Fréttatíminn - 31.08.2012, Blaðsíða 18

Þ egar ríkisstjórn Samfylkingar-innar og Vinstrihreyfingarinnar græns framboðs tók við voru
boðaðar umfangsmiklar stjórkerfis-
umbætur sem meðal annars fólust í
róttækri endurskoðun á skipulagi og
verkefnum í Stjórnarráði Íslands. Á
kjörtímabilinu hefur ráðuneytunum
verið fækkað úr tólf í átta og ný lög um
Stjórnarráðið hafa verið samþykkt sem
miða að því að bæta störf ráðuneyta og
ríkisstjórnar og auka samstarf milli að-
ila sem allir vinna saman að almanna-
hag.
Nú um mánaðamótin verða þrjú ný
öflug ráðuneyti til í stað umhverfis-
ráðuneytis, sjávarútvegs- og landbún-
aðarráðuneytis, efnahags- og viðskiptaráðuneytis
og fjármálaráðuneytis. Ráðuneytin eru atvinnu-
vega- og nýsköpunarráðuneyti, fjármála- og efna-
hagsráðuneyti og umhverfis- og auðlindaráðuneyti.
Draga mátti þann lærdóm af skýrslu rannsóknar-
nefndar Alþingis að þörf væri á að efla ráðuneytin.
Ein leið að því marki var að stækka þau. Undir
þetta var svo tekið í skýrslu starfshóps á vegum
forsætisráðherra um viðbrögð stjórnsýslunnar við
skýrslu rannsóknarnefndar Alþingis og einnig í
skýrslunni Samhent stjórnsýsla.
Ríkisstjórninni var m.ö.o. ljóst hve þýðingar-
mikið það var að gera nauðsynlegar breytingar á
stjórnarráðinu og færa það í nútímalegra og hag-
kvæmara horf. Án nokkurs vafa eru þetta umfangs-
mestu breytingar sem Stjórnarráð Íslands hefur
gengið í gengum.
Atvinnuvega- og nýsköpunarráðuneyti
Með sameiningu iðnaðarráðuneytis og sjávarút-
vegs- og landbúnaðarráðuneytis og tilflutningi
verkefna frá efnahags- og viðskiptaráðuneyti
verður til stórt ráðuneyti atvinnuvega og nýsköp-
unar þar sem aðkoma ríkisins að stærstu atvinnu-
vegum þjóðarinnar og nýsköpun verður samræmd
á einum stað til hagsbóta fyrir samfélagið. Þannig
verður aukið jafnræði milli atvinnugreina og stjórn-
sýsla varðandi þær skilvirk og einföld. Sameining
leiðir til þess að á einum stað í stjórnkerfinu verður
til heildarsýn yfir atvinnulífið og mun það auðvelda
stjórnvöldum að bregðast við breytingum og þróun
á atvinnuháttum landsmanna til framtíðar.
Umhverfis- og auðlindaráðuneyti
Með því að stofna nýtt umhverfis- og auðlindaráðu-
neyti á grunni umhverfisráðuneytisins er lögð
áhersla á aukið hlutverk þess varðandi sjálfbæra
nýtingu auðlinda í samstarfi við atvinnuvega- og
nýsköpunarráðuneyti. Ráðuneytið mun m.a. fá það
hlutverk að setja viðmið um sjálfbærni sem ætlað
er að tryggja ábyrga umgengni við náttúruna og
allar auðlindir hennar. Ísland byggir afkomu sína
meira á auðlindum náttúrunnar en margar þjóðir
og auðlindirnar mynda grunn margra öflugustu
atvinnugreina landsins. Það er því grundvallarþátt-
ur í velferð samfélagsins að auðlindir séu nýttar á
sjálfbæran hátt, svo unnt sé að tryggja
varanlegan afrakstur af þeim og eðli-
legan arð í sameiginlega sjóði.
Fjármála- og efnahagsráðuneyti
Með stofnun fjármála- og efnahags-
ráðuneytisins eru þau hagstjórnar-
verkefni sem nú eru í efnahags- og
viðskiptaráðuneytinu, þar með talin
málefni Seðlabanka Íslands, sameinuð
mikilvægu efnahagslegu hlutverki
sem fjármálaráðuneytið hefur gegnt
sem einn af helstu ábyrgðaraðilum
hagstjórnar. Með þessari breytingu
verður yfirstjórn þjóðarhags öll á
einum stað í nýju fjármála- og efna-
hagsráðuneyti. Með þessari breytingu
er því stigið enn stærra skref en áður í átt að því að
sameina efnahagsmál á einum stað innan Stjórnar-
ráðsins og stjórnsýslunnar hér á landi. Þannig
verða öll meginverkefni á sviði hagstjórnar, ríkis-
fjármála, peningastefnu- og gjaldmiðlamála undir
einum hatti innan Stjórnarráðs Íslands.
Margvíslegur ávinningur
Tækifærin sem felast í sameiningu ráðuneyta eru
mikil en hafa verður í huga að nokkur tími getur
liðið uns árangur kemur fyllilega í ljós.
Tilgangurinn með breyttu vinnulagi innan
Stjórnarráðsins er að auka sveigjanleika og fag-
mennsku og tryggja faglega og hlutlausa stjórn-
sýslu sem borgararnir geta treyst. Okkur er mikið í
mun að jafnræði ríki við afgreiðslu mála og að geð-
þótti ráði ekki för heldur fagmennska og skilvirkni.
Stór liður í þessum breytingum fólst í endur-
skipulagningu og stækkun ráðuneytanna sem nú
er lokið. Frá og með 1. september 2012 verða ráðu-
neyti í Stjórnarráði Íslands átta og hafa aukna burði
og getu til þess að takast á við vandasöm verkefni.
Við trúum því að með fækkun og stækkun ráðu-
neytanna verði Stjórnarráðið öflugra og skilvirkara
og skerpi betur og skýri verkaskiptingu á milli
ráðuneyta. Enda er það tilgangurinn. Þannig er
lagt til að eðlislík verkefni verði færð saman með
það fyrir augum að ná sem mestum samlegðar-
áhrifum. Þetta á ágætlega við í atvinnuvegaráðu-
neytinu þar sem meira jafnræði mun ríkja í fram-
tíðinni milli mismunandi atvinnugreina.
Með stækkun ráðuneyta verður þeim betur
kleift að takast á við aukin og flóknari stjórnsýslu-
viðfangsefni og auðveldara verður að tryggja til-
hlýðilega formfestu við afgreiðslu mála.
Sameining og stækkun ráðuneyta býður auk
þess upp á aukna möguleika til sérhæfingar og
aukið bolmagn til nýsköpunar og þróunarstarfs í
opinberri stjórnsýslu.
Dæmin sanna að þær stofnanir og ráðuneyti
sem sameinuð hafa verið á undanförnum árum eru
sveigjanlegri þegar kemur að því að takast á við
erfiðleika eins og þá sem glímt er við í ríkisrekstri í
dag. Með stærri og öflugri einingum er auðveldara
að endurskipuleggja starfsemi, takast á við breyt-
ingar og ná fram hagræðingu til lengri tíma.
Jóhanna Sigurðardóttir
forsætisráðherra
Stjórnkerfisumbætur
Stjórnarráð í
þjónustu almennings
Við trúum því að með fækkun og stækkun ráðuneyt-
anna verði Stjórnarráðið öflugra og skilvirkara og
skerpi betur og skýri verkaskiptingu á milli ráðuneyta.
Enda er það tilgangurinn.
Fató - markaður í kjallara evu Laugavegi 26
FATÓ
Hin vinsæli FATÓ markaður
opnar aftur í dag kl. 13
með útsöluvörum.
50-60%
afsl. af öllum vörum
Merkjavörur frá:
FATÓ
markaður
Rodalon sótthreinsun
• Gegn myglusveppi • Eyðir lykt úr fatnaði
Endursölustaðir: Afreksvörur • BYKO • Femin.is • Fjarðarkaup • Lyfjaverslanir Opið virka daga kl. 9 -18 og laugardaga kl. 11 - 16 • Stórhöfða 25 • Sími 569 3100 • eirberg.is
18 viðhorf Helgin 31. ágúst-2. september 2012