Frjáls verslun - 01.05.2010, Síða 122

122 F R J Á L S V E R S L U N • 5 . T B L . 2 0 1 0
TEXTI OG LJÓSMYND: PÁLL STEFÁNSSON
KRÚSAÐ Á CRUZE
C
ruze er fyrsti bíllinn sem notar
Delta II-botnplötuna frá GM.
Nýja Opel Astran og Chevrolet
Volt, fyrsti umhverfisvæni vetnis -
bíllinn frá GM, sem kemur á
næsta ári, nota þessa sömu botnplötu, en
hún var hönnuð í Þýskalandi hjá Opel.
Chevrolet Cruze er vel hannaður, fallegur
bíll, einstaklega hljóðlátur og með góð
sæti, gott pláss. Mælaborðið er aftur á
móti ekki í sama klassa; tvílitt, venjulegt,
flest er þó á réttum stað, nema gírstöngin,
sem er nokkuð hátt uppi.
Vélin er spræk, ekki kraftmikil, fín á
langkeyrslu en vantar örlítið upp á snerpu
við framúrakstur. Það mætti vera meira
tog. Hún er eyðslugrönn fyrir þetta mikinn
bíl; gott mál. Allur frágangur að innan sem
utan er til fyrirmyndar, sem og öryggið, en
alls staðar hefur Chevrolettinn fengið
hæstu einkunn fyrir öryggi. Sama má segja
um aksturs eiginleikana. Stýrið er gott,
fjöðrunin stíf, án þess að vera of hörð, og
Cruzinn ligg ur eins og klessa. Það má segja
að þetta sé fjölþjóðlegur bíll, en hann er
framleidd ur í sjö löndum; Suður-Kóreu,
Indlandi, Rúss landi, Taílandi, Bandaríkjunum,
Taívan og Kína.
Góður millistærðarbíll, fyrir allan heiminn
– líka okkur.
GT-R
Bílar
Suður-Afríka er í brennidepli; heimsmeistarakeppnin, þessi mikli viðburður, kemur landinu og álfunni
á kortið. Landið er stórt, fallegt og spennandi, frábært land að ferðast um, góðir vegir, stórbrotið
landslag, vingjarnlegt fólk. Var svo heppinn fyrir skömmu að krúsa um Suður-Afríku, tæpa fimm
þúsund kílómetra, á nýjum Chevrolet Cruze. Fínn bíll. Enda eyddi General Motors 27 mánuðum
og 508 milljörðum króna til að hanna þennan ágæta bíl, sem kom á markað fyrir rúmu ári.