædd í víðara samhengi kom í ljós mikill áhugi
sérstaklega fyrir einu máli. Þegar góður efnafræðingur í nágrenni höfuðborgarinnar viðraði
þetta mál seinni hluta sumars við formann deildarinnar og lagði fram nokkuð mótaðar hug-
myndir var ljóst að varla yrði aftur snúið. Ákveðið var að stefna á að halda opinn fund eða
ráðstefnu um gróðurhúsalofttegundir og möguleika atvinnulífsins hér á landi til aðgerða.
Ráðstefnan Gróðurhúsalofttegundir — hvað getur atvinnulífíð gert? var haldin á Hótel
Loftleiðum 19. nóvember 1997 á vegum Verkfræðingafélags fslands og Framtíðarstofnunar,
um útblástur gróðurhúsalofttegunda hérlendis og möguleika atvinnulífsins.
Umhverfisráðherra ávarpaði ráðstefnuna og fulltrúi ráðuneytisins gerði grein fyrir stöðu
samningamála. Fyrirlesari frá The Royal Institute of International Affairs í London, sem er
stofnun sem vinnur mikið starf á þessu sviði, flutti fyrirlestur um málið, sem var í of miklum
skammstöfunum eins og vill verða hjá sumum sérfræðingum.