Árbók VFÍ/TFÍ - 01.06.1998, Side 166

164 Tækniannáll 1997/1998
Framkvæmdaátak: Til sérstaks fram-
kvæmdaátaks í vegagerð var varið 650
milljónum króna eða sömu upphæð og árið
áður. Framkvæmdaátakið, sem hófst árið
1995, skal standa til ársins 1999. Sem fyrr
komu 350 milljónir króna sem sérstakt
framlag úr ríkissjóði en á móti komu 350
milljónir frá mörkuðum tekjum. Af þessum 700 milljónum króna var 50 milljónum varið til
að greiða niður lán, sem tekið var hjá rfkisjóði 1995 á fyrsta ári framkvæmdaátaksins.
Lánsfé: A árinu 1997 tók vegasjóður 100 milljón króna lán hjá ríkissjóði og var andvirðinu
varið til endurbyggingar mannvirkja sem urðu hamfarahlaupinu á Skeiðarársandi að bráð.
Lán þetta verður endurgreitt af mörkuðum tekjum á árinu 1999.
Skipting útgjalda skv. vegaáætlun 1997
Stjórn og undirbúningur 312 m.kr.
Viðhald þjóðvega 3.137 m.kr.
Til nýrra þjóðvega 3.082 m.kr.
Annað 876 m.kr.
Samtals 7.407 m.kr.
Flugmál
í flugmálaáætlun fyrir árið 1998 var gert ráð fyrir að 373 milljónum króna yrði ráðstafað til
framkvæmda í flugmálum hér á landi. Þessi upphæð skiptist þannig að 259 milljónir króna
fara til mannvirkja og búnaðar á flugvöllum, 60 milljónir til Flugstöðvar Leifs Eiríkssonar
og 114 milljónir til flugleiðsögubúnaðar og flugstjórnarkerfa. A árinu 1997 var heildarfjár-
magn til framkvæmda um 400 milljónir króna.
Mannvirkjagerð: A undanförnum árum hefur mannvirkjagerð orðið hlutfallslega minni
hluti af framkvæmdum flugmálaáætlunar en áður var eftir því sem slitlag hefur verið sett á
fleiri flugbrautir og stórum verkefnum, eins og byggingu Egilsstaðaflugvallar, hefur verið
mikið til lokið. Jafnframt hefur hlutur hvers konar tækja- og tæknibúnaðar farið vaxandi.
Á síðastliðnu ári var ráðist í endurnýjun á flugstöðinni á ísafirði, sem var komin mjög til
ára sinna. Um er að ræða nokkra stækkun á stöðinni, auk þess sem hún hefur verið endur-
nýjuð að öllu leyti. Sérstaklega hefur verið komið til móts við breyttar þarfir farþega og flug-
félaga í framhaldi af því að sérleyfi voru afnumin í innanlandsflugi á rniðju árinu 1997.
Þá var á árinu 1997 lokið nrikilvægum áföngum við flugstöðina á Akureyri, sem fólust
m.a. í verulegri stækkun llughlaðsins og frágangi á bílastæði og lóð flugstöðvarinnar. Eins
og málum er nú háttað geta stórar þotur auðveldlega athafnað sig á flugvellinum án þess að
þrengja að flugvélum í innanlandsflugi. Á Egilsstöðum hefur verið unnið að frágangi bíla-
stæða og lóðar og verður því verki lokið á komandi hausli. Á Húsavfk hefur verið ráðist í
byggingu tækjageymslu, sem verður væntanlega lokið í byrjun árs 1999. Þá er gert ráð fyrir
að hefja framkvæmdir við endurbætur á flugstöðinni í Vestmannaeyjum haustið 1998 og
munu þær framkvæmdir standa fram á árið 1999.
Undirbúningi framkvæmda á Reykjavíkurflugvelli hefur ekki verið lokið þar sem heim-
ild til þess að hefjast handa við þetta verkefni liggur ekki enn fyrir. Samkvæmt Ougmála-
áætlun er gert ráð fyrir að verkið hefjist á árinu 1999 og standi í þrjú ár. Um er að ræða að
endurnýja báðar aðalflugbrautir vallarins auk þess að endurbyggja hluta af núverandi flug-
hlöðum og gera akstursbraut meðfram norður-suður flugbraut. Þá yrðu öll brautarljós flug-
vallarins endurnýjuð. Þetta verk er metið á rúmar 1.500 milljónir króna á verðlagi ársins