Morgunblaðið - 07.02.2015, Page 20
20 FRÉTTIRInnlent
MORGUNBLAÐIÐ LAUGARDAGUR 7. FEBRÚAR 2015
Viðar Guðjónsson
vidar@mbl.is
Ekki var tekið tillit til kostnaðar
íbúa við gatnagerð sem tilkominn er
vegna þess að götur og gangstígar
eru innan lóðamarka þegar viðkom-
andi lóðum var úthlutað í Reykjavík
á sínum tíma. Eins og fram kom í
Morgunblaðinu í gær hafa íbúar við
Hóla- og Hólm-
vað í Norð-
lingaholti þurft
að greiða hundr-
uð þúsunda fyrir
gatnagerð og
uppsetningu
ljósastaura.
Þannig er málum
háttað víða um
borgina. Greiddu
lóðarhafar gatna-
gerðargjöld líkt og aðrir lóðarhafar í
Reykjavík. Hjá Reykjavíkurborg
fengust þær upplýsingar að gatna-
gerðargjöldum væri ekki ætlað að
standa straum af kostnaði við upp-
byggingu innviða í viðkomandi
hverfi heldur færu þau í rekstur
gatna- og göngustígakerfis borg-
arinnar í heild. „Það var ekki tekið
tillit til þess í verðlagningunni að
götur og gangstígar voru inni á lóð-
um á sínum tíma þegar lóðunum var
úthlutað,“ segir Hrólfur Jónsson,
skrifstofustjóri á skrifstofu eigna og
atvinnuþróunar hjá Reykjavíkur-
borg. „Ólík lóðamörk í deiliskipulagi
geta auðvitað leitt til aukins kostn-
aðar fyrir suma húseigendur,“ segir
Hrólfur.
Hætt við kvörtunum
Hann segir nokkra tugi staða í
Reykjavík þar sem lóðamörk, oftast
í botnlöngum, eru á þann veg að við-
hald og lagning gatna er á herðum
íbúanna. Dæmi eru um að þetta hafi
valdið deilum á milli íbúa. „Þegar
um er að ræða stórar lóðir og fólk
þarf að sýna samstöðu hefur það oft
ekki skilning á því að það þurfi að
borga fyrir einhverja gangstíga sem
liggja ekki einu sinni nálægt húsinu
þess,“ segir Hrólfur. Aðspurður
segir hann að ekki verði farið í það
verkefni að breyta deiliskipulagi
eldri hverfa. „Það er nánast úti-
lokað, því sums staðar, eins og við
fjölbýlishús í Árbæ, er gangstéttin
inni á miðri lóð hússins. Ef þessu
væri breytt ætti Reykjavík allt í
einu einhverja gangstétt mitt á milli
húsanna og það gæti orðið mjög
flókið þegar kemur að viðhaldi og
endurgerð gangstétta. Mögulega er
fólk búið að leggja vinnu í lóðirnar
umhverfis gangstígana og hætt við
að kvartað yrði undan því þegar
borgin athafnar sig innan einkalóða
til að sinna þjónustu við borgareign.
Þetta er ekki svo einfalt að hægt sé
að segja að hlutirnir séu óréttlátir
og þessu verði að breyta,“ segir
Hrólfur. Í nýjasta hverfi Reykjavík-
urborgar, Úlfarsárdal, kom upp til-
vik þar sem tvær götur voru settar
innan lóðarmarka íbúa. Eftir mót-
mæli íbúanna var deiliskipulaginu
breytt og úr varð að Reykjavíkur-
borg sá um gatnagerðina sem og að
sinna viðhaldi og þjónustu á borð við
snjómokstur.
Fóru á fund borgarstjóra
Pálmi Franklín Guðmundsson,
íbúi í Gefjunarbrunni í Úlfarsárdal,
býr í einum þeirra botnlanga þar
sem deiliskipulaginu var breytt.
„Upphaflega átti þetta að vera eins
og húsfélag þar sem við áttum að
sjá um gatnagerðina sjálf,“ segir
Pálmi. Hann segir að til hafi staðið
að hafa lóðarmörk með þessum
hætti í þremur botnlöngum í Úlfars-
árdal. „Við þurftum bara að sýna
samstöðu og fórum á fund borg-
arstjóra. Í kjölfarið var skipulaginu
breytt,“ segir Pálmi.
Deiliskipulag hefur valdið deilum
Ekki tekið tillit til kostnaðar við gatnagerð við lóðaúthlutun Útilokað að breyta deiliskipulagi
eldri hverfa Heimtraðasjóður tómur Deiliskipulagi breytt í Úlfarsárdal eftir mótmæli íbúa
Morgunblaðið/Ómar Óskarsson
Gangstígur endar Íbúar á tugum staða í Reykjavík þurfa að standa straum af lagningu gatna og gangstétta nærri heimili sínu.
Hrólfur Jónsson
Hjá Reykjavíkurborg er sjóður sem
nefnist heimtraðastyrkur. Hlutverk
hans er að veita styrk til frágangs á
heimtröðum í eldri hverfum þar sem
lóðir eru sameiginlegar. Á árinu 2008
voru fimm styrkir veittir til íbúa
Reykjavíkur til þess að standa straum
af sameiginlegum framkvæmdum
vegna gatna- og gangstígagerðar.
Samkvæmt upplýsingum frá Reykja-
víkurborg hefur engu fé verið varið í
málaflokkinn í nokkurn tíma og er
sjóðurinn tómur. Var heimtraðastyrkur settur á fót til þess að jafna þann
mun sem er á milli íbúa með sameiginleg lóðamörk og annarra í Reykjavík.
Sjóðurinn er tómur
ÁÐUR VAR HÆGT AÐ SÆKJA UM HEIMTRAÐASTYRK
Morgunblaðið/Þorkell
Steypa Víða þurfa íbúar að
leggja gangstíga og götur.
„Hann kemst vel að orði og ég geri
engar athugasemdir við það hvernig
hann túlkar þetta,“ segir Þórólfur
Jónsson, deildarstjóri náttúru og
garða hjá Reykjavíkurborg. Tilefnið
er gagnrýni Hrafns Gunnlaugs-
sonar kvikmyndaleikstjóra á fyrir-
hugaðar aðgerðir Reykjavíkur-
borgar gegn tröllahvönn í
borgarlandinu. Kallar hann aðgerð-
irnar „flórufasisma“ og skilur ekki
af hverju verið er að ofsækja svo
fallega plöntu. Þórólfur sagði í sam-
tali við Morgunblaðið á fimmtudag
að safi plöntunnar væri eitraður og
gæti valdið fólki skaða en Hrafn
benti þá á að engar rósir væru án
þyrna og spurði hvort ekki væri
vert að útrýma þeim. „Það er alveg
hægt að meiða sig á rósum en þær
eru ekki nærri leiksvæðum t.d.“
segir Þórólfur. „Við einblínum í
raun bara á þessa plöntu jafnvel
þótt hægt sé að hljóta skaða af öðr-
um plöntum. Heimilisplanta eins og
jólastjarna er t.a.m. eitruð ef hún er
borðuð en ég held að ekki nokkrum
manni dytti í hug að leggja sér hana
til munns,“ segir Þórólfur.
vidar@mbl.is
Morgunblaðið/Árni Sæberg
Tröllahvönn Sitt sýnist hverjum um ágæti tröllahvannar í borgarlandinu.
Engum dettur í hug
að borða jólastjörnu
Sy ru sson Hönnunar hús
Síðumúla 33
Stabbi
Mikið úrval áklæða og leðurs
staflanlegur í 30 stk
verð frá 28.900,-