Dagskrá: tímarit um menningarmál - 01.01.1957, Blaðsíða 33

en ég hef verið svo óheraju önnum kafin,
þareð frænka mín hefur verið með hálsbólgu,
sem næstum var búin að gera út af við hana,
og ég þar af leiðandi orðið að taka á mig
hverja ábyrgðina á fætur annarri. Engu að
síður hef ég þráfaldlega hugsað til yðar, og til
þeirrar óvenju-skemmtilegu eftirmiðdagsstund-
ar er við vorum saman, þ. 30. apríl 1944 milli
kl. 3,45 cg 4,15 e.h. — ef þér skylduð vera
búinn að gleyma því.
Við erum öll framúr hófi spennt og gagn-
tekin af tilhugsuninni um innrásina, og von-
um það eitt, að hún megi binda sem skjót-
astan endi á stríðið og það líferni sem er hlá-
legt — svo ekki sé fastara að orði kveðið.
Við Charles erum mjög áhyggjufull yðar
vegna; við vonum að þér hafið ekki verið
meðal þeirra sem fyrstir hófu áhlaupið á
Cotentin-skagann. Voru þér það? Verið svo
góður að svara mér eins fljótt og þér getið.
Hjartanlegustu kveðjur frá mér til konunnar
yðar.
Yðar einlæg
ESMÉ
P. S. Ég leyfi mér að leggja hér hjá arm-
bandsúrið mitt, sem þér megið halda í fórum
yðar meðan á heimsátökunum stendur. Ég
tók ekki eftir því, hvort þér voruð með nokk-
urt armbandsúr þessa stuttu stund sem við
hittumst, en þetta úr hér er fullkomlega
vatnsþétt og þolir hverskyns hristing, auk þess
sem það hefur fjölmargt annað sér til ágætis,
svosem það, að maður getur mælt gönguhraða
sinn ef maður vill. Ég er sannfærð um, að
það mun koma yður að stórum meira gagni
þessa erfiðu daga, heldur en það hefur nokk-
urntíma orðið mér sjálfri, og að þér munið
taka við því sem hamingjugrip.
Charles sem ég er nú að kenna lestur og
skrift — og hef komizt að raun um, að er
frámunalega vel-gefinn nemandi — langar til
að bæta hér við örfáum orðum. Verið svo
elskulegur að skrifa mér svo fljótt sem þér
hafið tima og löngun til.
HALLÓ HALLÓ HALLÓ HALLÓ
HALLÓ HALLÓ HALLÓ HALLÓ
Löng stund leið, áðuren X gæti lagt frá
sér bréfið, að ekki sé talað um hitt: tekið
armbandsúr föður Esmé uppúr öskjunni. Þeg-
ar hann loks gat fengið sig til þess, sá hann
að glerið hafði brotnað í öllum flækingnum.
Hann vildi gjarnan geta vitað, hvort úrið
væri óskemmt að öðru leyti, en hafði ekki
kjark til að draga það upp og kcmast að raun
um hið sanna. Hann sat bara með það í
höndunum, drykklanga stund. Svo fann hann,
skyndilega og sem í leiðslu, ríka þörf fyrir
að geta sofnað.
Hugsaðu þér verulega svefnþurfandi mann,
Esmé, — undir öllum kringumstæðum hlýtur
slíkur að eiga enn tækifærið til að verða að
nýju maður með fullkom- með fullkomlega
óskerta s-a-n-s-a.
J. D. SALINGER er Bandartkjamaðtir, jæddur í New York 1919. Hann gegndi herþjónustu
árin 1942—46. Salinger tók ungur að rita smásögur, og hafa sögur hans birzt i fjölmörgum
tímaritum. 1948 kom út smásagnasafn hans, Nine Stories, og hlaut þegar mjög góðar viðtökur.
J. D. Salinger hefur skrifað eina skáldsögu, The Catcher in the Rye, sem út kom 1951. Sú
bók hlaut mesölu og er talin mjög gott verk. Salinger Uetur einkum vel að lýsa börnum og
unglingum og sálarlífi þeirra eins og sjá má af sögunni hér að framan, en hún er ein af beztu
smásögum hans.
dagskrá
31