Morgunblaðið - 07.02.2015, Síða 6

6 FRÉTTIRInnlent
MORGUNBLAÐIÐ LAUGARDAGUR 7. FEBRÚAR 2015
Steinþór Guðbjartsson
steinthor@mbl.is
Kristín Valdís Örnólfsdóttir tók þátt í
listhlaupi á skautum á Ólympíu-
leikum æskunnar, sem fram fóru í
Liechtenstein og Austurríki um liðna
helgi. Þátttakan var lítið skref í átt að
láta stóra drauminn rætast, að keppa
á Ólympíuleikum, eins og pabbi
hennar og föðurafi gerðu á sínum
tíma.
Valdimar Örnólfsson keppti í stór-
svigi á Vetrarólympíuleikunum í
Cortina á Ítalíu 1956. Örnólfur, sonur
hans, keppti í stórsvigi og risasvigi á
vetrarleikunum í Albertville í Frakk-
landi 1992. Kristín, 16 ára dóttir Örn-
ólfs, er líka skíðakona og hefur unnið
í Kerlingarfjöllum eins og pabbinn og
afinn, en þegar hún bjó í Svíþjóð með
foreldrum sínum ákvað hún að leggja
stund á listhlaup á skautum. „Við
vorum alltaf á skautum og eitt sinn
var skautasýning, ég fékk að prófa,
fannst það mjög gaman og byrjaði að
æfa,“ segir hún.
Kristín segir að hún hafi oft farið á
skíði með föður sínum en hvorki hann
né Valdimar afi hafi þrýst á að hún
legði áherslu á íþróttina. Þátttaka
þeirra á Ólympíuleikum hafi samt
haldið henni við efnið. „Það er mjög
erfitt að fá keppnisrétt á skautum á
Ólympíuleikum,“ segir hún. „Leiðin
þangað er mjög löng og íþróttin er
ekki mjög þróuð hérna á Íslandi, þó
að hún hafi þróast mjög hratt und-
anfarin ár. Auðvitað stefni ég á Ól-
ympíuleikana og það er draumurinn
að komast þangað, en það er erfitt.“
Hún bætir við að margar hindranir
séu í veginum að Ólympíuleikum og
þeim þurfi fyrst að ryðja úr vegi. „Ég
þarf fyrst að hugsa um mótin sem
liggja að Ólympíuleikum, Evrópumót
og sambærileg mót, sem eru minni en
samt stórmót.“
Ólympíuleikar æskunnar er
stærsta mót Kristínar til þessa en
auk þess hefur hún meðal annars tek-
ið þátt í Norðurlandamótum. „Mér
gekk ágætlega,“ segir Kristín um ný-
liðna keppni og bætir við að hún hafi
verið nálægt því að slá Íslandsmetið á
alþjóðlegu Reykjavíkurleikunum á
dögunum. „Það var mjög skemmti-
legt mót og ég var einu stigi frá því að
ná Íslandsmetinu í frjálsa dansinum.“
Kristín segir aðalatriðið að halda
áfram að æfa og gera sitt besta. „Ég
reyni að vera eins góð og ég get orðið,
set markið hátt og vinn að því að ná
því.“
Morgunblaðið/Ómar
Íþróttakappar Valdimar Örnólfsson, Kristín Valdís Örnólfsdóttir og Örnólfur Valdimarsson eru keppnisfólk.
Fótafimi í fjölskyldunni
 Feðgarnir kepptu á Vetrarólympíuleikum á árum áður
 Kristín Valdís keppandi á Ólympíuleikum æskunnar
Eggert Jóhannesson
Egilshöll Kristín Valdís á Norð-
urlandamót í listhlaupi á skautum.
Vor 4 27. apríl - 10.maí
Bókaðu núna á baendaferdir.is
Sími 570 2790
bokun@baendaferdir.is
Síðumúla 2, 108 Reykjavík
Spennandi ferð um Suðurríki Bandaríkjanna. Ekið verður
um fenjasvæði, sólríkar strendur Mexíkóflóa og sögufrægar
borgir heimsóttar s.s.Tallahassee og Pensacola.Við siglum
á hjólaskipi á Mississippifljóti, heimsækjum Graceland og
yljum okkur við hina dásamlegu Daytona strönd.
Verð: 324.400 kr. á mann í tvíbýli.
Allar skoðunarferðir innifaldar!
Sp
ör
eh
f.
Fararstjóri: Jónas Þór
New Orleans, Graceland & Nashville
Ágúst Ingi Jónsson
aij@mbl.is
„Staðan í Finnlandi er vægast sagt
mjög áhugaverð og við einfaldlega
eigum bágt með að skilja hversu
mikil neysla á skyri er orðin í land-
inu,“ segir Jón Axel Pétursson,
framkvæmdastjóri sölu- og mark-
aðssviðs Mjólkursamsölunnar. Stöð-
ug aukning hefur verið á sölu á skyri
í Finnlandi síðustu ár og er neyslan
komin umfram framleiðslugetu.
Skyr fyrir Finnlandsmarkað er
framleitt hér á landi og hjá Thise-
mjólkurbúinu í Danmörku.
Virðist bara
halda áfram
Jón Axel nefnir
sem dæmi að í des-
ember í fyrra hafi
afkastagetan verið
tvöfölduð til að
mæta aukinni eft-
irspurn, sem hafði auk-
ist um 200% á síðasta
ári. Það dugi þó ekki til
því vikupantanir á skyri
í Finnlandi í síðustu viku
hafi verið upp á 1,2 milljónir dósa.
Það samsvarar 204 tonnum eða um
tuttugu 40 feta gámum á einni viku.
„Þessi mikla aukning
virðist bara halda
áfram og þó að við
höfum tvöfaldað af-
kastagetuna með
samningum við
Thise náum við
ekki að anna þessu.
Afkastageta okkar
er í kringum 600 þús-
und dósir á viku eða
102 tonn,“ segir Jón
Axel.
„Það er ljóst af þess-
um nýjustu tölum frá Finnlandi að
við munum rjúfa 100 milljón dósa
múrinn í skyrsölu á þessu ári og
heildarverðmæti sölu ársins verður
yfir 10 milljarðar hjá okkur og sam-
starfsfyrirtækjum okkar.“
Meira af mjólkurvörum
Jón Axel segir athyglisvert að sal-
an í Finnlandi hafi vaxið mjög á síð-
ustu mánuðum á sama tíma og fram-
boð á mjólkurafurðum í landinu hafi
aukist vegna sölubanns á afurðum til
Rússlands.
Um 80% af skyrsölu MS og sam-
starfsfyrirtækja er erlendis, en 20%
innanlands.
Skyrsala á Norðurlöndum
Svíþjóð
Noregur
Danmörk
Finnland
Heildsöluverðmæði Kr.
375.525
2.369.628
1.703.493
964.782
5.413.428
4.173.868.649
295.540
2.460.266
4.111.715
2.848.422
9.848.422
6.146.917.538
-79.985
90.638
2.408.222
2.016.119
4.434.994
1.973.048.889
-21%
4%
141%
209%
82%
47%
Leyfissala
Leyfissala
Leyfissala
Eigin sala
Samtals
Lönd Teg sölu Magn kg. 2013 Magn kg. 2014 Mism. %
Heimild: MS
Anna ekki eftirspurn
í Finnlandi eftir skyri
 Pantanir á viku námu 1,2 milljónum dósa eða 204 tonnum
Baldur Arnarson
baldura@mbl.is
Formaður skóla- og frístundaráðs
Reykjavíkur lét ógert að greina öðr-
um fulltrúum ráðsins frá umræðum
um stigvaxandi vímuefna- og hegð-
unarvanda í grunnskólum Reykja-
víkur, sem fram fóru á mánaðarleg-
um fundum hans með skólastjórum.
Kjartan Magnússon, annar
tveggja fulltrúa Sjálfstæðisflokksins
í ráðinu, fullyrðir þetta og segir að
því verði trauðla hægt að koma með
leiðir til úrbóta á þessu skólaári.
Fjallað var um fíkniefnamál í
Hagaskóla í janúar og þau tengd við
hótanir gagnvart nemendum. Lögðu
fulltrúar Sjálfstæðisflokks þá fram
tillögu í kjölfarið um að komið yrði á
fót sérúrræði fyrir grunnskólanema
með áfengis- og vímuefnavanda. Til-
lagan kom upphaflega frá skólastjór-
um í Árbæ og í Breiðholti.
Átti að koma vanda á framfæri
„Hópur skólastjóra, sem þekkir
málin mjög vel, var búinn að koma
fram með tillögur að viðbótarúrræð-
um. Þessar hugmyndir fóru hljótt í
fyrstu en fengu síðan ágætis við-
brögð frá foreldrum, kennurum og
öðrum fagmönnum. Það bregður síð-
an svo við að þeir fjalla um þessi mál
á svonefndum skólastjórafundum
sem eru haldnir einu sinni í mánuði.
Formaður skóla- og frístundaráðs
hefur aðgang að þeim sem kjörinn
fulltrúi en aðrir kjörnir fulltrúar hafa
það ekki, því miður,“ segir Kjartan
sem kveðst hafa heimildir fyrir því að
tillögur að úrræðum hafi verið til um-
ræðu mánuðum saman. Formað-
urinn hafi hins vegar ekki komið því
á framfæri við ráðið.
Málefni barna í fjölþættum vanda,
einkum vímuefnavanda, voru helsta
umræðuefnið á fundi skóla- og frí-
stundaráðs sl. miðvikudag.
Kjartan segir meirihlutann hafa
fellt tillögu sjálfstæðismanna um að
koma á fót sérúrræði til að mæta
þörfum grunnskólanemenda, sem
eiga við áfengis- og vímuefnavanda
að stríða, og þeirra sem mælast já-
kvæðir á fíkniefnaprófi, en í staðinn
lagt til að stofna „enn eina nefndina“.
Hafa verið á vaktinni
Skúli Helgason, formaður skóla-
og frístundaráðs, segir gagnrýni
Kjartans byggða á misskilningi.
„Ég vísa þessari gagnrýni á bug.
Við ræðum ýmis mál við skólastjóra
á fundum. Gagnrýnin gengur út á að
það hafi verið brugðist seint við ein-
hverri umræðu meðal skólastjóra.
Það stenst ekki. Við höfum verið á
þessari vakt og fjallað um mál barna
með fjölþættan vanda í ráðinu síðan í
haust. Fyrir þann tíma var samtalið
hafið milli skóla- og frístundasviðs
og velferðarsviðs um þessi mál. Þar á
meðal um tillögur sem komu frá
skólastjórum í Breiðholtinu, sem
beindust sérstaklega að börnum í
vímuefnavanda.“
Skúli segir tillögu meirihlutans í
skóla- og frístundaráði fela í sér að
strax verði brugðist við vanda barna
með fjölþættan vanda. Ráðgjafasvið
Brúarskóla muna bera ábyrgð á við-
bragðsteymi, leiða vinnu þess og
vinna tillögur að nýjum úrræðum.
Þagað um vaxandi
vímuefnavanda
 Varnaðarorð skólastjóra í borginni
Skúli
Helgason
Kjartan
Magnússon
Ýmis vandi barna
» Með fjölþættum vanda
barna er m.a. vísað til
hegðunarvanda, geðræns
vanda og vímuefnavanda.
» Áætlað er að á þriðja hundr-
að barna í borginni eigi við slík-
an vanda að stríða.