Morgunblaðið - 07.02.2015, Síða 42
42 ÍSLENDINGAR
MORGUNBLAÐIÐ LAUGARDAGUR 7. FEBRÚAR 2015
Pálína Fanney Skúladóttir lifir og hrærist í tónlist eins og son-ur hennar, Ásgeir Trausti. Hún er kórstjóri og organisti áHvammstanga og Melstað í Miðfirði, en sjálf býr hún á
Laugarbakka. Hún kennir einnig á píanó og söng við Tónlistar-
skólann í Vestur-Húnavatnssýslu. Tónlistarskólinn er öflugur með
um 100 nemendur en alls búa 1.200 manns í sýslunni. Aðalstarf
Pálínu er reyndar grunnskólakennsla en hún er í leyfi frá henni
þennan veturinn. „Ég var að búa mér til rými fyrir jógakennslu, er
að kenna jóga í grunnskóla, á leikskóla og líka í opnum tímum.
Jóga á mitt hjarta þessi árin og ég er með Kundalini-kennararétt-
indi og hef verið að bæta við mig Jóga Nidra sem er djúpslökun.
Svo verð ég á krakkajóganámskeiði um helgina í Reykjavík. Af
öðrum áhugamálum þá jurtalita ég á sumrin, lita ullarband úr jurt-
um, og svo eru það gönguferðir og almenn líkams- og hugarrækt.“
Eiginmaður Pálínu er Einar Georg Einarsson, ljóðskáld og
textasmiður. Hann er kennari að mennt en er hættur kennslu. Auk
Ásgeirs Trausta eiga þau saman dótturina Bergþóru Fanneyju.
„Hún býr í Reykjavík og fer með mér á námskeiðið og svo fer ég út
að borða með henni og kærastanum hennar í kvöld í tilefni dags-
ins.“
Af næstu verkefnum hjá Pálínu í tónlistinni þá ætla kirkjukórinn
á Hvammstanga og barnakórinn að halda tónleika á byggðasafninu
á Reykjum í Hrútafirði. „Tónleikarnir verða með þjóðlegum stíl og
það verður gaman að syngja í öðruvísi umhverfi. Á safninu er stórt
hákarlaskip og við ætlum að reyna að fá leyfi til að syngja í því.“
Pálína Fanney Skúladóttir er fimmtug í dag
Fjölskyldan Á útgáfudegi ljóðabókar eiginmanns Pálínu, Einars
Georgs Einarssonar, Hverafuglar, sem kom út á seinasta ári.
Kennir tónlist og jóga
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
Unnið í samvinnu við viðmælendur.
80 ára er í dag Hjalti Hjaltason,
Melateig 39, 600 Akureyri.
Eyðir hann deginum í faðmi
fjölskyldunnar.
Árnað heilla
80 ára
H
aukur fæddist á Urð-
um við Engjaveg í
Reykjavík 7.2. 1930
og ólst upp í stórum
hópi systkina í
Laugardalnum í Reykjavík og síð-
ar á Rauðarárstígnum. Hann var í
Laugarnesskóla, lauk stúdents-
prófi frá MR 1950 og síðan námi í
raforkuverkfræði frá Konunglega
Tækniháskólanum í Stokkhólmi,
KTH, árið 1955.
Að námi loknu var Haukur verk-
fræðingur hjá AB Elektromekano í
Helsingborg 1955-56 og sinnti
rannsóknarstörfum hjá KTH 1956-
57, en þá flutti hann, ásamt konu
sinni, aftur til Reykjavíkur.
Hér heima starfaði Haukur allan
sinn starfsferil hjá Rafmagnsveitu
Reykjavíkur, síðar Orkuveitu
Reykjavíkur. Hann var verkfræð-
ingur hjá Rafmagnsveitu Reykja-
víkur á árunum 1957-63 og vann í
byrjun við rekstur Sogsvirkjana,
Elliðaárstöðvar og varastöðv-
arinnar við Elliðaár: „Á þessum
árum var ráðist í umfangmikla
endurreisn á raforkukerfi Reykja-
víkur, þar sem dreifikerfið var
byggt upp og jókst þá flutnings-
getan um 70%. Enn fremur varð
rekstraröryggi mun meira og
skömmtun og rafmagnsleysi varð
brátt úr sögunni. Í kjölfarið var
aðveitukerfið frá virkjunum til
Reykjavíkursvæðisins byggt upp,
þannig að aukin flutningsgeta var
tryggð.“
Haukur var deildarverkfræð-
ingur hjá Rafmagnsveitunni 1963-
69, yfirverkfræðingur þar 1969-79,
framkvæmdastjóri tæknimála
1979-83 og aðstoðarrafmagns-
veitustjóri frá 1983 og þar til hann
lét af störfum, en sinnti þó ráð-
gjafarverkefnum fyrir Orkuveituna
til 79 ára aldurs.
Þá var hann framkvæmdastjóri
Sambands íslenskra rafveitna
1962-69 og stundakennari við
verkfræðideild HÍ frá 1976.
Haukur var formaður Félags ís-
lenskra stúdenta í Stokkhólmi, sat
í stjórn VFÍ 1962-64 og 1975-76, í
stjórn SV 1961-62 og stjórn LVFÍ
1964-70, sat í fulltrúaráði BHM
1965-72 og í stjórn BHM 1966-71.
Hann var prófdómari við
Haukur Pálmason fyrrv. aðstoðarrafmagnsstjóri – 85 ára
Með æskunni Haukur með yngstu barnabörnunum sínum, þeim Hildi Ylfu og Hauki Oddi Jóhannesarbörnum.
Rafmagn færir ljós og yl
Brúðkaupsmynd Haukur og kona
hans Aðalheiður. Þau giftu sig 1954.
Börn og brúðhjón
Allir þeir sem senda blaðinu mynd af nýjum borgara eða mynd af
brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni mbl.is/islendingar
eða á islendingar@mbl.is
Á opnunni „Íslendingar“ í
Morgunblaðinu er sagt frá
merkum viðburðum í lífi
fólks, svo sem stórafmælum,
hjónavígslum, barnsfæðingum
og öðrum tímamótum.