Tímarit hjúkrunarfræðinga - 01.10.2008, Blaðsíða 52
Christer Magnusson, christer@hjukrun.is
HÆTT AÐ VINNA EN ENN AÐ SINNA
- viðtal við Bergdísi Kristjánsdóttur
Margir hjúkrunarfræðingar taka til hendinni í sjálfboðavinnu eða við önnur
félagsstörf þegar þeir eru komnir á eftirlaun. Ein þeirra er Bergdís Kristjánsdóttir
sem er bæði heimsóknarvinur og skrásetjari hjúkrunarmuna.
Bergdís Kristjánsdóttir fór á eftirlaun
2004. Hún var lengst af skurðstofuhjúkr-
unarfræðingur en gerðist svo sviðsstjóri
á lyflækningasviði Landspítalans. Síðustu
árin var hún forstöðumaður á sjúkrahóteli
Rauða kross íslands. Hún tók við því starfi
þegar hinn nýstofnaði Landspítali hóf
samstarf við RKÍ og hafði þetta samstarf
miklar breytingar í för með sér. Áður var
ekki hjúkrunarfræðingur á sjúkrahótelinu
en með komu hjúkrunarfræðinga var
hægt að veita hjúkrun að einhverju leyti,
ekki bara hvíld og gæslu. Bergdís segir
að þetta hafi verið mjög skemmtilegt
verkefni og í leiðinni kynntist hún mjög
vel Rauða krossinum sem hún hafði áður
bara haft almenna vitneskju um.
Bergdís ákvað 10 ára gömul að fara í
hjúkrun. Það var þegar hún las bókina
„Rósa Bennet í Afríku" en bækurnar
um Rósu Bennet voru mjög vinsælar
á þessum árum. Eftir hjúkrunarnámið
sótti hún um hjálparstarf í Afríku. Biðin
eftir svari var löng og í staðinn fór hún
að vinna í Svíþjóð. Nú má segja að hún
sé komin í „hjálparstarf" hér heima en
eftir starfslok gerðist hún sjálfboðaliði í
heimsóknarþjónustu RKÍ.
Sjálfboðastarf fyrir Rauða kross
íslands
Bergdís er nú orðin hópstjóri og
skipuleggur heimsóknarþjónustu fyrir um
hundrað sjálfboðaliða. Sjálf er hún bara
heimsóknarvinur eins gestgjafa, eins og
skjólstæðingar heimsóknarþjónustunar
eru kallaðir. Það er hún Sigurrós, 98
ára, sem Bergdís getur ekki hugsað sér
að hætta að heimsækja þrátt fyrir að
hópstjórastarfið taki mikinn tíma. Þær
hafa hist á hverjum miðvikudegi í þrjú
ár. Sem hópstjóri sér hún um að útdeila
verkefnum og halda mánaðarlega fundi
þar sem heimsóknarvinir geta spjallað
saman um starfið. Hún tekur einning
þátt í að skipuleggja námskeið fyrir
heimsóknarvinina. Henni til aðstoðar er
starfsmaður RKÍ í hálfu starfi.
Fyrir utan heimsóknarstarfið tekur Bergdís
þátt í ýmsum nefndarstörfum innan Rauða
krossins. Hún er nú í nefnd sem fjallar
um nýjar leiðir í sjálfboðastarfi RKÍ. Eitt
verkefni, sem um hefur verið rætt, er
bætt þjónusta við aldraða og er skýrsla
50
Tímarit hjúkrunarfræðinga - 4. tbl. 84. árg. 2008