Árbók VFÍ/TFÍ - 01.06.1998, Side 92

90 Félagsmál VFÍ/TFÍ
Á árinu var heimasíða TFÍ sett upp á Internetinu í samvinnu við Tækniskóla íslands.
Skipuð hefur verið sérstök heimasíðunefnd sem hefur það hlutverk að viðhalda heimasíð-
unni. Ábyrgðarmaður hennar er Helgi Baldvinsson. Það er Ijóst að mikil vinna fylgir því að
uppfæra góða heimasíðu. Með tilkomu síðunnar er þess að vænta að þar birtist enn frekari
fréttir og tilkynningar um starfið. Vegna útgáfu á sögu TFI sem nú stendur yfir geta félagar
sótt eyðublöð inn á heimasíðuna, fyllt það út og sent til baka. Fróðlegt verður að sjá hversu
margir nýta sér þetta. Nú er í undirbúningi heimasíða fyrir Verktækni. Netfang TFI er
www.vortex.is.vfi/tfi.
Fundarsalir
Fundarsalir á 2. hæð eru í notkun alla daga og komast færri að en vilja. Húsrými á 3. hæð í
vesturenda er hugsað fyrir hátíðafundi af ýmsu tilefni, en þar hafa einnig verið fundir flesta
daga. Frá og með áramótum hefur verið opið hús í hátíðarsal frá kl. 17-19 á föstudögum og
hefur það mælst vel fyrir.
Megináherslur starfsársins hjá VFÍ ogTFÍ
Aukin þjónusta við félagsmenn og aukin tengsl við landsbyggðina: í skoðanakönnun
þeirri sem gerð var í febrúar 1997 til að fá sem gleggsta mynd af þörfum og óskum fé-
lagsmanna kom fram að félagsmenn beggja félaga virðast sæmilega ánægðir með ár-
gjöldin og þykja þau ekki of há. Félagsmenn eru tilbúnir að taka þátt í starfsemi félags-
ins. Þeir vildu almennt sjá Verkfræðingahús sem lifandi vettvang fyrir félagsmenn og
voru endurmenntunarnámskeið eitt af því sem talið var eðlilegt að boðið yrði upp á í hús-
inu. Utanbæjarmenn óska eftir aukinni þjónustu. Rödd félagsmanna má heyrast meira úti
í þjóðfélaginu, þ.e. félögin mega vera félagsmönnum og þjóðfélaginu sýnilegri. Efla þarf
virðingu stéttanna og kynna störf þeirra fyrir almenningi og skólanemum. Tengingar við
veraldarvefinn var eitt af því sem nefnt var. Til að koma á móts við þær óskir sem fram
komu í skoðanakönnuninni hafa stjórnir unnið að áherslubreytingum á félagsstarfinu.
Leitast verður við að auka þjónustu og kynni félagsmanna enn meira og gera félagið
sýnilegra.
Boðið hefur verið upp á „opið hús“ þar sem flutt hafa verið erindi almenns eðlis og að
þeim loknum hafa menn getað fengið sér hressingu og spjallað saman um stund. Veturinn
1997-1998 var opið hús á föstudögum frá kl. 17-19. Þar hittust félagsmenn til að spjalla urn
landsins gagn og nauðsynjar. Samlokufundir voru fyrsta limmtudag hvers mánaðar yfir
veturinn. Aðsókn var misjöfn, sem og áhugi fjölmiðla. Félagsmenn hafa sótt þá fundi betur
sem tengdir eru faglegu starfi, en þar hefur áhugi ljölmiðla verið minni.
Réttindamál verkfræðinga og tæknifræðinga: FÍ og TFÍ eru sífellt á varðbergi þegar rétt-
indamál félaganna eru annars vegar. Á starfsárinu hefur mikil vinna verið lögð í umsögn og
eftirrekstur í sambandi við skipulags- og byggingarlög og þau réttindi félaganna sem byggð
eru á þeim. Lögin sem samþykkt voru á vorþingi 1997 tóku verulegum breytingum frá því
að VFI og TFI gáfu umsagnir um þau. Breytingin átti sér stað hjá þingnefndinni á milli
fyrstu og þriðju umræðu án þess að félögin hefðu þar nokkur áhrif. Lögin eru nú allsendis
óviðunandi fyrir verk- og tæknifræðinga.