Vestfirska fréttablaðið - 14.01.1994, Blaðsíða 4
VESTFIRSKA
4
Föstudagur 14. janúar 1994
-- -- \ ^RÉTTABLAÐIÐ
I FRÉTTABLAÐIÐ |
Vestfirska fréttablaðið er vikublað, óháð stjórnmáiaflokkum.
Blaðið kemur út síðdegis á fimmtudögum og fæst bæði í lausasölu
og áskrift. Verð kr. 170.
Ritstjórn og auglýsingar: Austurvegi 2, Isafirði, sími (94)-4011,
fax (94)-4423. Ef enginn er við á skrifstofunni er reynandi að
hringja í síma (94)-3223 (ísprent) eða farstma 985-39748.
Ritstjóri og ábyrgðarmaður: Hlynur Þór Magnússon.
Blaðamenn: Hlynur Þór Magnússon, hs. (94)-4446.
Gísli Hjartarson, hs. (94)-3948, farsími 985-39748.
Skrifstofa: Sigurlaug Hauksdóttir.
Útgefandi: Vestfirska útgáfufélagið hf., Austurvegi 2, ísafirði.
Prentvinnsla: ísprent hf., Aðalstræti 35, Ísafirðí, Sími (94)-3223.
Leiðari
Kvótakerfið
sem öllu átti
að bjarga
Sjómenn víða um land að vestfirskum sjómönnum
undanskyldum eru nú í verkafalli. Það sem helst hefur
verið í umræðunni sem ásteitingarsteinn í þessu
verkfalli, er þátttaka sjómanna í kvótakaupum út-
gerðar. Mikill hiti er í sjómönnum út af þessu máli sem
hótuðu því á stórum fundi síðast í gær að segja upp
störfum allir sem einn, vogi ríkisstjórnin sér að setja
bráðabirgðalög til að stöðva verkfallið. Það vekur at-
hygli fjölmiðla hversu útgerðarmenn standa þétt
saman í þessu máli, ekki síst þar sem viðurkennt er
af sjómönnum að þar séu síður en svo allir undir
sömu sök seldir.
Verkfall þetta er um margt öðruvísi en oft áður, því
þarna er í raun verið að deila um afleiðingar af kerfi
sem átti að gera íslendinga að forystuþjóð í fisk-
veiðistjórnun, nefnilega kvótakerfinu. Það hlýtur að
vera farið að vekja menn til umhugsunar hvort rétt leið
hafi verið valin á sínum tíma þegar sífellt eru að koma
í Ijós nýir og nýir vankantar við framkvæmd kerfisins.
Á sínum tíma var því haldið fram að kvótakerfi sem
gæfi einstaklingum kost á að eignfæra sér fiskinn í
sjónum og selja hann hverjum sem vera skyldi, myndi
ganga af litlu sjávarplássunum vítt og breitt um landið
dauðum. Talsmenn kvótakerfisins töldu þetta þá vera
firru eina og óþarfa áhyggjur, en er það svo? Vest-
firðingar þurfa ekki að leita lengi til að finna dæmi um
að einmitt þetta er að gerast í dag. í þessum lands-
hluta er ástandið meira að segja orðið svo alvarlegt
að vestfirskir sjómenn, sem þó eru vanir að styðja
starfsbræður sína í öðrum landshlutum fram í rauðan
dauðann, treysta sér ekki í verkfall vegna bágborinnar
stöðu vestfirskra útgerða og byggðarlaga.
Neikvæðar afleiðingar veiðistjórnunar á borð við
kvótakerfi eru ekkert séríslenskt fyrirbæri. Ef við
horfum í vesturátt, til iands sem er ekki nema í um
fimm hundruð kílómetra fjarlægð, þá má glögglega
sjá dæmi um einmitt þetta. Grænlendingar horfa með
skelfingu til framtíðarinnar. í Nanortalik vinabæ ísa-
fjarðar og bæjum í nágrenni hans er nú enginn kvóti
eftirog því lítið framundan nema vonleysið eitt. Það
má kannski segja að þar í sveit séu menn nokkru á
undan Vestfirðingum hvað þetta varðar, en Vest-
firðingar sigla eigi að síður hraðbyri sömu leið.
Frá sjónarhóli leikmanns þá hlýtur nú að vera
komið að þeim tímapunkti að menn ranki við sér. Það
hlýtur að vera lífsspursmál fyrir byggð á Vestfjörðum
sem og í öðrum sjávarplássum á landinu að allir aðilar
komi sér saman um nýtt stjórntæki fyrir fiskveiðar. Ef
menn fara ekki að ranka við sér nú, þá verður trú-
legast of seint í rassinn gripið fyrir mörg byggðarlög
í landinu. Sjómannadeilan nú mun þá aðeins vera
byrjunin á löngum ferli deilna um þetta meingallaða
kvótakerfi.
-hk.
SIMIOKKAR ER 688888
IfáÁutfum'áífaut'SGms/Hý vtuUaA'.
GEYSIRk
þ0 tekur vto BlLNUM A flugvellinum þegar þu kemur og
SKILUR HANN EFTIR A SAMA STAO ÞEGAR ÞÚ FERO.
Við sgóvarsíðuna
Hólmadrangur
lenti á
löndunarkrana
Hólmadrangur viö bryggju á Hólmavík.
Guðbjartur landaði
60 tonnum af
karfa fyrir sunnan
Togarinn Guðbjartur fór út 2. janúar frá l'safirði og hélt suður
fyrir land á karfaveiðar. Skipið kom inn til Reykjavíkur á
sunnudag og landaði á mánudag 60 tonnum af karfa. Helm-
ingur aflans var sendur hingað vestur til vinnslu og hinn helm-
ingurinn, tveir gámar, fóru út til Þýskalands. Skipið hélt síðan
austur fyrir land. Skipstjóri á skipinu er Hörður Guðbjartsson.
-GHj.
12,5 tonn af
Djúprækju I
síðustu viku
Vikuna 1. til 7. janúar var landað rúmlega 12,5 tonnum af
rækju úr ísafjarðardjúpi af þrettán bátum á ísafirði og í Bol-
ungarvík og Súðavík. Hæst var Bára ÍS með 2,8 tonn, næstur
var Páll Helgi ÍS með 2,15 tonn og þriðji var Ver ÍS með 1,45
tonn. Tíð hefur verið afar rysjótt undanfarið og iítið gefið á sjó.
Þrjátíu bátar stunda veiðar í Djúpinu.
-GHj.
Hvað láta þeir sér ekki detta í hug þessir Ingólfsbræður!
Flugvélasmíði
á ísafirði
- Ragnar Ingólfsson lætur meta flughæfni nýjustu
flugvélarinnar sem fjölskyldumeðlimir hafa smíða
TF-SMA í flugskýli á ísafjarðarflugvelli og bíður komu skoðunarmanna.
Á mánudag í síðustu viku
varð það óhapp á höfninni á
Hólmavík þegar frystitogarinn
Hólmadrangur var að fara út að
skipið lenti á löndunarkrana
fyrir trillur á bryggjunni og
skemmdi hann talsvert. Vindur
var og háflóð þegar óhappið átti
sér stað. Einnig er afar þröngt
fyrir skipið að athafna sig í
höfninni. Að sögn Höskuldar
Erlingssonar, lögreglumanns á
Ströndum, var kraninn rafdrif-
inn og talsverður blossi varð
þegar rafmagnleiðslurnar rofn-
uðu. Mál þetta er í skoðun.
-GHj.
Hálfdán
í Búð
landaði
10 tonn-
um
Togskipið Hálfdán í Búð fór
út til veiða 3. jan. og kom inn til
Isafjarðar föstudaginn 7. jan.
og landaði 10 tonnum. Skipið
skaust inn af miðunum út af
Breiðafirði í brælu og landaði.
Síðan hélt Hálfdán austur fyrir
land á veiðar. Á mánudaginn
þegar Goðinn strandaði í
Vöðlavík lá Hálfdán í vari á
Reyðarfirði og hélt þegar í stað
á strandstað. Meðan verið var
að aðstoða skipbrotsmenn
dældi skipið olíu í sjóinn til að
lægja öldumar á strandstað.
Þegar veðrinu slotaði hélt
skipið á veiðar og er enn fyrir
austan að veiðum. Skipstjóri er
Skarphéðinn Gíslason.
-GHj.
Páll Páls-
son með
56 tonn
Páll Pálsson kom inn til ísa-
fjarðar á laugardaginn og land-
aði 56 tonnum af ýsu og þorski
eftir 3ja daga veiðiferð á Vest-
fjarðamiðum. Skipstjóri var
Kristján Jóakimsson. Páll er nú
að veiðum fyrir austan land.
-GHj.
Nú er enn ein flugmaskínan
að rúlla úr smiðju Ingólfssona
á Isafirði. Frægt var á sínum
tíma er Hálfdán Ingólfsson
smíða fyrsta svifdrekann á ís-
landi eftir að hafa séð mynd af
slíku farartæki í tímaritinu
Playboy. Varð hann þannig
upphafsmaður svifdrekaflugs
hér á landi sem nú er orðið
mjög vinsælt. Þessi smíð
Hálfdáns var aðeins upphafið
af stórtækari framleiðslu og nú
voru bræður hans komnir f
spilið líka. Örn, Hörður og
Ragnar eru allir þekktir fyrir
iðju sína og uppfinningasemi
við framleiðslu tölvuvoga hjá
Póls hf. og var nú tími til
kominn að virkja kraftana til
flugvélasmíði. í kjallara
foreldranna, í Fjarðarstrætinu
var síðan hafin smíði á fyrstu
heimasmíðuðu flugvél þess-
arar fjölskyldu og hlaut hún
einkennisstafina TF-ÖGN.
Nú hefur Ragnar Ingólfsson
bætt um betur og smíðað nýja
flugvél að amerfskri fyrir-
mynd, svona smá vél, enda ber
hún einkennisstafina TF-
SMA. í samtali við Vestfirska
fréttablaðið sagði Ragnar að
vélin væri smíðuð úr gler-
trefjum og kæmi til landsins í
formótuðum hlutum. Síðustu
daga, þ.e. áður en síðasta
óveðurshrina skall yfir var
Ragnar að tilkeyra vélina á
flugvellinum á Isafirði. Ekki
rnátti hann þó fara í loftið þó
vélin hefði alla burði til þess,
þar sem ekki var búið að taka
gripin út af skoðunarmönnum.
Sagði Ragnar að mikill tími
hefði farið í smíðina trúlega
yfir 3000 tímar. Ekki vildi hann
meina að þetta hefði kostað sig
svo óskaplega peninga, en það
léti þó nærri að vera um ein og
hálf milljón. Mótorinn í vélinni
er 110 hestöfl og á að skila
henni á 230 mílna hraða, sem
er nálægt 380 kílómetrar á klst.
Þannig verður þessi vél sem er
tveggja manna trúlega ein
hraðskreiðasta vél hér um
slóðir og á að geta flogið allt að
800 til 1000 mílur. Lang-
drægnin á þó eftir að koma í
Ijós þegar reynsla fæst af elds-
neytiseyðslu.
Þó vélin komi í svokölluðu
„kit“ formi, tilbúin til sam-
setningar, þá fór ekki hjá því að
Ragnar þyrfti örlítið að endur-
bæta gripinn. Sem dæmi, þá
setti hann í vélina mun öflugri
mótor en gert var ráð fyrir og
eins eru á hans útgáfu upp-
draganleg hjól sem reyndar
hafa kostað mikla vinnu. Eitt-
hvað hafa bræður hans fengið
að hafa sína putta við smíðina
líka, þó þeir vilji eigna Ragnari
gripinn.
Þegar talað er um flugvélar,
þá sjá menn venjulega fyrir sér
stóran væng að framan og lít-
inn væng að aftan og hátt og
myndarlegt stél. Þessi vél er þó
langt frá því að vera með hefð-
bundnu lagi. Má eiginlega
segja að hún snúi öfugt, þama
er litli vængurinn að framan og
sá stóri að aftan. Reyndar hefur
þetta byggingarlag á flugvélum
sérstakt heiti og er kallað
Canard. Þó má segja að fram-
vængur á þessari vél Ragnars
sé nokkru stærri en venjulega
þegar talað er um Canard
flugvél.
Og nú er bara að bíða og sjá
hvort veðurguðirnir lofi em-
bættismönnum ríkisins að
komast vestur til að gefa þess-
ari nýju vél flughæfnisvottorð.
- hk.