Frjáls verslun - 01.02.2005, Blaðsíða 39

F R J Á L S V E R S L U N • 2 . T B L . 2 0 0 5 39
M A T V Ö R U M A R K A Ð U R I N N
Mestu stríðsátökin hafa verið á milli
Bónus, Kaskó, Nettó og Krónunnar. Þær
eru allar lágvöruverðsverslanir, þ.e. Krónan
er komin í þann hóp eftir lækkunina. Engu
að síður hafa verslanir eins og Hagkaup,
Nóatún og Samkaup tekið þátt í leiknum
með alls kyns, tímabundnum tilboðum.
Sumir kalla þetta stríð „mjólkurstríðið“.
Þegar átökin voru sem mest gáfu búðirnar
mjólkina. Margar aðrar vörutegundir voru
um skeið lækkaðar niður í „ekki neitt“ – og
það í bókstaflegri merkingu. Furðuleg kaup-
mennska? Já. En stundum verður ekki við
neitt ráðið, þegar keppinautarnir eru komnir
með vöruverð niður í eina krónu. Þá er
næsti leikur að gefa vöruna eigi að bæta um
betur.
Afleiðingar stríðsins Þetta stríð hefur verið
áróðursstríð. Það hefur snúist um að ná
aukinni hlutdeild í markaðnum og verja vígi
sitt. Öll stríð ganga út á að einhver sækir
inn á annars land. En hverjar verða afleið-
ingarnar? Kalt mat: Bónus, Krónan, Nettó
og Kaskó munu allar bæta við sig og auka
markaðshlutdeild sína á kostnað verslana
sem eru um miðbik skalans sem og þeirra
dýrustu.
Frjáls verslun metur stærð matvöru-
markaðarins um 57 milljarða kr. í veltu. Það
er í ljósi þess mats sem við áætlum að 2 til
3 milljarðar í veltu færist varanlega yfir til
lágvöruverðsmarkaðarins. Krónan, sem hóf
stríðið, mun bæta við sig, þótt engan veginn
sé víst að hún nái markmiði sínu um þá
markaðshlutdeild sem hún lagði upp með.
Stríðið bitnar jafnmikið á systur félögunum,
Nóatúni og 11-11, eins og höfuðóvininum,
Bónusi.
Tap verslana af stríðinu er 400 til 500
milljónir kr., að mati okkar á Frjálsri versl un.
Markaður upp á 57 milljarða króna þýðir
vikusölu upp á 1,1 milljarð kr. Við gefum
okkur að afslættir, gjafir og óvænt, sérstök
tilboð hafi kostað allar verslanirnar um 110
til 120 milljónir á viku í hita leiksins. Það
þýðir um 400 til 500 milljónir þær fjórar
vikur sem átökin voru hvað hörðust.
VERÐSKALINN FYRIR STRÍÐ
(Ódýrustu verslanir efst)
Bónus
Kaskó
Nettó
Krónan,
Fjarðarkaup
Hagkaup/Nóatún/Samkaup
10-11/ 11-11
VERÐSKALINN EFTIR STRÍÐ
(Ódýrustu verslanirnar efst)
Bónus/Krónan
Kaskó
Nettó
Fjarðarkaup
Hagkaup/Nóatún/Samkaup
10-11/11-11
(* Stóra spurningin: Tekst Krónunni að vera
við hliðina á Bónus í verði til lengdar?)
Bónus 30%
Hagkaup 11%
Nóatún 12% 10-11 7%
Krónan 9%
Nettó 7%
11-11 3%
Samkaup 7%
Kaskó 2%
Fjarðarkaup 4%
Aðrir 8%MARKAÐSHLUTDEILD
Á MATVÖRUMARKAÐI
FÖLDI VERSLANA
HAGAR
Bónus ..................... 21
Hagkaup ..................... 7
11-11 ..................... 20
KAUPÁS
Krónan ..................... 11
Nóatún ..................... 14
11-11 ..................... 13
SAMKAUP
Samkaup .................. 25
Nettó ......................... 4
Kaskó ........................ 3
FJARÐARKAUP
Fjarðarkaup ................ 1
AÐRIR
Um 100 smáar verslanir
Þegar allt fór að snúast um hversu marga
lítra fólk fengi heim til sín af mjólk breyttist
slagorðið „Mjólk er góð“ í „Mjólk er óð“.