Árbók VFÍ/TFÍ - 01.06.1998, Page 172
170 TækniannáH 1997/1998
og víðar. Á þessum slóðum hefur þó ekki enn tekist að afla verkefna, en alls staðar er
reynslan sú að fjöldi arðbærra verkefna blasir við. Til þess að verkefni geti orðið að veru-
leika með þátttöku Virkis þarf að tryggja fjármögnun, bæði við undirbúning og síðan sjálfa
framkvæmdina.
Jarðhitaskóli Háskóla Sameinuðu þjóðanna
Jarðhitaskólinn var settur í nítjánda sinn 28. apríl 1997. Nemendur voru sextán og komu frá
E1 Salvador (3), Eþíópíu (1), Filipseyjunt (1), Kína (2), íran (2), Kenýa (1), Kína (2),
Pakistan (2), Túnis (2) og Víetnam (2). Fimmtán nemendanna voru á vegum Háskóla Sam-
einuðu þjóðanna og íslenska ríkisins, en einn (frá Eþíópíu) á vegum Alþjóða kjarnorkumála-
stofnunarinnar. Þetta var í fyrsta sinn sem nemendur koma frá Túnis. Nemendur skiptust á
námsbrautir sem hér segir: Efnafræði 5, verkfræði 3, jarðeðlisfræði 3, borholujarðfræði 2,
borverkfræði 1, umhverfisfræði I og tölvukerfisfræði 1.
Á nítján ára starfsferli skólans hafa 197 nemendur frá 34 löndum lokið sex mánaða námi
við skólann, þar af hafa verið 23 konur (12%). Nemendur hafa skipst á heimsálfur sem hér
segir: Asía 92 (47%), Afríka 50 (25%), Rómanska Ameríka 31 (16%) og Evrópa 24 (12%).
Auk þess hafa yfir sextíu ntanns kontið í styttri heimsóknir og námsdvalir (2 vikur til 3 mán-
uði) á vegum skólans.
Kennslan var einkum í höndum sérfræðinga Rannsóknasviðs Orkustofnunar, en einnig
komu þar að sérfræðingar frá Háskóla íslands, Rannsóknarstofnun fiskiðnaðarins, verk-
fræðistofum og hitaveitum. Árlegur gestafyrirlesari Jarðhitaskólans var dr. Toshihiro
Uchida, jarðeðlisfræðingur við Jarðfræðistofnun Japans. Hann flutti sex fyrirlestra um jarð-
hitarannsóknir og fjölþætta jarðhitanýtingu í Japan og voru þeir mjög vel sóttir.