Árbók VFÍ/TFÍ - 01.06.1998, Qupperneq 165

2.7 Samgöngur og fjarskipti
Vegamál
Nýskráning bifreiða: Samkvæmt bráðabirgðatölum frá Skráningarstofunni hf. voru ný-
skráðar fólksbifreiðir 11.728 á árinu 1997 á móti 9.515 árið áður sem svarar til 23% aukn-
ingar. Á sama tíma voru nýskráðar 136 hópferðabifreiðir á móti 87 árið áður eða um 56%
fleiri. Nýskráðar vöru- og sendibifreiðir voru 1.297 á árinu 1997 en voru 1.002 árið áður og
er aukningin þar rúm 29%. Endurnýjun bifreiða landsmanna á árinu 1997 var í heild rúm 9%.
Áframhaldandi aukning er í innflutningi og nýskráningu bifreiða eftir samdráttartímabil
á árunum 1990-1994.
Bensíngjald: Bensínsalan á tekjuárinu nam u.þ.b. 183 milljónum lítra og var um svipaða
sölu að ræða og árið áður. Var það nokkru minni sala en gert hafði verið ráð fyrir. Innheimta
bensíngjalds skilaði 4.751 milljón króna. Má að einhverju leyti rekja minni bensínsölu til
aukningar á díselfólksbifreiðum í landinu, sem hins vegar skilar sér í meiri tekjum af árgjaldi
þungaskatts.
Nokkrar sveiflur voru á í bensínverði á árinu 1997. 1 ársbyrjun kostaði lítrinn af 95 okt-
ana bensíni 77 krónur frá dælu á bensínstöð með fullri þjónustu. Verðið hækkaði í 77,90
krónur í febrúar, fór síðan lækkandi og var komið niður í 76 krónur í júlí en hækkaði þá
nokkuð hratt aftur og fór hæst á árinu í 79,30 krónur í ágúst. Undir lok ársins fór verðið síðan
lækkandi aftur og var komið niður í 77,20 krónur urn áramótin. Bensíngjald var hækkað um
4,27% þann 1. ágúst 1997.
Mismunur á útsöluverði á bensíni virðist helst vera tengdur þeirri þjónustu sem hver ein-
stakur sölustaður veitir og virðist samkeppnin því vera á milli einstakra bensínstöðva en ekki
olíufélaga. Lítill sem enginn verðmunur er milli olíufélaga á útsöluverði frá dælu á bensín-
stöð sem veitir fulla jrjónustu.
Meðaleyðsla bensínbifreiða fer enn minnkandi. Bifreiðum fjölgar en ástæðan fyrir minni
bensíneyðslu er sjálfsagt minni akstur á hverja bifreið og sparneytnari vélar í nýrri bif-
reiðum.
Þungaskattur: Gjaldskrár þungaskatts voru ekki hækkaðar á árinu 1997. Síðasta hækkun á
gjaldskrám var 1. janúar 1996. Innheimtar tekjur af kílómetragjaldi 1997 námu alls 2.126
milljónum króna og af árgjaldi 960 milljónum króna. Reyndist innheimtan 145 milljónum
króna meiri en reiknað hafði verið með. Við gerð vegaáætlunar fyrir 1997 og síða við endur-
skoðun hennar hafði verið reiknað með 250 milljónum króna í auknar tekjur af þungaskatti
en reyndin varð 395 milljónir króna. Þessi viðbótarinnheimta vegur hins vegar upp á móti
minni innheimtu af bensíngjaldi og gott betur.