Vestfirska fréttablaðið - 14.01.1994, Blaðsíða 5
VESTFIRSKA
KRÉTTABLAÐIÐ
5
íbúð
Nauteyrarhrepps
í Hlíf ekki seld
vegna slæmrar
fjárhagsstöðu
Ástþór Ágústsson, oddviti Nauteyrarhrepps í Djúpi, hafði
samband við blaðið og vildi gera athugasemdir við frétt í
síðasta blaðí, þar sem fram kemur að hreppurinn hefði sett
íbúð hreppsins í Hlíf, íbúðum aldraðra á ísafirði, í sölu vegna
slæmrar fjárhagsstöðu sveitarfélagsins. Sagði oddvitinn að
á sínum tíma, þegar forráðamenn ísafjarðarkaupstaðar
höfðu samband við sveitarstjórnir í Djúpi, um að byggja með
þeim Hlíf var verð á íbúðinni annað og lægra en reyndin varð
á. Að skilningi Djúpmanna hefði íbúðin átt að vera fyrir aldr-
aða íbúa úr Djúpinu. f framhaldinu gerðist það að íbúðin varð
margfalt dýrari en um var talað í upphafi. Einnig hefur ísa-
fjarðarkaupstaður skráð Djúpmenn sem flutt hafa í Hlíf jafn-
harðan á íbúaskrá á ísafirði og þá þótti hreppsnefnd Naut-
eyrarhrepps það athugunarefni hvort skynsamlegt væri að
hafa svona mikla peninga bundna í íbúð á ísafirði. Pað gæti
verið betra fyrir lítil sveitarfélög sem geta notað peningana í
ýmsa aðra þjónustu við íbúana í sveitarfélögunum, t.d. með
því að leigja íbúðarhúsnæði í einhverja mánuði meðan í-
búaskráningin fer fram og koma þeim þannig á íbúaskrá
ísafjarðar. Þetta væri ástæðan fyrir sölu íbúðarinnar en ekki
slæm fjárhagsstaða hreppsins.
-GHj.
Tónlistarskóli
Isafjarðar
Blásturshljóðfæri
- forskóli
Getum bætt við nemendum, einkum á
blásturshljóðfæri, (kornett, básúnu, klari-
nett, saxófón, o.fl.) en einnig á fiðlu og
selló.
Ráðgert er að tveir nýir hópar hefji nám í
forskóla á vorönn, fyrir og eftir hádegi, ef
næg þátttaka fæst. Einnig er hægt að bæta
við nemendum á blokkflautu.
Upplýsingar á skrifstofunni og í síma 3926.
Skólastjóri.
Miklar skemmdir á
raflínum í Inn-Djúpi
- unniö að viðgerðum
Að sögn Helga Ingimundar-
sonar hjá Orkubúi Vestfjarða á
Ströndum braust vinnuflokkur
OV á Hólmavík yfir Stein-
grímsfjarðarheiði í óveðrinu á
mánudag til viðgerða á raflín-
um í Inn-Djúpi. Raflínan slitn-
aði á löngum köflum á Langa-
dalsströnd og á Snæfjallaströnd
og um tuttugu staurarbrotnuðu.
Rafmagn var einungis á Naut-
eyri og Hafnardal vegna þess að
sæstrengur er þangað yfir frá
Reykjanesi en þar eru diesel-
vélar. Ekkert var hægt að að-
hafast fyrr en í gærmorgun
vegna veðurs og hrundu línurn-
ar niður fyrir augum viðgerðar-
mannanna. Betur gekk í Reykj-
arfjarðarhrepp að koma
rafmagni á. Unnu menn í einni
lotu til kl átta í morgun og þá var
búið að hengja línuna upp í 28
staura og koma rafmagni á inn
á við frá Nauteyri, alla leið að
Múla sem er innsti bær. Nú er
hins vegar enn verið að vinna
fyrir utan Melgraseyri og óvíst
hvenær tekst að koma línunni
frá Nauteyri og út í Skjaldfann-
ardal inn. Rafmagnslaust hefur
verið á þessu svæði síðan á
mánudag en sumir bæir hafa
getað keyrt heimilisrafstöðvar,
sem sumir hafa haldið við þrátt
fyrir samveiturafmagn.
Strandamennimir gista að
Nauteyri í húsi Vesturhesta
meðan viðgerð stendur yfir.
Línan frá Ármúla, fyrir Lón,
og út á Snæfjallaströnd er
mikið skemmd, bæði brotnir
staurar og línan slitin. Unnið er
að viðgerð þar einnig.
-GHj.
Nýtt
neyðarnúmer
slökkviliðs,
lögreglu
og sjúkraliðs
á Isafirði
Orri fékk 21 tonn í
síðustu viku
Línubáturinn Orri komst
fimm róðra í síðustu viku og
fékk um 21 tonn af slægðum
þorski. Flestir róðrarnir voru
bræluróðrar og var skipið að fá
þetta um og yfir fimm tonn á
dag þegar veður hélst sæmilegt.
Virðast horfurnar á línuna
heldur vera að glæðast. Skip-
stjóri á Orra er Pétur Birgisson.
-GHj.
Smásaga eftir Bergrósu Kjartansdóttur
Ástarleikur við eðli mannsins
Hann sat á árbakkanum með
fæturna í vatninu, höfuðið lút-
andi, axlir sveigðar framávið svo
brjóstkassinn virtist hverfa.
Hendur í skauti í hvíldarstöðu.
Buxnaskálmamar brettar upp á
hné en engu að síður blautar. Það
virtist sem hann hafði setið þarna
lengi, eins og umhverfið ætti
hann og vildi hann yrði þar
alltaf.
Grösin á bakkabarðinu
hneigðu sig djúpt og viðstöðu-
laust fyrir ánni með skiljanlegri
virðingu. Stundum svo djúpt að
þau biotnuðu á toppunum. Þau
gátu ekki hætt.
Golan tók með höndum sín-
um utanum trjástofnana og hristi
þau öðru hverju eins og til að
vekja þau af löngum dvala og
neyddi þau tili að láta laufblöð
sín skella saman í hvissi.
Steinarnir hundsuðu hann
eins og alltaf, skiptu sér ekki af
þessu lífi né öðru, aldrei við-
brögð, engin hreyfmg, ekkert
hljóð frá þeim.
Niðurinn frá ánni endalaus
Bergrós Kjartansdóttir.
fyrir þann sem hlustar.
Maðurinn var djúpt sokkinn í
hugsanir sínar eins og alltaf þegar
hann sat þarna. Rjóðrið var um-
gjörð hugsana hans, Töfrarjóðrið
hans.
Hann var að hugsa um að synda
yfir á bakkann hinu megin því þar
var annað rjóður bjartara og lit-
fegurra. Hér voru grösin og trén
svo bláleit. En áin var köld og
svikul og glotti ögrandi er hún rétti
honum hönd sína og vildi draga
hann í skaut sitt.
Hann var ekki ánægður með
sjálfan sig þessa dagana því ferðir
hans í rjóðrið voru of tíðar, of
mikið um hugsanir. Hann hugsaði
sig óánægðari og ófullnægðari en
hann í rauninni var og þá fór hann
að langa yfir ána.
Hann reisti höfuðuð lyfti öxl-
unum og horfið yfir ögrandi ána.
Hann var enn ungur og ör. Hann
byrjaði að afklæða sig hægt en á-
kveðið úr hverri spjör og braut þau
vandlega saman eins og hann ætl-
aði sér að elska konu án áfergju,
þakka fyrir, klæða sig og fara síðan
heim, Ijúka þessu eins og hverju
öðru verki.
Hann stóð á bakkanum lima-
mjúkur og nettur. Ljóst hárið lék
sér með grösunum við goluna og
hann hugsaði með sér að ef hann
bæri jafn mikla virðingu fyrir ánni
eins og grösin gerðu þá kæmist
hann yfir. Hann hugsaði fallega
um ána, hneigði sig og stakk sér til
sunds. Sá strax eftir því en það var
of seint.
Það var eitthvað sem þröngvaði
honum til að athuga rjóðrið hinu
megin. Áin var köld og vildi
fá’ann. Hvaða kona myndi svo sem
ekki vilja fá hann í þessu ástandi.
Hann vissi um það sjálfur og fann
sterklega til þess á þessari stundu,
á líkama sínum og iðandi
vatnadísinni.
Hann synti og synti en ekkert
gekk, bakkinn færðist ekkert nær.
Hann spennti vöðvana betur og tók
stærri, ákveðnari sundtök. Áin var
sterk. Hannn var sterkur og bakk-
inn tók að nálgast hægt og sígandi.
Skyndilega var hann dreginn á
kaf eins og einhver hefði kippt í
hann, neðar, neðar. Hann spriklaði
angistarfullur, reyndi að ná taki á
einhverju með útglenntum fingr-
um.
Stæltur og hvítur líkaminn
stjórnlaus í vatninu, eins og hann
. væri sáttur við hlutskipti sitt. Hug-
urinn tómur, tilbúinn að taka á mód
eiiífðinni. Iðandi vatnið varð mátt-
laust jafn snögglega og það tryllt-
ist. Himinninn var eins og mál-
verk, allt kyrrt, tíminn beið.
En lífsviljinn var sterkur og
hrifsaði hann upp á yfirborðið,
hann reigði höfuðið aftur og
fyllti lungun af lífi þessa heims.
Áfram áfram þrátt fyrir doða
og hroll. Hann komst uppá
bakkann með herkjum. Lagðist
flatur á jörðina, iokaði augun-
um, andstuttur eftir mikil átök.
Var hins vegar of spenntur til að
sofna og of spenntur til að virða
fyrir sér rjóðrið. En hann heyrði
hvissið í trjánum og sá á leiðinni
uppá bakkann að hér hneigðu
grösin sig einnig fyrir ánni.
Hann opnaði augun, allt var
svo undarlega bláleitt. Hann reis
upp eins og til að laga litaröð-
unina. Þetta rjóður var ná-
kvæmlega eins og Töfrarjóðrið
hans, falleg bláleit spegilmynd
þess. Augun plötuðu hann. Hann
leit yfir á bakkann hinu megin
þar var allt fagurgrænt.
Hann stóð upp, átök til
einskis eða hvað. Hafði hann
kannski aldrei farið yfir ána. Var
þetta draumur eða fyrsti raun-
verulegi ástarleikurinn við lífið.
Með blindaða sál fór hann á
fund trylltra vatnadísa.
VIDEO
PREHYSTERIA
Fjölskyldu-
myndin sem
allir hafa
beöiö eftir.
MURDER
Jennifer Grey (Dirty
Dancing) leikur hér Kate
Weldon, metnaðargjar-
nan ungan lögfræðing
sem gengur til liðs við
mikilsmetið lögfræðifirma
í L.A. Þar hittir hún Jack
Hammet (Peter Berg) rí-
sandi stjörnu fyrirtækisins
og einstaklega aðlaðandi
ungur maður.
Rómantískt samband
þeirra fer inn á hættule-
gar brautir í samblandi
við blandið.
VIDEO
s
4299