Frjáls verslun - 01.11.2007, Blaðsíða 119
F R J Á L S V E R S L U N • 1 1 . T B L . 2 0 0 7 119
Í ritgerð minni gerði ég könnun á því hvert væri viðmið þegar
aflaheimildir og útgerðarfyrirtæki gengju kaupum og sölu og hvers
vænta mætti í framtíðinni. Ég ræddi við framkvæmdastjóra þeirra
50 fyrirtækja sem hafa yfir mestum aflaheimildum að ráða; spurði
hvers vegna þeir heððu verið að fjárfesta í kvótanum og hvaða breyt
inga mætti vænta í framtíðinni af þeirra hálfu.
Helsta niðurstaðan er að stærstu fyrirtækin vilja verða stærri og
þau eru býsna sjálflæg í þeim skilningi að forstjórar þeirra telja litlar
sem engar líkur á að þeir selji frá sér kvóta en hins vegar miklar líkur
á að þeir stækki og kaupi varanlegar heimildir af öðrum.
Virði sjávarútvegsfyrirtækja, sem og annarra fyrirtækja sem hafa
verið á markaði, hefur lengst af verið metið í greiningum bankanna
út frá fjárstreymi til eiginfjár.
Verðmatið hefur byggst á hefðbundnu sjóðsstreymislíkani, þar sem
gerð er áætlun um rekstur fyrirtækja til framtíðar og er sú rekstrar
áætlun grundvöllur verðmatsins. Varanlegir rekstrarfjármunir og
kvótaeign félagsins er ekki metið sérstaklega, heldur er litið svo á að
þær eignir séu undirstaða rekstursins.
Kaup og sala á sjávarútvegsfyrirtækjum hefur smám saman þróast
á þann veg að þau eru í raun metin eftir upplausnarvirði og er kvót
inn orðinn stærsta eignin í flestum sjávarútvegsfyrirtækjum.
Það er athyglisvert að sjávarútvegsfyrirtæki eru ekki almennings
hlutafélög lengur og ekki skráð á markaði; í Kauphöllinni. Það
síðasta er þessar vikurnar að hverfa af markaði, Vinnslustöðin í
Vestmannaeyjum. Verð sjávarútvegsfyrirtækja í Kauphöllinni hækk
aði engan veginn í takt við önnur fyrirtæki í Kauphöllinni og áhugi
almennings á þeim virtist einfaldlega ekki nægilega mikill.
En aðeins um Vinnslustöðina. Síðasta opinbera verðmatið á
Vinnslustöðinni, sem bankar gerðu, var framkvæmt af Lands
bankanum í mars síðastliðnum og var verðmatsgengið 4,7. Gengi
Vinnslustöðvarinnar hækkaði mánuði síðar þegar viðskiptaaðilar
virtust hafa tekið kvótaverðmætið inn í matið og notað upplausnar
aðferð og var gengið 8,5 í nóvember 2007.
Úrtak og aðferð
Í könnuninni notaðist ég við lista Fiskistofu sem nefnist „Úthlutað
aflamark eftir fyrirtækjum í upphafi fiskveiðiársins 2006/2007, 50
stærstu fyrirtæki miðað við þorskígildi. Upphafsúthlutun 24. ágúst
2006.“
Hér er um 50 aðila að ræða sem fengu úthlutun og voru þeir með
80,5% af heildarúthlutun aflaheimilda.
Svarendur (39) voru handhafar 63,9% af heildarkvóta eða 79%
af kvótaúthlutun 50 stærstu kvótahafanna. Niðurstöðurnar eiga við
allan hópinn (50 stærstu kvótahafana), og lýsa því vel viðhorfum
stjórnenda þessara 50 fyrirtækja þar sem svarhlutfallið er 79%.
Könnunin var símakönnun, gerð í apríl 2007. Í júní 2007 lagði
Hafrannsóknarstofnun til að úthlutun á aflamarki þorsks fyrir næsta
fiskveiðiár, sem hófst 1. september sl., yrði minnkuð um 30%.
texti: helgi S. helgaSon • Mynd: geir ólafSSon
Hefur þitt fyrirtæki verið að auka eða minnka varan
lega aflahlutdeild með kaupum eða sölu á síðasta og
yfirstandandi fiskveiðitímabili?
Könnun Helga
Hversu miklar eða litlar líkur eru á að þitt
fyrirtæki kaupi varanlegar aflaheimildir á þessu
og næsta fiskveiðitímabili?
Hversu miklar eða litlar líkur eru á að þitt
fyrirtæki selji varanlegar aflaheimildir á þessu
og næsta fiskveiðitímabili?