Frjáls verslun - 01.02.2005, Blaðsíða 103

F R J Á L S V E R S L U N • 2 . T B L . 2 0 0 5 103
- Hvað gerir dohop?
„Dohop er leitarvél sem setur saman
flugáætlanir, hún sparar fólki tíma með því
að hafa allt á einum stað sem áður þurfti að
leita að á vefsíðum 30 flugfélaga. Nú getur
leitarvélin hjálpað fólki að fletta upp sæta-
verði hjá þessum félögum og seinna munum
við bæta við bókunar-„álfi" sem sér um að
bóka flugin fyrir notendur á einfaldan hátt,
en í dag bóka notendur sjálfir þau flug sem
þeir finna.“
Drífa í hlutunum „Nú er dohop fyrsta vef-
síðan sem finnur flug og setur upp flug-
áætlanir með evrópskum lággjaldafélögum
og við vonum að sú sérstaða hjálpi okkur
að breiða út dohop.com. Það er reyndar
undarlegt að þetta hafi ekki verið leyst áður,
en lággjaldafélögin hafa líklega ekki viljað
borga þau færslugjöld sem hefðbundin bók-
unarkerfi eins og Amadeus þurfa að fá fyrir
sína þjónustu.
Framtíðarmarkmið dohop er að auð-
velda notendum að skipuleggja allar sínar
ferðir, hvort sem er með flugi, lestum eða
ferjum, og hjálpa notendum að finna hótel,
bílaleigur og fleira. Að skipuleggja ferðalög
með dohop kostar ekkert fyrir einstaklinga,
fyrirtækið fær tekjur sínar af vefauglýs-
ingum og þóknunum frá ferðafyrirtækjum. Í
Evrópu eru á ári hverju seld um 100 milljón
flugsæti með lággjaldafélögum og nálægt
200 milljón sæti með öðrum flugfélögum.
Dohop gerir sér hóflegar væntingar um
markaðshlutdeild, væru mjög ánægðir með
0,5% af markaðinum enda yrði þá góður
hagnaður af rekstri félagsins.
Þess má geta að dohop er ennþá í BETA-
útgáfu en það þýðir að þó vefurinn sé
orðinn nothæfur er enn verið að slípa hann
til. BETA-þróun vefsvæða hefur rutt sér
mjög til rúms á síðustu tveim árum, enda
reynst góð leið til að finna út hvað notendur
vilja. Google og Skype eru til dæmis alltaf
með eitthvað nýtt í BETA-prófunum.
Nú þegar er hægt að finna flug frá
Íslandi til um 100 borga á einum degi og
úrvalið fer vaxandi. Um 30 flugfélög eru
í kerfinu og þau fljúga milli 329 staða.
Meðal þeirra má nefna Iceland Express,
Easy Jet, Ryanair, Sterling, Maersk Air, og
fjölda annarra evrópskra flugfélaga. Til að
byrja með verður lögð áhersla á evrópsk
lágfargjaldaflugfélög en síðar verður bætt
við tengingum við hefðbundin flugfélög.
Þegar þetta er ritað er einmitt verið að þróa
tengingu kerfisins við Icelandair.
Nýlega var bætt við þeim möguleika
að finna flugaáætlanir sem innifela nætur-
gistingu á leiðinni. Með því opnast leiðir til
mun fleiri áfangastaða, enda þá hægt að ná
morgunflugi t.d. frá Kaupmannahöfn.“
L E I T A R V É L Á N E T I N U
Um 30 flugfélög eru í
kerfinu og þau fljúga
milli 329 staða. Meðal
þeirra má nefna
Iceland Express, Easy
Jet, Ryanair, Sterling,
Maersk Air, og fjölda
annarra evrópskra
flugfélaga.
Frosti Sigurjónsson var forstjóri
Nýherja. Hann söðlaði um og
fluttist til Frakklands, og hefur
m.a. verið ráðgjafi og stjórnar-
formaður hjá CCP hf., sem fékk
útflutningsverðlaunin í ár.