Frjáls verslun - 01.02.2005, Blaðsíða 104

104 F R J Á L S V E R S L U N • 2 . T B L . 2 0 0 5
- Nú ert þú búsettur í Frakklandi og fjar-
lægðir miklar á milli ykkar stjórnenda fyrir-
tækisins. Gerir það ykkur ekkert erfitt fyrir?
„Við vinnum þetta ennþá allir heiman frá
okkur og það er ágætt að hafa mig hér úti því
ég sé um tengslavinnu við flugfélögin sem flest
eru í Evrópu. Við notfærum okkur nettækni og
höldum nánast daglega símafundi yfir netið.
Við hittumst síðan einu sinni í mánuði
á Íslandi. Ég neita því ekki að það væri
miklu skemmtilegra að vera allir á einum
stað þó að þetta gangi alveg svona til
að byrja með. Þetta væri auðvitað ekki
hægt nema af því að við þekkjumst vel
og getum unnið sjálfstætt. Þegar félagið
fer að hafa einhverjar tekjur og starfs-
mönnum fjölgar verður sett upp skrif-
stofa á Íslandi.
- Ert þú að gera eitthvað fleira?
„Já, ég hef mjög gaman að nýsköpunar-
verkefnum. Ég er svo heppinn að vera
þátttakandi í mörgum spennandi sprota-
fyrirtækjum á Íslandi og sú reynsla kemur sér vel
núna í starfi mínu hjá dohop.“
Frosti hefur m.a. verið ráðgjafi og stjórnar-
formaður hjá CCP hf., sem fékk útflutningsverð-
launin í ár, Spurl ehf., 3-Plus hf., sem framleiðir
dvd-kids, og Vísindagörðum Háskóla Íslands.
- Þið eruð stöðugt að vinna að endurbótum
á dohop.
„Já, flugleitarvélin er bara byrjunin á miklu
stærra verkefni. Við vinnum markvisst að því að
gera dohop sífellt öflugra verkfæri til að hjálpa
fólki að finna alla þá ferðamöguleika sem eru
í boði á Internetinu. Mikilvæg viðbót þegar við
náum að bóka ferðalög fyrir notendur. Við erum
með lista yfir ýmsar áhugaverðar nýjungar sem
við munum kynna á næstu vikum og mánuðum.
- Þið notið Ísland sem reynslumarkað.
„Við ákváðum að kynna dohop eingöngu á
Íslandi í fyrstu. Íslendingar virðast vera óvenju
áhugasamir þegar kemur að nýjungum og tækni
og kröfuharðir í þeim efnum. Ef okkur tekst að
standa undir væntingum Íslendinga er líklegra
að aðrir Evrópubúar verði líka ánægðir með
okkur. Ísland er vel afmarkaður markaður sem
hægt er að ná til án mikils markaðskostnaðar.
Þetta hefur tekist vel fram að þessu og við erum
mjög þakklátir öllum þeim sem hafa sent okkur
ábendingar um það sem mátti betur fara. Nú
styttist óðum í að við getum hafið kynningarstarf
dohop í Evrópulöndum.“
- Ætlar dohop víðar en til Evrópu í náinni
framtíð?
„Við stefnum auðvitað á allan heiminn en
áttum okkur á því að þetta þarf að vaxa í
skrefum og við megum ekki dreifa kröftunum of
mikið meðan við erum smáir. En
það eru margir að biðja okkur um að bæta
inn Asíu og Bandaríkjunum og það er mikilvægt
að verða við því sem fyrst. Það myndi samt tefja
okkur í að klára aðra mikilvæga þætti kerfisins
eins og bókunarþáttinn sem við viljum endilega
bjóða upp á sem allra fyrst.“ segir Frosti.
Til að byrja með verður
lögð áhersla á evrópsk
lágfargjaldaflugfélög
en síðar verður bætt
við tengingum við
hefðbundin flugfélög.
Þegar þetta er ritað er
einmitt verið að þróa
tengingu kerfisins við
Icelandair.
Frosti heldur uppi merki
dohop.is, en fyrirtækið
hjálpar ferðalöngum að
finna hagstæðustu flug-
fargjöldin á Netinu.