Skagfirðingabók - 01.01.1969, Blaðsíða 73
JÓN SKAGAMANNASKÁLD
Árið 1869 koma nýir ábúendur á Ytra-Malland framan úr Tungu-
sveit. Voru það hjónin Björn Guðmundsson og Sigríður Pétursdóttir
og með þeim var vinnukona þeirra, 43 ára gömul, Guðrún nokkur
Jónasdóttir. Hjá Birni og Sigríði var Jón í húsmennsku í eitt ár. En
næsta ár telst hann svo húsmaður í Kleifargerði, og er þar einnig hús-
kona Guðrún Jónasdóttir. Ekki hefur tekizt að grafa upp, hversu lengi
þau dvöldust í Kleifargerði, en skv. Jarða- og búendatali er Jón sagð-
ur búa í Hraunseli 1875—1880 með ráðskonu sinni Guðrúnu Ólafs-
dóttur.1 Árið 1880 er hann samkvæmt manntali kominn að Lágmúla
og er ráðskona hans þá Guðrún Jónasdóttir. Hér hefur Búendatalið
líklega farið Guðrúnavillt. Rögnvaldur á Hrauni hefur það eftir
Steini L. Sveinssyni, bónda á Hrauni, föður sínum, sem þessa tíma
mundi, að Jón muni hafa búið með Guðrúnu Jónasdóttur í Hraun-
seli. Er það eflaust réttara, og má ætla, að hún hafi fylgt Jóni allt
frá því að þau kynntust á Mallandi. Villan í Búendatali gæti hafa
stafað af því, að Guðrún Ólafsdóttir bjó einnig í Hraunseli um þessar
mundir, en var ráðskona annars manns, Jóhanns Gottskálkssonar,
hálfbróður Jóns.
í Hraunseli orti Jón Bændavísur sínar, einar 32 talsins, því að svo
enda þær:
Hrauns- í -seli hefur bið
halur Jón að nafni.
Armóð dvelur einatt við,
öld hann telur Gottskálks nið.
Tálga spýtur temur sér,
til ber líka stundum
mynda ónýtar mærðir fer,
metinn lítils þjóð af er.
Líklegt er talið af kunnugum, að Jón hafi ort Bændavísur sínar á
árunum 1877—78, en þá er hann einmitt í Hraunseli samkvæmt
1 Sóknarmannatöl Ketu- og Hvammssóknar vantar yfir þessi ár.
71