Morgunblaðið - Sunnudagur - 18.11.2012, Qupperneq 16

*Meðlimir Memfismafíunnar lögðu upp í frægðarför til Kúbu og komu margs vísari heim »18Ferðalög og flakk
Í St. Paul, Minnesota er gott að vera. Úrvalið af fersku hollmeti í stór-
mörkuðunum er einstakt og borgin skipulögð þannig að aldrei er lengra í
græn svæði og leikvelli en 600 metrar. Hamborgarasósan drýpur líka af
hverju frönsku strái og eru fleiri bílalúgur hér en sumarhús í Grímsnesi!
Segulbandið, brauðristin, sjóskíðin, Betty Crocker, Cheerios og Pills-
bury’s Best koma héðan auk teiknimyndasagnanna um Smáfólkið.
Dásamlegu ræðismannshjónin hafa búið hér í áratugi og tala óspillta ís-
lensku eins og í myndbrotum frá árdögum Ríkissjónvarpsins, vandað
málfar og engin linmælgi. Jólaballið nefnist jólabarnaball og eru jóla-
sveinavísur Jóhannesar úr Kötlum sungnar hástöfum kringum jólatréð.
Ekkert útþynnt.
Guðni Már Harðarson stundar meistaranám
í predikunarfræðum og sálgæslu við Luther Seminary.
Ásdís Björnsdóttir og Guðni Már ásamt börnunum þeim
Dagmar Eddu 4 ára og Nóa Pétri 7 ára.
Hauslitir í Minnesota.
Heimaborg Betty Crocker
Börnin njóta þess að tína epli.
PÓSTKORT F
RÁ ST.PAUL
Eitt af markmiðum Vina Vatnajökuls er „að efla skiln-ing umheimsins á mikilvægi Vatnajökulsþjóðgarðs ogeinstakri náttúru hans á heimsvísu“. Það liggur beintvið að spyrja Kristbjörgu Hjaltadóttur, fram-
kvæmdastjóra samtakanna, nánar út í hvað sé svona sérstakt
við þetta svæði og hvort Íslendingar átti sig almennilega á
því hvað þarna sé að finna. „Í raun og veru gera þeir það
kannski ekki alveg. Það eru allmargir Íslendingar sem ekki
þekkja stærð Vatnajökulsþjóðgarðs og átta sig ekki á því að
hann nær yfir um 13% af landinu og þarna inni eru margar
af okkar fallegustu náttúruperlum. Þetta er stærsti þjóðgarð-
ur í Evrópu. Við erum með vatnsmesta foss í Evrópu,
stærsta jökul utan heimskautasvæðanna og þarna er hæsti
tindur landsins. Það er svo margt sérstakt við Vatnajökuls-
þjóðgarð sem er ekki að finna neins staðar annars staðar,“
segir hún.
Til að átta sig á stærðinni má nefna að
Ásbyrgi er innan hans. „Það liggur við
garðurinn nái milli stranda norður og
suður og hann mun væntanlega gera það
í framtíðinni,“ segir hún.
Vegagerðin hefur áhrif á hvernig þjóð-
garðurinn er heimsóttur, útskýrir Krist-
björg. Hún bendir á að um 30.000 manns
fari að sjá Dettifoss árlega en þangað ligg-
ur malbikaður vegur en mun færri koma í
Ásbyrgi en vegurinn þangað er mun lakari. Þetta hindrar
för fólks, segir hún og bendir líka á Öskju og Lakagíga í
þessu sambandi. „Á að hindra för fólks með vondum veg-
um eða á að hafa góða vegi og skipuleggja svæðið þannig
að það bíði ekki skaða af því að fólk heimsæki það?“ spyr
hún en ítrekar að öll þessi innviðamál séu á könnu stjórn-
ar Vatnajökulsþjóðgarðs. „Vatnajökulsþjóðgarður sér um alla
innviði og rekstur á þjóðgarðinum. Vinir Vatnajökuls koma
eingöngu að kynningu á þjóðgarðinum, fræðslu um hann og
rannsóknum í og við þjóðgarðinn,“ segir Kristbjörg en hún
segir þetta fyrirkomulag hafa reynst vel.
Næstkomandi föstudag er framundan styrkveiting hjá sam-
tökunum sem hafa nú þegar veitt tugi milljóna í ýmis verk-
efni. „Núna er til dæmis verið að leggja lokahönd á kvik-
mynd um garðinn sem Vinirnir styrktu og svo verða fjórir
sjónvarpsþættir gerðir um mismunandi svæði í garðinum,“
segir hún en þættirnir verða að öllum líkindum á dagskrá
RÚV á næsta ári.
Samtökin eru opin öllum, segir Kristbjörg. „Við gleðjumst
yfir hverjum nýjum vini og sjáum fyrir okkur í framtíðinni að
þetta verði sterk og fjölmenn samtök.“
www.vinirvatnajokuls.is
Morgunblaðið/RAX
TUGIR MILLJÓNA Í VERKEFNI TENGD VATNAJÖKULSÞJÓÐGARÐI
Vinir í raun
KRISTBJÖRG HJALTADÓTTIR ER FRAMKVÆMDASTJÓRI VINA VATNAJÖKULS OG
ER STOLT AF STÆRSTA ÞJÓÐGARÐI EVRÓPU.
Inga Rún Sigurðardóttir ingarun@mbl.is
Kristbjörg
Hjaltadóttir