Fréttir - Eyjafréttir - 19.03.2009, Page 13

Fréttir / Fimmtudagur 19. mars 2009
13
S
Kristín Osk skrifar - Skyndibitar fyrir sálina
Það sem drepur ekki herðir
Það er búið að fjalla mikið um
Guðlaug Friðþórsson og hans
ótrúlega afrek sem átti sér stað
þann 11. mars fyrir 25 árum, enda
með eindæmum umfjöllunarvert.
Hann synti sex kílómetra leið í
ísköldum sjó er báturinn Hellisey
VE 503 sökk. Eftir fimm tíma sund
komst hann í land og þurfti þá að
ganga berfættur yfir illfært hraunið
áður en hann komst til byggðar.
Ég hef verið að lesa bók sem heitir
Þú getur... eftir Jóhann Inga
Gunnarsson, Sæmund Hafsteinsson
og Martein Steinar Jónsson. Þann
10. mars fékk ég fréttir sem hafa
ákveðnar breytingar f för með sér á
lífi mínu. Var ég svona frekar óviss
um hvemig ég ætti að tækla það
mál á sem bestan hátt. Daginn eftir
byrjaði ég að lesa kafla í bókinni
sem heitir: Það hefst allt með seigl-
unni. Og stendur þar orðrétt;
„Afrek við Eyjar - Við þurfum ekki
að leita út fyrir landsteinana til að
finna dæmi um einstaka seiglu,
styrk og dug!“
Þar er sagt nánar frá því sem
Guðlaugur afrekaði þegar hann var
einungis 22 ára gamall. Ákvað ég
því að fjalla um hugtakið seiglu í
þessum pistli mínum. Þessi bók
talaði svo mikið til mín á þessari
stundu og gaf mér verkfærið sem
ég þurfti á að halda til að vinna
markvisst í mínum málum.
„Seigla er afar dýrmætur eigin-
leiki sem veitir okkur forskot í
lífinu. Þessi eiginleiki birtist alls
staðar, jafnt í hinu smæsta sem hinu
stærsta. Sá sem sýnir seiglu og
þrautseigju í hversdagslegum verk-
efnum er oftast einnig tilbúinn til
að mæta stóráföllum af festu og
einurð. Sumir þurfa á meiri seiglu
KRISTÍN ÓSK: Mínar nýju
aðstæður hræða mig töluvert en
ég er hins vegar ákveðin í að Iíta
á þær sem sóknarfæri, lið f áttina
að einhverju stórfenglegu í mínu
lífi! Jafnframt ætla ég að taka
mig til og stökkva af alefli inn í
þcnnan ótta minn og standa uppi
sem sigurvegari.
að halda en aðrir og óhjákvæmilega
koma þeir dagar að við þurfum að
taka verulega á. Sjúkdómar, slys,
fötlun og önnur áföll reyna á og
laða fram það besta, raunar stund-
um einnig það versta, í fari okkar,“
(úr bókinni Þú getur...).
Eins og ég fjallaði um fyrir stuttu
í einum pistla minna, að ég væri
ekki komin á þann stað sem ég er á
í dag ef það væri ekki fyrir þraut-
seigju mína gagnvart veikindum
mínum! Ég fyllist stundum
ákveðnu vonleysi og fæ þá til-
finningu að núna sé einfaldlega
allur máttur úr mér, ég geti ekki
meir. En eins og svo oft áður þá
kveikti lesturinn í mér, afrek
Guðlaugs og á ég mér núna frábæra
mynd í huganum sem ég get notað
þegar ég fyllist vonleysi. Ég sé mig
fyrir mér í lífsins ólgusjó, hver
aldan á fætur annarri sem skellur á
mér og ég er við það að gefast upp,
nema ég ætla að gera eins og
Guðlaugur. Ég ætla að HALDA
ÁFRAM AÐ SYNDA!
„Mótlæti þroskar okkur og herðir.
Okkur hættir til að vanmeta þann
styrk sem við búum yfir. Við verð-
um að gæta þess að láta erfiðleik-
ana ekki buga okkur heldur snúa
vöm í sókn. Við getum tekið stað-
fasta ákvörðun um að efla með
okkur dyggðir og mannkosti eins
og seiglu." (úr bókinni Þú getur...).
I bókinni er önnur frábær dæmi-
saga, hún fjallar um Nelson Mand-
ela og er svona: „Öll höfum við
heyrt um einstaklinga sem sýnt
hafa aðdáunarverða seiglu og út-
hald við afar erfiðar aðstæður og
staðið uppi sem sigurvegarar.
Mandela varð fyrsti svarti forseti
Suður-Afríku.“ Leiðin að þeim
titli var hins vegar stórgrýtt.
„Hann barðist gegn kynþáttaað-
skilnaði í Suður-Afríku og sat í
fangelsi í 27 ár vegna andstöðu
sinnar við stefnu stjómvalda.
f 18 ár þurfti hann að dúsa í
þröngum fangaklefa á Robben eyju
undan ströndum Höfðaborgar. Þar
þoldi hann mikið harðræði. Allan
þann tíma sem hann var þama var
hann undir ströngu eftirliti, bréf
hans ritskoðuð og öll samtöl
hleruð. f þessum erfiðu aðstæðum
tileinkaði hann sér aðdáunarverða
sjálfsstjórn, líkamlega sem og til-
finningalega. Mandela lagði allt í
sölumar. Ámm saman var hann
ofsóttur og þurfti að að þola mikið
óréttlæti, eldci bara af hendi hvítra
heldur einnig þeldökkra. Hann
þurfti að fara huldu höfði og gat
ekki dvalið hjá fjölskyldu sinni.
f öllum aðstæðum lét Mandela
ekki deigan síga í baráttunni fyrir
réttlætinu og hafði að lokum fullan
sigur. Eftirfarandi orð em höfð eftir
honum: Ég komst að raun um að
hugrekki felst ekki í því að óttast
ekki, heldur í því að yfirstíga
óttann og sigrast á honum. Sá
hugrakki er ekki sá sem óttast ekki,
heldur sá sem sigrast á óttanum.
Það fer ekki á milli mála að
Nelson Mandela er gott dæmi um
einstakling sem býr yfir þolinmæði
og þrautseigju, sem er gmndvallar-
atriði og megininntak seiglu." Úr
bókinni Þú getur...
Mínar nýju aðstæður hræða mig
töluvert en ég er hins vegar ákveðin
í að líta á þær sem sóknarfæri, lið í
áttina að einhverju stórfenglegu í
mínu lífi! Jafnframt ætla ég að taka
mig til og stökkva af alefli inn í
þennan ótta minn og standa uppi
sem sigurvegari eins og Mandela
gerði.
Þannig að, kæm lesendur, munið
að þegar áföllin dynja yfir -
HALDIÐ ÁFRAM AÐ SYNDA!!!
alveg eins og Guðlaugur gerði.
Einnig ef þið verðið hrædd, að
stinga ykkur þá út í djúpu laugina
og horfast í augu við ótta ykkar
eins og Mandela gerði. Ef við
tökum þá til fyrirmyndar eru okkur
allir vegir færir!
Kœr kveðja, ykkar Kristín Ósk
Matarmenning, list og ferðaþjónusta
-Eru viðfangsefni Dorothee Lubecki, menningarfulltrúa Suðurlands
Dorothee Lubecki, menningarfull-
trúi Suðurlands, heimsótti Vest-
mannaeyjar í vikunni til að vekja
athygli á að umsóknarfrestur vegna
menningarstyrkja á vegum menn-
ingarráðs Suðurlands rann út 16.
mars sl. í ár verður 35 milljónum
króna úthlutað og tilkynnt verður
um styrkveitingar í apríl en styrkj-
unum er ætlað að styrkja og efla
menningarstarf á Suðurlandi.
Markmiðið að efla menn-
ingarstarfsemi
Dorothee segir mikilvægt að vekja
athygli á styrkjunum í Eyjum þar
sem Vestmannaeyjabær er í sam-
starfi við önnur sveitarfélög á
Suðurlandi.
„Fyrir þremur árum gerðu
menntamálaráðuneytið og SASS
með sér samning um samstarf ríkis
og sveitarfélaga á Suðurlandi og til-
gangurinn var að efla menningar-
starf á svæðinu og beina stuðningi
ríkis og sveitarfélaga í einn farveg.
Menntamálaráðuneytið greiðir bein
framlög ríkissjóðs og menningarráð
Suðurlands hlutast til um greiðslu
þeirra. Fjórtán sveitarfélög sam-
einast um þetta ágæta samstarf og
Höfn í Homafirði kemur væntan-
lega inn líka en það er þó ekki
ákveðið.“
Dorothee segir fimm manns sitja í
menningarráði Suðurlands en þeir
eru kosnir á SASS þingi og hún er
starfsmaður ráðsins. „Styrktar-
sjóðurinn er það fjármagn sem
svæðið ræður yfir og á þessu ári
auglýsum við einu sinni en óvíst er
um framhaldið því samningurinn
nær til loka árs 2009.
Vestmannaeyingar hafa verið að
duglegir að sækja um úr sjóðnum
og hafa fengið úthlutun á undan-
fömum ámm, ég get nefnt
Dorothee: Byggðir á Suðurlandi
eru í sókn en við þurfum að
marka okkur sérstöðu. Fólk á
landsbyggðinni sækir ýmsa
menningarviðburði í Reykjavík
en við þurfum að ná til fólks á
höfuðborgarsvæðinu þannig að
það sæki menningu á svæðið
okkar.
Sigurgeir ljósmyndara, Pompei
norðursins, Náttúmgripasafnið,
Hippahátíð, Sögusetur 1627 o.fl.“
Skapandi fólk ekki leiðin-
legt
Dorothee segir starf menningar-
fulltrúa á Suðurlandi vera bæði
fjölbreytt og skemmtilegt. „Ég
kynnist fólki af öllu svæðinu, allt
frá Ölfusi til Skaftafellsýslna, það
nær út til Vestmannaeyja og ef
Höfn í Homafirði bætist við verður
það ennþá stærra. Skapandi fólk er
ekki leiðinlegt og ég kynnist tón-
listar-, leiklistar- og safnafólki á
öllu svæðinu. Ég lít á menningu
sem atvinnugrein og tel að innan
hennar geti verið heilmikil umsvif.
Hugtakið menning er teygjanlegt
því við getum talað um matar-
menningu og svo hefðbundnar list-
greinar eins og tónlist og skáldskap
sem svo aftur tengist menningar-
tengdri ferðaþjónustu."
Dorothee sagði starf menningar-
fulltrúa vera gefandi því í menn-
ingu felist ótal tækifæri en hún
starfaði áður sem ferðamálafulltrúi
á Vestfjörðum. „Ég hélt að Suður-
land væri þróað í samanburði við
Vestfirði en tel að við getum aukið
og skapað miklu meiri tekjur af
ferðaþjónustu með auknu sam-
starfi. Ef menn vinna með matar-
menningu, listgreinar og ferðaþjón-
ustu þá er hægt að gera stóra hluti
og þess vegna er mikilvægt að leiða
fólk saman og skapa vettvang. Ég
er t.d. með samráðsfundi með
menningarfulltrúum og fólki sem
vinnur að menningarmálum á
Suðurlandi því það er svo mikil-
vægt að tala saman og miðla
upplýsingum þannig að hver og
einn sé ekki að reyna að finna upp
hjólið. Mér finnst mikilvægt að
stuðla að samvinnu og nýta þann
kraft og þekkingu sem er á hverjum
stað fyrir sig.
Ég hef átt gott samstarf við Krist-
ínu Jóhannsdóttur, menningarfull-
trúa Vestmanneyja, og fólk leitar til
mín af öllu svæðinu og er í góðu
samstarfi við Atvinnuþróunarsjóð.
Ég legg mikið upp úr samvinnu
þeirra sem vinna að uppbyggingu
atvinnumála og ferðaþjónustu."
Þurfum að marka okkur
sérstöðu
Þegar talið berst að menningarstarf-
semi í Vestmannaeyjum segir hún
sérstöðu Vestmannaeyja mikla þar
sem staðurinn sé einangraður og
því þurfi menningarlíf að vera
öflugt á staðnum. „Vestmannaeyjar
eru heill heimur út af fyrir sig og
minnir mig á Vestfirði. Hér er þörf
fyrir öflugt menningarstarf og tæki-
færi leynast m.a. í því að fólk býr
saman á litlum stað og ekki hægt
að sækja allt annað. Hér er sterk
svæðismenning og það er fínt og
Iífsnauðsynlegt fyrir sveitarfélag
eins og Vestmannaeyjar að hafa
öfluga menningarstarfsemi.
Byggðir á Suðurlandi eru í sókn
en við þurfum að marka okkur sér-
stöðu. Éólk á landsbyggðinni sækir
ýmsa menningarviðburði í Reykja-
vík en við þurfum að ná til fólks á
höfuðborgarsvæðinu þannig að það
sæki menningu á svæðið okkar.
Draugasetrið er að reyna að höfða
til fleiri en þeirra sem búa á
svæðinu og sama má segja um
Sögusetur 1627 í Vestmanna-
eyjum.“
Dorothee hvetur alla þá sem eru
með góðar hugmyndir, sem tengjast
menningu og menningarstarfsemi,
til að sækja um styrk til ráðsins.
„Við auglýsum eftir umsóknum til
menningartengdrar ferðaþjónustu
en við tökum tillit til allra umsókna
sem rúmast innan reglna sjóðsins.
Við verðum með málþing í Ámesi
á fimmtudag og þar verður sérstak-
lega fjallað um menningartengda
ferðaþjónustu sem er afar mikil-
væg.
Safnaklasi Suðurlands er sam-
starfsverkefni safna á Suðurlandi
og við formlega opnun safnahelgar
á síðasta ári var ákveðið að úthluta
menningarstyrkjum við það tilefni,"
sagði Dorothee að lokum en stefnt
er að því að úthlutun á vordögum
fari fram í Vestmannaeyjum.
íris Róbertsdóttir skrifar:
Kæru
stuðnings-
menn
Þakka ykkur innilega fyrir
stuðninginn í
prófkjörinu á
laugardaginn.
Ég fékk góða
kosningu í
það sæti sem
ég sóttist eftir
þannig að
árangurinn
var í sam-
ræmi við mínar björtustu
vonir. Fyrir það er ég ykkur
afar þakklát.
Sérstaklega er ég þakklát
þeim sem um allt kjördæmið
hjálpuðu mér í baráttunni með
ráðum og dáð. Ég get játað það
nú að ég vissi auðvitað ekki
nákvæmlega út í hvað ég var
að fara með þátttöku í
prófkjörinu. Þetta bar frekar
brátt að en ég ákvað að láta
slag standa og henti mér út í
djúpu laugina. Sem betur fer
voruð þið þar tilbúin með
kútana að taka á móti mér!
Takk fyrir það.
En nú hefst sjálf kosninga-
baráttan. Ég tel okkur vera
búin að koma saman sigur-
stranglegri forystusveit á fram-
boðslistanum - hæfileg blanda
af reynslu og nýgræðingi. Þrjár
ungar konur í fjórum efstu
sætunum - geri aðrir betur!
Nú tökum við höndum saman
og tryggjum Sjálfstæðisflokkn-
um sterka kosningu í Suður-
kjördæmi!
Takk fyrir mig,
íris Róbertsdóttir.
Höfundur varð ífjórða sœti í
prófköri Sjálfstœðismanna.
Sjómannafélagið
Jötunn ályktar:
Ferskur
fiskur
selst alltaf
Vegna umræðna um skerðingu á
útflutningi á ferskum fiski vill
Sjómannafélagið Jötunn taka
eftirfarandi fram.
Haldið er fram að 25% skerðing
á ferskfiskútflutningi í gámum
skapi 300 störf við fiskvinnslu
hér á landi sem við teljum mjög
orðum aukið.
Ennfremur gengur illa að selja
unninn fisk á mörkuðum en
ferski fiskurinn selst alltaf því
neytendur vilja fá fiskinn sem
ferskastan á sinn disk.
Hér í Vestmannaeyjum er land-
burður af fiski og allar vinnslur á
fullum afköstum og geta ekki
tekið við meira hráefni.
Stjóm Sjómannafélagsins
Jötuns mótmælir harðlega allri
skerðingu á útflutningi á ferskum
fiski með tilheyrandi launa-
skerðingu fyrir sjómenn og
minnir á ákvæði kjarasamninga
um að leitast skuli við að fá alltaf
hæsta verð fyrir fisk, veiddan á
íslandsmiðum.
Stjórn Sjómannafélagsins Jötuns