Skagfirðingabók - 01.01.1996, Page 123

KOMMÚNISTAR Á SAUÐÁRKRÓKI
batna. Greiðslur hreppssjóðs í vexti og afborganir af lánum
minnkuðu mikið. Arið 1938, má sjá að hagur hreppssjóðs
hafði enn vænkast, því að þá voru lán sem hlutfall af heildar-
tekjum aðeins 6,1% í stað 20% tveimur árum áður. Sama ár
hafði Jöfnunarsjóður sveitarfélaga veitt styrk til Sauðárkróks-
hrepps.
Utgjöld til fátækramála breyttust hlutfallslega lítið á þessu
tímabili ef miðað er við heildarútgjöld, en í því sambandi
verður þó að hafa í huga þau lán sem hreppurinn varð að taka
til þess að standa straum af útgjöldum. Hæst voru gjöld til fá-
tækramála á árunum 1933-34 eða um 27% heildarútgjalda.
Þess má geta að atvinnubótavinna á vegum hreppsins bauðst
mönnum á Sauðárkróki aðeins í tvö ár, 1933 og 1934, enda
voru fjárráð til slíkra verkefna ekki mikil. Þá má geta þess, að
undirbúningur fyrir gerð hafnargarðs árið 1935 kom fyllilega í
stað slíkrar vinnu.
Félag ungra jafnaðarmanna á Sauðárkróki
Jafnaðarmenn tóku að stofna æskulýðsfélög árið 1927. Tveim-
ur árum síðar voru þau sameinuð í eitt samband, Samband
ungra jafnaðarmanna (SUJ). Kommúnistar reyndu að hafa áhrif
innan þessara samtaka, en með litlum árangri í fyrstu.
Hinn 6. september árið 1930 var Félag ungra jafnaðarmanna
á Sauðárkróki stofnað (FUJS). Kristján C. Magnússon hafði
boðað til stofnfundarins og stýrði honum og alls munu a.m.k.
11 manns hafa sótt fundinn. I lögum félagsins, sem samþykkt
voru, kom fram, að félagsmenn töldu tilgang þess að útbreiða
jafnaðarstefnuna á grundvelli Karls Marx og Friedrichs Engels.6
Á sama fundi var ákveðið, að félagið gengi í SUJ. Fólk á aldr-
inum 14-30 ára hafði rétt til inngöngu í FUJS og þurfti hver
6 HSk. Félag ungra jafnaðarraanna á Sauðárkróki. Fundur 6. september 1930.
121