Morgunblaðið - 07.02.2015, Blaðsíða 37
MINNINGAR 37
MORGUNBLAÐIÐ LAUGARDAGUR 7. FEBRÚAR 2015
niður í fjörðinn með þá vitneskju
að innan tíðar verði stoppað á
hlaðinu á Skorrastað. Samskipti
við ömmu og afa hafa alla tíð verið
góð og mannbætandi. Það er
ómetanlegt að alast upp með fyr-
irmyndir sem una sátt við sitt,
sýna manngæsku og gjafmildi.
Kærleika í verki án orðalenginga.
Ég verð hugfangin þegar ég
rifja upp atvik úr samskiptum
þeirra afa og ömmu. Mér eru
minnisstæð þau fjölmörgu skipti
þegar afi minn, sem var hávaxinn
maður, skellti ömmu minni, sem
er talsvert styttri, í dans eftir há-
degismat. Afi hélt ömmu í þéttu
taki þannig að hún átti erfitt með
að sleppa og svo var hringsnúist á
eldhúsgólfinu í dansi. Ég hef
hann grunaðan um að hafa kitlað
ömmu í leiðinni en það er þó ekki
staðfest. Í upphafi dansins bað
amma hann iðulega um að hætta
þessari vitleysu, sem hann sjaldn-
ast varð við, en þegar á leið var
það bara smitandi hlátur ömmu
minnar sem hljómaði um eldhúsið
ásamt söngli afa.
Það er sannarlega sárt að
kveðja ástvini sína. Öllu er þó
mörkuð stund og tíma afa í þess-
ari veröld lokið. Mikil verðmæti
eru fólgin í öllum góðu minning-
unum sem ég á. Slíkar minningar
á einnig minn góði eiginmaður,
Árni Björn, en amma og afi tóku
honum opnum örmum þegar
hann kom inn í líf mitt fyrir mörg-
um árum. Drengirnir okkar tveir
eru lánsamir að hafa kynnst lang-
afa sínum og langömmu. Þeir
munu áfram fá að njóta tilveru
þeirra þar sem ég mun leggja mig
fram við að vera þeim sama fyr-
irmynd og heiðurshjónin á
Skorrastað eru mér.
Elsku amma mín. Nú er bar-
áttu afa lokið og hann kominn á
betri stað. Þú varst honum alla tíð
ómetanleg stoð og stytta og ekki
síst nú á síðustu árum. Af gjörð-
um þínum og orðum er ljóst að
hugur þinn var alla tíð hjá honum
og hagsmunir hans í fyrirrúmi.
Elsku mamma mín og frænd-
fólk. Það er sárt að horfa á eftir
jafnstórbrotnum manni og hann
pabbi ykkar var. Hann lifir hins
vegar áfram í ykkur öllum og
þeim minningum sem hann skilur
eftir sig.
Kær kveðja,
Jóhanna Kristrún,
Árni Björn,
Benedikt Orri og
Arnaldur Darri.
Elsku afi.
Það er skrýtið að hugsa til þess
að þú sért farinn en við vitum að
þér líður betur núna. Margar
skemmtilegar minningar koma
upp í hugann þegar við hugsum
um þig. Þú varst einstakur mað-
ur, svo glæsilegur og flottur með
húmorinn í lagi. Umfram allt
varstu svo hlýr og góðhjartaður
og það var aldrei lognmolla í
kringum þig. Þú varst svo hress
og kátur og hafðir gaman af því
að segja brandara og að grínast í
fólki. Sömu gömlu brandararnir
urðu aldrei þreyttir og þú gast
endalaust hlegið að þeim, sem
varð til þess að maður fór að
hlæja líka. Þú samdir margar vís-
ur og þér fannst ekki mikið mál að
standa uppi á sviði á mannamót-
um og fara með vísur eða syngja
fyrir mannskapinn. Þú varst mik-
ill skemmtikraftur og fékkst allt-
af alla viðstadda með þér í söng-
inn og gleðina.
Við systurnar eyddum flestum
sumrum sem börn í sveitinni hjá
ykkur ömmu og það var margt
skemmtilegt brallað þar. Stund-
um fengum við að sofna uppí hjá
ykkur og þá áttir þú það til að
leyfa okkur að fá smá neftóbak í
laumi. Rúmið var svo allt í neftób-
aki en okkur var alveg sama, það
var svo notalegt að fá að kúra
uppí hjá ykkur. Einnig áttir þú
það til að lauma pening að okkur
barnabörnunum þínum og sagðir
okkur þá að kaupa okkur eitthvað
fyrir peninginn. Þú varst mikill
sælgætisgrís og stalst oftar en
ekki í nammipokann hjá okkur.
Enda var það orðinn siður hjá
okkur systkinunum að setja tröl-
latópas með í jólapakkann þinn og
þú byrjaðir alltaf á því að gæða
þér á honum á meðan verið var að
opna hinar jólagjafirnar.
Þú varst svo söng- og tónelsk-
ur og spilaðir mikið á harmonikk-
una þína. Það var svo gaman þeg-
ar við vorum krakkar og þú
spilaðir og söngst fyrir okkur og
við dönsuðum með. Því gleymum
við aldrei. Þú gast spilað tímunum
saman, bæði lög sem þú hafðir
lært og einnig lög sem þú samdir
sjálfur. Þegar þú varst að verða
áttræður gafstu meira að segja út
geisladisk með lögunum þínum á.
Það hafa ekki margir gert.
Þú varst alltaf svo fínn og flott-
ur og ilmaðir alltaf svo vel. Þú
hugsaðir mikið um að líta vel út
og varst alltaf fínt greiddur og
með rakspíra. Þú varst ekkert að
spara magnið sem varð til þess að
allt í kringum þig lyktaði eins og
þú. Þú varst svo barngóður og
ljómaðir allur þegar þú sást lítil
börn. Þú gast endalaust setið og
geiflað þig framan í þau og fengið
þau til að brosa og hlæja. Jafnvel
síðustu ár þegar það var orðið erf-
itt að spjalla við þig þá brostir þú
alltaf út að eyrum þegar þú sást
okkur barnabörnin þín og ennþá
meira þegar við komum með
börnin okkar. Sumarið 2013 fór-
um við stundum með þig í bíltúr
til að kaupa ís eða pylsu og það
voru skemmtilegir bíltúrar sem
þér þótti ekki síður skemmtilegir
en krökkunum.
Það verður ekki eins að fara
austur núna eða að koma í sveit-
ina þar sem þín verður sárt sakn-
að en við vitum að þú ert kominn á
betri stað þar sem þú hittir hann
Agga þinn og þið getið nú spilað
saman á ný, feðgarnir.
Takk fyrir allar góður stund-
irnar, elsku afi. Fallegri og betri
afa er ekki hægt að hugsa sér.
Við sjáumst síðar.
Angelien, Saskia Freyja
og Marco Fannar.
Kvaddur er kær bróðir klökk-
um huga kveðjunni hinztu, frjóu
og gjöfulu lífsstarfi er lokið og
ljúfar stundir í hlýrri og gefandi
návist hans leita á hugans lendur.
Hann Þorlákur bróðir minn var
afar vel gjörður maður, greindur
og glöggur og hefði átt mennta-
brautina vísa, en aðstæður ekki
slíkar á þeirri tíð. Hann var
atorkumaður í hvívetna, dugnað-
arforkur sem bóndi og þeim hjón-
um búnaðist ágætlega, samhent
og samhuga. En lengst mun lifa í
minningum frændliðsins og fjöl-
margra vina, hvílíkur gleðigjafi
hann var hvar sem hann fór og
lögin hans leikandi og tær
ógleymanleg þeim er fengu að
njóta. Bróður mínum Þorláki eða
Lalla á Skorrastað eins og hann
var oftast kallaður kynntist ég
bezt í sambandi við textagerð við
lögin hans ljúfu og mikið var ynd-
islegt að fá að eiga sína hlutdeild í
að gefa þeim þann lit og ljóma
sem þau áttu skilið, fyrir þá bróð-
urgjöf er ég óendanlega þakklát-
ur. En á allan hátt knýttust
bræðraböndin.
Hann var leikari af guðs náð,
skýrmæltur og skemmtinn í
hvaða hlutverki sem var, leikgleð-
in geislaði af honum og sannur
hláturvaki var hann þar sem það
átti við, lék á als oddi. Gaman-
vísnasöngvari var hann hreint út
sagt frábær, um það ber öllum
saman, túlkunin lifandi og ljós,
eftirhermugáfan einstaklega góð,
grómlaus var hún og ljómandi af
sannri gleði þess sem veit sig hafa
leikinn á valdi sínu. Hann öðlaðist
vermandi vináttu svo ótalmargra,
einlægni hugans og geislandi kát-
ínan ófu saman seið. Minnisstæð
er mörgum framkoma hans í
sjónvarpi á sinni tíð eins og þar
færi lærður leikari með alla tján-
ingu, söngröddina rómsterku og
hlýju um leið. En bróðir minn var
einnig maður alvörunnar, hugur-
inn reikaði víða og hann fylgdist
vel með öllu, einlægur í skoðun-
um, tók ætíð málstað þeirra sem
minna máttu sín, þoldi ekki órétt-
læti, fyrirleit fals og vélráð.
Hann var sannur gæfumaður í
lífinu, eiginkonan sérlega vel
gjörð kona, heilsteypt, hrein og
bein og hugumkær þeim sem eiga
hana að vini. Börnin þeirra erfðu
beztu kosti beggja, harmsefni var
það hræðilegt þegar elzti sonur-
inn, tónsnillingurinn Ágúst Ár-
mann lézt snögglega, það tók
skelfilegan toll hjá þeim hjónum
að vonum.
Ljósbrot heitir diskurinn hans
Þorláks með úrvali yndislegu lag-
anna hans, ljósbrot ein verða orð
mín í dag, en þau eru geislandi hlý
eins og hann var sjálfur, rödd
hans ómar við eyrum í óræðri
firrð eilífðarinnar. Sjálfur hvarf
hann okkur inn í óminnið svo allt-
of fljótt og þó lifði tónanna tæri
seiður lengst.
Við Hanna áttum marga in-
dæla stund með þeim hjónum og
hugur okkar er í dag hjá Jóhönnu,
okkar góðu vinkonu í söknuði
hennar og eftirsjá, svo og þeirra
mörgu afkomendum. Öllum þeim
sem áttu hann hjarta nær eru
sendar innilegar samúðarkveðj-
ur. Hann Þorlákur átti einlæga
trú á æðri mátt og honum fylgja
yljandi óskir yfir á vegu hins
ókunna. Hjartakær er hin muna-
bjarta minning öðlingsins Þorláks
Friðrikssonar, míns hugljúfa,
blessaða bróður.
Helgi Seljan.
Þorlákur Friðriksson, Lalli á
Skorrastað, var nánast jafn fastur
punktur í minni tilveru og for-
eldrar mínir. Börn Lalla og Jóu,
móðursystur minnar, eru mér
sem systkini og við deilum sömu
minningum úr æsku. Lalli var
óhemju duglegur verkmaður að
hverju sem hann gekk. Þó er
hann eftirminnilegastur í hey-
skapnum. Þar var hann ham-
hleypa. Lalli fóðraði alltaf vel og
var til þess tekið hve vel fram
gengnar kindurnar hans voru að
vori. Hann var heill í öllu sem
hann gerði og kappkostaði að
ljúka hverju verki.
Þótt Lalli væri duglegur í bú-
skapnum þá er hann öðru sam-
ferðafólki líklega eftirminnilegri
fyrir annað. Hann var listamaður
að upplagi, næmur og viðkvæm-
ur, með náðargáfu á sviði tónlist-
ar og leiklistar. Í æsku man ég
eftir honum spilandi á harmón-
iku, syngjandi, hlæjandi og leik-
andi á sviði eða þá í gervi jóla-
sveins. Ég hef líklega verið 12 ára
er hann tók mig með sem Sveinka
á jólaball í Sveitinni þar sem hann
brá sér í gervi Gáttaþefs og ég var
þá auðvitað Stúfur. Þetta gekk
um árabil og tróðum við m.a. upp
á jólaballi á heimaslóðum hans á
Eskifirði. Hann náði einstökum
takti við börnin með ærslum og
sögum.
Lalli lék einnig í leikritum, lík-
lega mest með UMF Agli rauða.
Það voru yfirleitt ærsla- og gam-
anleikir sem settir voru á svið og
aðalhlutverkið þá alltaf í höndum
hans. Það mátti segja að hann
bæri sýningingarnar uppi og er
þá á engan annan leikanda hallað.
Hann stal alltaf senunni og saln-
um er hann var á sviðinu. Ekki
síður minnast menn hans nú fyrir
frábæran flutning á gamanvísum
við ýmis tækifæri og stjórnun á
fjöldasöng á samkomum, s.s.
þorrablótum. Þar fór hann á kost-
um með því að leggja sálina í
flutninginn. Hann hafði fallega
barítónrödd og var einstaklega
lagviss. Samstarf þeirra feðga,
hans og Ágústs sonar hans, sem
lék undir á nikku var eftirminni-
legt. Tveir sannir listamenn.
Sjálfur var Lalli sannur snillingur
á nikkuna og hélt uppi fjörinu á
ótöldum dansleikjum. Það var
eins og hann gæddi lögin lífi sem
skilaði sér í óvenju miklu fjöri á
dansgólfinu. Lalli var einnig góð-
ur lagasmiður og lögin hans munu
halda nafni hans á lofti. Lalli söng
lengi bassa í Kirkjukór Norð-
fjarðar undir stjórn Ágústs. Hann
hafði mjög næmt tóneyra og gott
var á hann að treysta fyrir þá sem
ekki höfðu tónheyrnina í lagi.
Já, samferðafólkið á Lalla
margt að þakka. Hann var óeig-
ingjarn á þessa verðmætu hæfi-
leika sem hann verðlagði þó aldr-
ei. Sjálfur mótaðist ég af Lalla
sem var mín fyrirmynd í mörgu
því sem ég hef tekið mér fyrir
hendur. Mig dreymdi þó aldrei að
komast lengra með tærnar en þar
sem hann hafði hælana.
Ein æskuminning flýtur svo
með í lokin. Við sitjum í fjóshlöð-
unni nokkur barnanna á Skorra-
stað og hlustum á Lalla hlæja.
Tilefnið var svo sem ekkert. Lík-
lega var hann bara að æfa sig í að
hlæja fyrir eitthvert leikritið sem
hann var að taka þátt í, e.t.v.
Húrra krakka eða Spanskflug-
una. Lalli hlær svo innilega og
eðlilega og við veltumst um af
hlátri svo tárin renna úr augum
og okkur verkjar í magann.
Blessuð sé minning hans.
Þórður Júlíusson.
Fleiri minningargreinar
um Þorlák Friðrik Friðriks-
son bíða birtingar og munu
birtast í blaðinu næstu daga.
önnumst við alla þætti
þjónustunnar með
virðingu og umhyggju
að leiðarljósi
Þegar
andlát ber
að höndum
Vesturhlíð 2 - Fossvogi - Sími: 551 1266 - www.utfor.is
Við þjónum allan sólarhringinn
Elín Sigrún Jónsdóttir
framkvæmdastjóri
Þorsteinn Elísson
útfararþjónusta
Frímann Andrésson
útfararþjónusta
Hugrún Jónsdóttir
útfararstjóri
Ellert Ingason
útfararþjónusta
Jón G. Bjarnason
útfararþjónusta
Guðmundur Baldvinsson
útfararþjónusta
Innilegar þakkir fyrir auðsýnda samúð og
hlýhug vegna andláts og útfarar elskulegs
eiginmanns, föður, afa og langafa,
JÓNS GUÐMUNDSSONAR
frá Kleifastöðum,
Skúlagötu 20.
.
Guðlaug Kristbjörnsdóttir,
Valgerður Kristbjörg Jónsdóttir, Sigurjón Karlsson,
Margrét Jóna Jónsdóttir, Ingi Þór Þorgrímsson,
barnabörn og barnabarnabörn.
Hjartans þakkir til þeirra sem sýndu okkur
samúð og hlýhug vegna andláts móður
okkar, tengdamóður og ömmu,
GRÉTU MOLANDER.
.
Aðstandendur.
Innilegar þakkir til allra sem sýndu okkur
samúð, vináttu, hlýju og ómetanlegan
stuðning við andlát og útför ástkærs sonar
míns, bróður okkar og mágs,
STEFÁNS ÞÓRS JÓNSSONAR,
Hamraborg 34,
Kópavogi.
Sérstakar þakkir til starfsfólks
gjörgæsludeildar LSH í Fossvogi fyrir einstaka umönnun
og hlýtt viðmót.
.
Inge Löwner Valentínusson,
Guðlaug Jónsdóttir, Arnór Valdimarsson,
Elísabet Jónsdóttir, Grétar Árnason,
Auðunn Jónsson, María Níelsdóttir,
Einar Árnason, Karen Hilmarsdóttir.
Hjartans þakkir fyrir samúð og hlýjar
kveðjur við andlát og útför elskulegs
eiginmanns míns, föður okkar, tengdaföður,
afa og langafa,
JÓHANNS INGIMARS HANNESSONAR
bílstjóra,
Garðatorgi 17,
Garðabæ.
.
Elsa Björnsdóttir,
Sigrún J. Jóhannsdóttir, Þorsteinn Þ. Gunnarsson,
Hannes L. Jóhannsson, Jóhanna Björgvinsdóttir,
barnabörn og langafabörn.
Innilegar þakkir fyrir auðsýnda samúð,
hlýhug og vináttu vegna andláts og útfarar
elskulegrar móður, tengdamóður, ömmu og
langömmu,
SIGURBJARGAR SÆMUNDSDÓTTUR,
Merkigerði 21.
Sérstakar þakkir færum við starfsfólki
hjúkrunar- og dvalarheimilisins Barmahlíðar á Reykhólum.
.
Matthías Ólason, Olga Sigvaldadóttir,
Hermann Ólason, Lovísa Gunnarsdóttir,
Sæmundur Ólason, Katrín Baldvinsdóttir,
Soffía Óladóttir,
Arnar Ólason, Valgerður Halldórsdóttir,
barna- og barnabarnabörn.
Innilegar þakkir fyrir auðsýnda samúð,
hlýhug og vináttu vegna andláts og útfarar
ástkærs eiginmanns, föður, tengdaföður
og afa,
ÓLAFS JÓNS SIGURÐSSONAR
rafmagnstæknifræðings,
Þjóttuseli 2.
.
Arnbjörg Guðmundsdóttir,
Ingibjörg Ólafsdóttir, Davíð Arnar Þórsson,
Halldóra Elín Ólafsdóttir, Stefán Skúlason,
Valur Þór Ólafsson, Wendy Yau
og barnabörn.