Fréttatíminn - 31.08.2012, Blaðsíða 82
Hákon á þeytingi
Kvikmyndatökumaðurinn Hákon Pálsson vakti verðskuldaða athygli þegar
hann hlaut BAFTA New Talent-verðlaunin í vor fyrir kvikmyndatöku myndar-
innar No More Shall We Part. Hákon hefur
undanfarið dvalið i Brussel en er í stuttu stoppi
á Íslandi. Hann fær þó ekki frí frá tökuvélinni á
meðan og grípur í verkefni með vinum sínum.
Í lok september liggur leið hans til Parísar þar
sem hann gengur frá fjórum myndum sem hann
hefur tekið. Hann hefur því nóg að gera og segir
BAFTA-verðlaunin ekki spilla fyrir en með þau
upp á arminn gengur honum betur að fá fundi
með framleiðendum. Straumur kvikmyndagerð-
arfólks frá Hollywood hefur ekki farið fram hjá
neinum á Íslandi í sumar og Hákon segir þetta
ár vera það allra besta í þessum efnum hingað til og áhugi stórmógúlanna
komi sér ákaflega vel fyrir tæknifólk í kvikmyndabransanum hér heima en
hann hefur varla náð að hitta suma kunningja sína vegna anna hjá þeim.
Segðu það með
F réttakonan María Sigrún Hilmarsdóttir situr ekki
auðum höndum þótt hún sé nú í
árs fæðingarorlofi frá starfi sínu
á fréttastofu Ríkisútvarpsins. Í
september ætlar hún að vinna
klukkustundar langan viðtals-
þátt við Guðrúnu Bjarnadótt-
ur sem var kjörin alheimsfeg-
urðardrottning, fyrst íslenskra
kvenna, árið 1963.
Keppnin sem nú heitir Miss
World nefndist Miss Internation-
al í þá daga og eftir sigurinn tók
við glæsilegur fyrirsætuferill
hjá ungu stúlkunni frá íslenska
sjávarplássinu Ytri-Njarðvík.
Guðrún er sjötug í ár sem gefur
Maríu Sigrúnu kjörið tilefni til
þess að setjast niður með henni
og fá hana til að líta um öxl og
segja frá ævi sinni og störfum.
Guðrún hefur búið erlendis
alla tíð frá 1963 og er búsett
í París. Hún sækir þó Ísland
heim reglulega og er væntanleg
til landsins og þá hefst vinna
Maríu Sigrúnar við þáttinn
fyrir alvöru. Þá stendur til að
heimsækja Guðrúnu einnig til
Parísar með tökuvélina.
Þáttur Maríu Sigrúnar
um fyrstu alheimsfegurðar-
drottningu Íslendinga verður
klukkustundar langur og verður
sýndur í vetur.
Íslenskir fjölmiðlar gáfu
sigri Guðrúnar að sjálfsögðu
gaum og frétt Morgunblaðsins
þann 18. ágúst 1963 hófst með
þessum orðum: „Í gær náði Mbl.
tali af hinni nýkjörnu fegurðar-
drottningu heimsins, Guðrúnu
Bjarnadóttur, á hóteli hennar á
Langasandi. Þá fyrst fengum við
að vekja hana, en hún var reynd-
ar aðeins búin að sofa nokkra
klukkutíma eftir öll lætin, sem
urðu í kringum hana, eftir að
hún hafði orðið nr. 1 í þessari
umfangsmestu fegurðarsam-
keppni heimsins. Guðrún var
ákaflega hlédræg, — hlátur,
ofurlítið feimnislegur, var eina
svarið við mörgum spurning um
okkar. Hún kærir sig auðheyri-
lega ekki mikið um að láta hafa
ummæli eftir sér opinberlega,
eða þá hún er ekki búin að átta
sig á öllu þessu umstangi.“ -þþ
maría Sigrún ræðir við FyrStu alheimSFegurðardrottninguna
Gerir þátt um Guðrúnu Bjarnadóttur í fæðingarorlofinu
Tíminn lagði forsíðuna
undir sigur Guðrúnar
sunnudaginn
18. ágúst 1963.
María Sigrún býr að reynslunni
sem hún fékk þegar hún gerði-
viðtalsþátt við göngugarpinn
Reyni Pétur og heimildarmynd-
um barnaþrælkun í Kambódíu.
eva lind og eyrún helga Klipptu FroSt Saman
Kuldahrollur og spenna
í klippiherberginu
Vinkonurnar Eva Lind Höskuldsdóttir og Eyrún Helga Guðmundsdóttir eru óaðskiljanlegar.
Þær vinna saman við kvikmyndaklippingar hjá Kukl og hafa nýlokið við spennutryllinn Frost í
leikstjórn Reynis Lyngdal. Myndin segir frá voveiflegum atburðum uppi á jökli og stelpurnar
fengu spennuna og kuldann beint í æð. Þær æfa einnig fitness saman af miklu kappi og byrja
vinnudaginn á hressilegri brennslu og mæta svo ofvirkar að klippitölvunum.
É g væri til í að klippa eina svona mynd á ári,“ segir Eva Lind. „Maður fær ekki oft svona myndir og Frost var
mjög skemmtilegt tilbreyting.“
Vinkonurnar eru því hæst ánægðar eftir
að hafa tekið þátt í köldum og hrollvekjandi
leiðangri Reynis Lyngdal upp á jökul þar
sem óhugnanlegir atburðir gerast.
Þær skiluðu sinni vinnu þó í hlýju og
öryggi klippiherbergisins en fundu samt vel
fyrir ógninni og kuldahrollinum. „Við urð-
um alveg pínu hræddar þegar við fengum
efnið fyrst,“ segir Eyrún Helga. „Við lásum
ekki handritið og vissum þess vegna ekk-
ert hvað var að gerast og þurftum að taka
okkur pásur eftir sum atriðin til þess að róa
okkur.“
„Við fengum endinn fyrst þannig að við
vissum hvernig myndin endaði en höfðum
ekki hugmynd um hvað var búið að gerast á
undan og urðum stundum mjög spenntar og
smeykar,“ segir Eva Lind.
„Við erum orðnar alveg rólegar núna
vegna þess að við erum búnar að sjá hana
allt of oft og kunnum hana alveg utan að.“
„Það getur samt vel verið að við verðum
hræddar þegar við sjáum myndina full-
unna,“ segir Eyrún Helga.
„Ég væri til í að fá fleiri svona myndir og
ég held að við eigum alveg sögurnar, lands-
lagið og allt sem þarf í svona spennuhryll-
ing,“ segir Eva Lind og vísar í þjóðsögur og
ríka draugatrú Íslendinga. „Við eigum svo
flotta kvikmyndagerðarmenn hérna og leik-
ara sem geta gert meira af svona drama og
hryllingi. Mér líst vel á þetta og finnst Frost
koma mjög sterkt inn.“
Eva Lind segir Reyni hafa fært þeim svo
mikið af góðu efni og gullfallegum senum
að þær hafi stundum verið með valkvíða
við klippitölvurnar. „Það var úr svo miklu
flottu að velja og þetta er líka allt svo ekta.
Þau tóku þetta uppi á jökli í skítakulda og
maður finnur fyrir vindinum og kuldanum
og skynjar hrikalega náttúruna. Þeim þykir
líka öllum svo vænt um myndina vegna þess
að þau lögðu svo hart að sér við að gera
hana.“
Vinkonurnar eru sammála um að vinnan
með Reyni hafi verið sérlega ánægjuleg.
„Það er mjög gaman að vinna með Reyni.
Hann drepur engar hugmyndir. Hann gaf
okkur líka mikið frelsi og það er mjög flott
þegar svona mikið traust myndast á milli
leikstjóra og klippara. Það er ekki sjálfgef-
ið,“ segir Eva Lind.
Kvikmyndaklipping virðist liggja ákaf-
lega vel fyrir konum og nægir í því sam-
bandi að benda á Valdísi Óskarsdóttur og
Elísabetu Ronaldsdóttur sem eru klippar-
ar á heimsmælikvarða og stelpurnar útiloka
ekki að ef til vill búi konur yfir hæfileikum
sem nýtast vel við þá þolinmæðisvinnu
sem klippingar eru. „Það er rosalega mikil
flokkun á efni fólgin í þessu og maður þarf
að vera skipulagður og þolinmóður,“ segir
Eva Lind. „Þetta er tímafrekt og þú verður
í raun og veru að muna hverja einustu töku
og geta fundið hana á augabragði,“ bætir
Eyrún Helga við. „Það eru ekkert allir sem
búa yfir skipulagsgáfu þótt þeir séu samt
ágætis klipparar.“
Eyrún Helga og Eva Lind eru nánar
vinkonur og æfa fitness saman fyrir utan
auðvitað að vinna saman alla daga. „Við
erum bestu vinkonur og gerum allt saman,“
segir Eva Lind. „Við mætum í brennslu
á morgnana og förum svo í vinnuna. Við
vinnum til sex og förum þá aftur á æfingu
og erum búnar um klukkan níu þannig
að við erum saman í svona tólf tíma á dag
eða svo. Og þótt við æfum tvisvar á dag þá
náum við samt að afkasta meiru en annars
vegna þess að það er svo mikil orka í okkur.
Við mætum hingað vel vaknaðar og erum
ofvirkar fram eftir degi.“
Þórarinn Þórarinsson
toti@frettatiminn.is
Það getur
samt vel
verið að
við verðum
hræddar
þegar við
sjáum
myndina
fullunna.
„Ég kalla hana
konuna mína,“
segir Eva Lind
(til vinstri á
myndinni). „Við
erum algerar
andstæður en
samt alveg eins
sem er mjög
fyndið. Við
erum með sömu
áhugamálin en
ég er kannski
aðeins meiri
prinsessa,“
segir Eva Lind
og vinkonurnar
hlæja í kór.
Mynd/Hari
Naktar karldruslur
Eftir nokkra bið og dágóðan
eyðimerkurspöl fór útvarpsþátturinn
Menn í loftið á X-inu 97,7 á mið-
vikudagskvöld. Ritstjórn vefsins www.
menn.is, með ritstjórann Helga Jean
Claessen í broddi fylkingar, hefur
umsjón með þættinum eins og nafnið
bendir kannski til, en Helga til halds
og trausts eru þeir Hjálmar Örn
Jóhannsson og Sigurður Hannes
Ásgeirsson. Mennirnir tóku upp
prufuþátt fyrir allnokkru þar sem þeir
ræddu meðal annars við athafna-
konuna Marín Möndu Magnúsdóttur
um femínisma og fleira. Heldur þótti
þó vera farið að slá í þáttinn loksins
þegar á hólminn var komið þannig að
hann fór ekki í loftið og piltarnir riðu á
vaðið í beinni útsendingu. Í þættinum
ætla þeir sér að berjast gegn pólitískri
rétthugsun, stofna félagsskapinn Stóri
bróðir og efna til druslugöngu þar
sem karlar munu ganga naktir niður
Laugaveginn.
Slappur hefndar-
brandari
KR og FH mættust í toppbaráttu
Pepsi-deildarinnar á dögunum eins og
frægt er orðið. FH-ingar færðu
KR-ingum blómvönd fyrir leik
en að mati grjótharðra Gaflara
hefðu þeir betur sleppt því
þar sem þeir spiluðu eins og
„blómadrengir“ og voru rassskelltir
1-3. Hafnarfjarðarlöggan gerði þó
sitt til þess að reyna að koma fram
hefndum á Vesturbæingum og útdeildi
sektarmiðum grimmt á alla bíla sem
lagt hafði verið ólöglega í Kaplakrika.
Vallargestir kunnu lögreglunni litlar
þakkir fyrir tiltækið og Hafnfirðingar
urðu margir saltvondir þar sem þeir
fengu margir miða og þótti Hafnar-
fjarðarlöggan klúðra hefndinni ræki-
lega þar sem hún gerði lítið annað en
nudda salti í sár þeirra.
70 dægurmál Helgin 31. ágúst-2. september 2012