Skagfirðingabók - 01.01.1985, Side 192

SKAGFIRÐINGABÓK
heiman. Ekki get ég nafngreint nema fátt af piltunum, sem tóku
þátt í sundnáminu, en auðvitað voru það þeir Reykjabræður,
Pétur og Bjarni, sömuleiðis bræður frá Mið-Vatni, Jón,1 sem
síðar varð maður Bjargar móðursystur minnar, og Þorgrímur2
bróðir hans. Þá voru líka synir Guðmundar á Reykjavöllum,3
sjálfsagt líka einn eða fleiri synir Þorvaldar og Helgu í Stapa4 og
sennilega Björn Andrésson frá Stokkhólma. Þá hefir syni Einars
og Sigurlaugar á Mælifellsá áreiðanlega ekki vantað í hópinn.5
Olafur, faðir Sigurlaugar á Löngumýri, sem á þessum árum
dvaldist með frænda sínum, séra Sigurði á Mælifelli, veit ég að
hefir verið þar líka, því hann kenndi síðar fleiri ár sund við
Reykjalaug. Allir þessir menn voru æskufélagar og vinir þeirra
móðurbræðra minna og foreldrar þeirra aldavinir afa og ömmu.
Gestur blindi var þarna í þrjár vikur og var síðan fylgt
heimleiðis. Voru þá nemendur hans orðnir það vel syndir, að
hann taldi þá færa um að kenna öðrum sund. Það gerðu þeir
1 Jón Jónsson, fæddur 1846, dáinn 1926, seinast bóndi á Stóru-Seylu
1888-98.
2 Þorgrímur Jónsson, fæddur 1841, dáinn eftir 1919, bóndi á Mið-Vatni,
en fór til Vesturheims 1876 og bjó á Akri í Fljótsbyggð í Kanada.
3 Guðmundur Skúlason og Guðríður Guðmundsdóttir bjuggu á Reykja-
völlum 1859 — 76, fóru þá til Vesturheims. Þau giftust 1858 og áttu enga
syni um þetta leyti.
4 Synir Þorvaldar Kristjánssonar og Helgu Jónsdóttur, þeir er upp kom-
ust, voru: Hannes, fæddur 1844, dáinn 1909, bóndi á Nautabúi í
Lýtingsstaðahreppi 1877—88, fór þá til Vesturheims. Kristján, fæddur
1853, dáinn 1882, bóndi í Stapa frá 1878 til dauðadags. Gubmundur,
fæddur 1854, dáinn 1919, síðast bóndi í Gilkoti. Jón, fæddur 1857,
dáinn 1941, bóndi í Stapa.
5 Synir Einars Hannessonar og Sigurlaugar Eyjólfsdóttur á Mælifellsá
voru: Jónas, fæddur 1841, bóndi á Hafgrímsstöðum og síðar í Köldu-
kinn á Ásum. Hannes, fæddur 1844, dáinn 1865. Einar, fæddur 1848,
dáinn 1861. Eyjólfur, fæddur 1852, dáinn 1896, bóndi á Mælifellsá og
víðar. Egill, fæddur 1856, dáinn 1886.
190