Frjáls verslun - 01.11.2007, Blaðsíða 68
68 F R J Á L S V E R S L U N • 1 1 . T B L . 2 0 0 7
DAGBÓK I N
Eftir að hafa hafnað tilboði
Novators í maí ákvað stjórn
Actavis hins vegar að mæla
með nýju tilboði frá Novator í
júní. samkvæmt því tilboði var
markaðsvirði Actavis yfir 303
milljarðar króna.
17. júlí
4 þús. hluthafar
fengu 190
milljarða tékka
Þennan dag var sagt frá því
að Novator hefði eignast
90% hlutafjár í Actavis og
þar með væri yfirtakan í
höfn þar sem eftirstandandi
hluthöfum væri skylt að selja,
samkvæmt lögum. Jafnframt
var þess getið að 4 þúsund
hluthafar í Actavis, sem
hefðu ákveðið að taka tilboði
Novators, fengju tékka senda
heim til sín, að andvirði 190
milljarða króna.
Morgunblaðið hafði eftir
Björgólfi thor að hann væri
mjög sáttur og að félagið hefði
gefið mjög vel af sér gagnvart
hluthöfum síðustu árin.
„Eftir viku munu tæplega
fjögur þúsund manns fá sendan
tékka, 190 milljarðar króna
koma inn í hagkerfið sem er
ákaflega gaman. Þetta hefur
verið mjög vænleg fjárfesting,“
sagði Björgólfur thor.
17. ágúst
Vínbúðin í
austurstræti
Vínbúðin í Austurstræti
komst í fréttirnar og er orðin
frægasta vínbúð landsins eftir
að Vilhjálmur Þ. Vilhjálmsson
borgarstjóri sagðist ekki
gráta það þótt Vínbúð ÁtVr í
Austurstræti færi. Það myndi
laga ástandið í miðbænum
því þessi búð veitti „ákaflega
góða þjónustu“ með því að
bjóða viðskiptavinum meðal
annars upp á að kaupa kaldan
bjór í stykkjatali.
Fram kom að Vilhjálmur
hefði skrifað ÁtVr bréf þar sem
hann óskaði eftir því að dregið
yrði úr þessari þjónustu og að
kælirinn frægi yrði tekinn úr
sambandi og hætt yrði að selja
bjór í stykkjatali.
Eftir þessi ummæli Vilhjálms
borgarstjóra voru flestir á því
að hann hefði auglýst búðina
meira en nokkur annar. Altént
er vínbúðin í Austurstræti núna
þekktasta vínbúð ÁtVr.
26. júlí
Ingunn og Karl Kaupa galtalæKjarsKóg
Það er alveg sama
hvað hver segir, þessi
frétt var ein af þeim
skemmtilegri í sumar.
En Morgunblaðið sagði
frá því að karl og Ingunn
Wernersbörn hefðu
keypt Galtalækjarskóg
af Góðtemplarareglunni,
I.O.G.t. kaupverðið var
ekki gefið upp.
Auðvitað er það ekki
á hverjum degi sem
þekktir viðskiptajöfrar
kaupa skóga. sá sem
hefur verið kunnastur fyrir
slíka iðju er Jón Helgi
Guðmundsson, forstjóri
Norvikur, en fyrirtæki
hans eiga skóglendi í
rússlandi.
Í frétt Morgunblaðsins
sagði að það hefði verið
fyrirtækið VÁttur, sem
er í eigu þeirra Ingunnar
og karls, sem keypti
Galtalækjarskóg af
templurunum. samtökin
hafa verið með starfsemi
í skóginum frá árinu
1967 þegar þau tryggðu
sér þar aðstöðu með
leigusamningum en
hafa keypt landið upp
undanfarinn áratug.
Í fréttinni kom fram
að kaupsamningurinn
hljóðaði upp á 84
hektara lands sem
væru að mestu skógi
vaxnir, ásamt tjaldsvæði
og þjónustumiðstöð.
Haft var eftir Garðari
Vilhjálmssyni,
forsvarsmanni Váttar,
að vilyrði væri frá
sveitarfélaginu um að
einhver uppbygging á
sumarbústaðabyggð yrði
heimiluð.
Karl Wernersson.
Vilhjálmur Þ. Vilhjálmsson
borgarstjóri.
Ingunn Wernersdóttir.