Tímarit hjúkrunarfræðinga - 01.10.2008, Blaðsíða 29

verkefninu leiddi til mikillar umfjöllunar
um hjúkrun og hjúkrunarfræðinga í
fjölmiðlum," segir Jón. Skrifaðar voru
um eitt hundrað greinar sem birtust
í fjölmiðlum vorið 2008. Flestar hefðu
líklega ekki verið skrifaðar ef ekki væri
fyrir verkefnið og margir höfundur
fengu stuðning hjá verkefnahópnum.
Félagsmenn hafa sjálfir lagst á eitt og
brugðist vel við beiðni um að skrifa
um jákvæða þætti hjúkrunarstarfsins.
Áberandi í viðbrögðum hjúkrunarfræðinga
við verkefninu er að þeim þykir vel hafa
tekist til við að leggja áherslu á jákvæða
þætti starfsins og segja margir hverjir að
umræða um starfið á deildum þeirra hafi
orðið verulega jákvæðari.
Einn stór þáttur ímyndarverkefnisins var
að styðja vinnu við kjarasamninga og að
skapa þá ímynd af hjúkrunarfræðingum
meðal aimennings sem er til þess
fallin að almenningur allur styðji kröfur
hjúkrunarfræðinga í kjarasamningum og
hugsanlegum vinnudeilum og aðgerðum.
Við boðun yfirvinnubanns kom berlega
í Ijós af fréttaflutningi að þetta markmið
ímyndarverkfnisins hafði náðst og að
hjúkrunarfræðingar nutu stuðnings
almennings.
Félög hjúkrunarfræðinga um allan heim
huga um þessar mundir að ímynd
hjúkrunar. Innlegg FÍH í þá umræðu
eru kynningargögn um ímyndarverkefni
félagsins sem hafa verið send víða um
heim. Á alþjóðlegum fundum, sem félagið
hefur tekið þátt í, hefur margoft verið
vísað til verkefnisins og því hrósað og
Ijóst er að myndefni þess hefur vakið
mikla athygli. Gerð hafa verið drög að
um 80 mínútna sameiginlegri kynningu á
starfsemi stéttarfélaga hjúkrunarfræðinga
á Norðurlöndum fyrir ráðstefnu
Alþjóðaráðs hjúkrunarfræðinga (ICN)
sem haldin verður í Durban í Suður-
Afríku á næsta ári. í kynningunni mun
FÍH segja frá ímyndarverkefninu auk
fundaherferðar félagsins sem fram fór á
síðasta hausti. Gert er ráð fyrir að hátt
í 4000 hjúkrunarfræðingar alls staðar úr
heiminum sæki ráðstefnuna.
Cecilie Björgvinsdóttir, verkefnisstjóri
kjaramála hjá félaginu, segir að
ímyndarverkefnið hafi haft jákvæð áhrif
á samningsumhverfið og stutt á ýmsan
Cecilie
Björgvinsdóttir.
hátt við vinnu samninganefndarfélagsins.
„Samhugurinn í félagsmönnum, sem
skapaðist út af auglýsingarherferð
og blaðaskrif sem ímyndarhópurinn
stóð fyrir, skilaði sér beint inn á
samningaborðið," segir Cecilie. „Þeir
í samninganefnd ríkisins fundu að við
vissum nákvæmlega hvað félagsmönnum
fannst og að við höfðum baklandið með
okkur. Félagsmenn voru vel upplýstir
um gang mála og við fengum stöðugt
viðbrögð frá þeim." Fréttir um aðgerðir
hjúkrunarfræðinga á Norðurlöndum
og árangur þeirra í samningum, sem
ímyndarhópurinn hjálpaði til við að kynna,
hafði líka áhrif við samningaborðið.
Ragnheiður Alfreðsdóttir, hjúkrunar-
fræðingur og sviðsstjóri hjá Krabba-
meinsfélagi íslands, segir að með því að
taka þátt í þessu verkefni hafi hún komið
nær félaginu og fengið meira skilning á því
hvernig það vinnur. „Ég tek meiri ábyrgð
og hef meiri metnað í félagsstarfinu.
Það hefur verið ánægjulegt að kynnast
fólkinu, sem er í verkefnishópnum, og
gaman að geta lagt félaginu lið og fá að
vinna að hag þess.“
Fyrir nokkrum árum tók hún þátt í svipuðu
verkefni sem hét „Veistu eitthvað um
hjúkrun". Árangurinn af því var meiri en
gert var ráð fyrir. „Markmiðið var að fá
fleiri í hjúkrunarnám og það endaði með
að svo margir skráðu sig á fyrsta ári að
það flæddi út úr hjúkrunarfræðideild. Ég
held að ímyndarverkefnið, sem ég tek þátt
í núna, hafi leitt til þess að félagsmenn
átta sig betur á því að einhver er að vinna
að þeirra hag þarna baksviðs."
Guðný Helgadóttir er hjúkrunarfræðingur
á hjartadeild 14G á Landspítala. „Ég
er mjög ánægð með að hafa fengið
að kynnast betur innviðum félagsins og
því framsækna fólki sem þar starfar,"
segir hún. „Það er mikil grjóska í
hjúkrunarfélaginu og fuilt að gerast. Ég
fékk sjálf að taka þátt í auglýsingagerð og
viðtölum og lærði mikið á því.“
Guðný segir að verkefnið hafi verið mikið
rætt á hennar vinnustað. „Allir sáu hvað
félagið er sterkt og forystan kom mjög vel
fyrir í fjölmiðlum. Samstarf skiptir sköpun
og það að við fórum að þjappa okkur
betur saman hafði mikla þýðingu fyrir
útkomuna í kjarasamningunum. Ég er
mjög stolt af okkur," segir Guðný.
Hún bætir við að fjölskylda og vinir
hafi mikið spurt um hjúkrun og
hjúkrunarmenntun. í fylgiblaði með
Morgunblaðinu hafi komið fram hversu
fjölbreytt hjúkrunarstarfið er og hvernig
menntunin nýtist á fjölmörgum stöðum.
Hún fann nú í vor fyrir meiri stuðningi frá
almenningi en oft áður.
Verkefninu er síður en svo lokið því
það er ekki átak heldur viðvarandi
verkefni sem unnið verður að næstu
misseri. ímyndarhópurinn er nú að
undirbúa framhald vinnu sinnar sem
meðal annars snýr að hugsanlegum
viðbrögðum félagsins við slakri aðsókn
að námi í hjúkrun við Háskóla íslands
og undirbúningi næstu kjarasamninga.
Að auki mun verkefnishópurinn aðstoða
afmælisnefnd við að búa til kynningarefni
og hanna merki fyrir afmælisárið 2009.
ímynd hjúkrunarfræðinga og félagsins
er mikilvægur hluti alls félagsstarfsins og
skiptir máli á öllum vígstöðvum þar sem
hjúkrunarfræðingar lifa og starfa.
Tímarit hjúkrunarfræðinga - 4. tbl. 84. árg. 2008
27