Dagblaðið Vísir - DV - 20.01.2010, Side 19
Hver er maðurinn? „Friðbjörn
Sigurðsson.“
Hvaðan ertu? „Ég er fæddur og
uppalinn á Seltjarnarnesinu.“
Hvernig kom það til að þú ákvaðst
að fara til Haítí? „Rauði krossinn
hringdi í mig síðasta sunnudag og bað
mig um að fara fyrir sína hönd að vinna
með læknateymi þýska Rauða krossins.
Það er gríðarlega erfitt að segja nei við
svona bón.“
Veistu í hvaða verkefni þú ferð? „Ég
verð almennur læknir í heilsugæslu-
sveit sem verið er að koma upp þessa
dagana. Við vinnum í tjaldbúðum en
þar er jafnframt bráðabirgðaspítali með
legurýmum og skurðstofum. Þarna
verður hægt að taka á móti göngu-
deildarsjúklingum og sinna þeim eftir
bestu getu. Ég gisti svo í tjaldbúðum
við spítalann.“
Hvað verður þú lengi?„Í einn
mánuð.“
Þekkir þú eitthvað til á Haítí? „Ég
vann þar fyrir um tuttugu árum. Var á
spítala úti á landsbyggðinni sem hluti
af mínu sérnámi í lyflækningum í tvo
mánuði svo ég hef kynnst lífinu þar
örlítið.“
Hvernig leggst það í þig að
fara út? „Það var dálítil spenna
þegar ákvörðunin var tekin en nú er ég
furðurólegur. Ég hef fylgst svolítið með
landinu eftir að ég var þarna og það
er mikið og gott fólk þarna auk þess
að vera fallegt land. Það er erfitt að sjá
eymdina og hörmungarnar sem hafa
gengið yfir það.“
Ertu byrjaður að undirbúa þig ?
„Það hefur ekki gefist mikill tími til þess.
Þetta gerist allt svo hratt. Ég held ég sé
bara í góðu standi. Það skiptir máli líka
að vera líkamlega hraustur og sterkur.“
Hvernig kemur það við vinnuna
þína að rjúka svona fljótt úr
henni? „Ég er með fjölmörg verkefni
á Landspítala sem aðrir þurfa nú að
bæta á sig. Ég er þakklátur mínu góða
samstarfsfólki.“
Eitthvað að lokum? „Bara að segja frá
því hversu margir hafa lagt starfinu lið
hér á landi en í gærkvöld unnu um 50
sjálfboðaliðar við að pakka neyðar-
pökkum sem á að flytja með flugvélinni
sem fer á vegum utanríkisráðuneytisins
nú í nótt en þeirra stuðningur skiptir
gríðarlegu máli.“
HVAR ENDAR ÍSLAND Á EM?
„Þeir verða í topp fimm. Eigum við ekki
að segja bara þriðja?“
BURKNI DAGUR BURKNASON
18 ÁRA NEMI
„Þeir enda í sjötta sæti.“
EINAR ÍVARSSON
17 ÁRA NEMI
„Það endar neðarlega. Ætli ég spái ekki
bara níunda sæti.“
GUNNAR EYÞÓRSSON
17 ÁRA NEMI
„Ísland endar í fimmta sæti.“
JÓHANNES ÖRN KRISTJÁNSSON
18 ÁRA NEMI
DÓMSTÓLL GÖTUNNAR
FRIÐBJÖRN SIGURÐSSON, læknir á
Landspítala, fer til Haítí til að starfa með
þýska og finnska Rauða krossinum.
GISTIR Í
TJALDBÚÐUM
„Ég ætla að segja í topp fimm, ég er
bjartsýnn fyrir þetta mót.“
KARL ÁGÚST HREGGVIÐSSON
17 ÁRA NEMI
MAÐUR DAGSINS
Að einu leyti gerði Ólafur Ragn-
ar Grímsson forseti rétt þegar hann
synjaði Icesave-lögunum staðfest-
ingar. Þingið hafði svikið þjóðina
um lausnir á aðkallandi vanda í 15
mánuði. Alþingi hafði brugðist þjóð-
inni. Að því leyti var kannski rétt að
vísa málinu til þjóðarinnar sem kaus
nýverið 63 einstaklinga til að taka
ákvarðanir í umboði kjósenda.
Þessir 63 fulltrúar höfðu nýtt um-
boð kjósenda.
Kjósendur eiga ekki að kynna
lausnir. Það er verkefni kjörinna full-
trúa.
Ólafur Ragnar missti kannski
traust og álit á löggjafarvaldinu.
Hvernig má það vera?
Þetta með stjórnarflokkana
VG er klofinn flokkur og varla stjórn-
tækur. Svo langt hefur órólega deild-
in í flokknum gengið fram á bjarg-
brúnina í stjórnarsamstarfinu við
jafnaðarmenn að endrum og sinn-
um hefur stefnt í stjórnarslit þess-
arar fyrstu ríkisstjórnar jafnaðar- og
vinstrimanna frá stofnun lýðveld-
isins. Með herhvöt á vörum um að
bjarga velferðarkerfinu ganga Ög-
mundur Jónasson og fleiri til verka.
Hann átti hins vegar alltaf þann
möguleika að standa í lappirnar sem
heilbrigðisráðherra og verja velferð-
arkerfið úr því vígi. Stilla persónu
sinni utan við leiksviðið, leggja kalt
og hlutlægt mat á aðstæðurnar og
hugsa: Koma tímar, koma ráð.
Raunsæi Steingríms J. Sigfússon-
ar flokksformanns er kallað svik á
stórfundi VG á Akureyri. Nú gengur
Steingrímur erinda kapítalistanna
og nýlenduþjóðanna, hvískrar klofn-
ingshópurinn.
Á hvaða ferðalagi eru vinstri-
grænir?
Samfylkingin – aðeins 10 ára
gömul – er lúin eftir aðeins þriggja
ára stjórnarsetu. Hún lyftir ekki litla-
fingri til þess að berjast fyrir stefnu-
málum sínum. Það gæti hún vel gert
á flokkslegum grundvelli og án þess
að ráðherrarnir beiti sér. En það gera
hún nánast aldrei. Samt hefur Sam-
fylkingin miklu betri aðstæður til
þess að fylgja einarðlega stefnuyfir-
lýsingu ríkisstjórnarinnar en VG. Þar
á bæ er ekki hægt að samþykkja neitt
án þess að einhverjir fari í fýlu og hafi
í hótunum. Hver höndin upp á móti
annarri.
Svo er hitt að Samfylkingin held-
ur ógjarnan fram stefnumálum ríkis-
stjórnarinnar til þess að styggja ekki
órólegu deildina í VG. Bannhelgi
hvílir á nokkrum málaflokkum sök-
um vanstillingar á þeim bæ.
Vita mega þeir sem órólegast-
ir eru innan VG að hvað sem öllu
beinu lýðræði líður og hversu göf-
ugir sem menn vilja vera á erfiðum
tímum í viðleitni til að skapa farveg
fyrir þetta beina lýðræði verða menn
að hafa viljann til valdsins. Vilji þeir
breyta samfélaginu verða þeir að
sýna stjórnkænsku og hafa hugfast
að það gera þeir ekki einir. Það gerist
í samvinnu við einhverja. Meira að
segja önnur þjóðríki ef svo ber undir.
Værum við betur
stödd án þeirra?
Sjálfstæðisflokkurinn er klofinn
flokkur í afneitun og ekki tilbúinn til
að taka við stjórnartaumum. Bældir
og valdhlýðnir fulltrúar atvinnulífs-
ins þora ekki enn að opna sig gagn-
vart Hádegismóarausinu. Eða LÍÚ.
Gera það hæversklega af og til með-
an þeir læra að ganga á ný eftir 20 ára
valdstjórn foringjans.
Davíð Oddsson lítilsvirti störf
endurreisnarnefndar flokksins á
landsfundi í lok mars í fyrra. Bjarni
Benediktsson, nýr formaður flokks-
ins, sá sitt óvænna, tók
u-beygju og sökkti sér
ofan í gömlu hjólförin
með heimastjórnararm-
inum. Engin iðrun. Eng-
in innri endurskoðun
eða endurreisn.
Sjálfstæðismenn
jagast nú ráðvillt-
ir og stefnu-
lausir í stjórn-
arandstöðu
og finna
helst sam-
stöðu með
sérhags-
munum
sem borga í
flokkssjóð-
ina. Kvelj-
ast yfir óviss-
unni um það
hvort þeir fái
rétta menn inn í
bankakerfið til þess að miðla gæðun-
um aftur til réttra manna.
Framsóknarflokkurinn neitar að
borga. Stundum. Og þó. En kannski.
Jú, stefna ber að þjóðaratkvæði. En
nei, það er hættuspil að fara með Ic-
esave í þjóðaratkvæði. Hvernig væri
bara að gera ekkert og láta óvini full-
valda og sjálfstæðrar þjóðar höfða
mál?
Hvað er hægt að segja um Hreyf-
inguna? Eiginlega ekkert annað en
það að hún hefur farið svo herfilega
að ráði sínu með grasrót búsáhalda-
byltingarinnar að hún hefur tryggt að
aldrei, aldrei aftur verður gerð bylting
á Íslandi.
Þráinn Bertelsson: Hjá Þráni ríkir
hinn fullkomni flokksagi, einhugur og
samstaða. Hægt er
að taka ofan fyr-
ir honum því
hann veit að
lífið liggur
við að setja
nítró á tank-
inn og gefa í.
Valdið til að breyta samfélaginu
KJALLARI
MYNDIN
1 Drepinn af hundum dóttur
sinnar
Lögreglan í Chicago í Bandaríkjunum
rannsakar nú dauða manns sem virðist
hafa verið drepinn af bolabítum dóttur
sinnar.
2 Heilsíðuauglýsing til höfuðs
Hönnu Birnu
Ólafur F. Magnússon tók heilsíðuauglýs-
ingu í Fréttablaðinu þar sem hann kynnti
vantrauststillögu á borgarstjórann.
3 36 ára kona játar misnotkun á
12 ára dreng
36 ára móðir í Middlesbrough á Englandi á
yfir höfði sér fangelsisdóm fyrir að hafa
misnotað 12 ára dreng kynferðislega í á
annað hundrað skipti.
4 Mischa Barton í hórugallanum
Mischa var mynduð í svokölluðum
hórugalla við tökur á nýjustu mynd sinni.
5 Geit ruddist inn á nektarstað
Geit ruddist inn á nektarklúbbinn Lynx
Gentlemen’s Club í Coachella í Kaliforníu
og mölbraut tvær stórar glerhurðir við inn-
gang klúbbsins.
6 Jón sendir 230 tonn af vatni til
Haítí
Athafnamaðurinn og vatnskóngurinn Jón
Ólafsson hefur gefið 230 tonn af vatni á
400 þúsund flöskum til fórnarlamba
jarðskjálftans á Haítí.
7 Skaðbrunninn á limnum
G.I. Joe: The Rise of Cobra-stjarnan
Channing Tatum skaðbrenndist á
getnaðarlimnum við tökur á kvikmyndinni
The Eagle of the Ninth.
MEST LESIÐ á DV.is
JÓHANN
HAUKSSON
blaðamaður skrifar
„Þingið hafði svikið
þjóðina um lausnir á
aðkallandi vanda í 15
mánuði. Alþingi hafði
brugðist þjóðinni.“
UMRÆÐA 20. janúar 2010 MIÐVIKUDAGUR 19
Enn verið að byggja Háskólinn í Reykjavík hefur þegar verið tekinn í notkun. Framkvæmdum við húsbygginguna er þó ekki
lokið enn. Leiguverðið er um einn milljarður króna á ári. MYND SIGTRYGGUR ARI