Feykir - 22.10.2015, Qupperneq 2

2 40/2015
Svo ég haldi nú áfram að gera lífsreynslu mína að umtalsefni
þessa leiðara blaðsins, þá hafa eftirköst áðurnefndrar bílveltu
breytt lífstíl mínum á þann hátt
að ég hef horft meira á sjónvarp
undanfarnar vikur en síðustu 25
árin þar á undan.
Að eðlisfari er ég frekar ofvirk
kona sem á erfitt með að sitja
auðum höndum. Í mörg ár hefur
því verið þannig farið, að þá
sjaldan ég sest niður við sjónvarpið,
er ég sofnuð með það sama. Þær
eru orðnar margar þáttaseríurnar
sem eiginmaðurinn hefur farið í
gegnum með mig sofandi sér við
hlið. Nú háttar svo til að bæði
leyfir heilsufarið ekki heimilisstörf, lærdóm eða hannyrðir fram
eftir kvöldi og eins hitt, að ég get orðið vakað yfir sjónvarpinu.
Jafnvel þó að dagskráin sé á köflum drepleiðinleg.
Eru það oftast RÚV, Skjár einn eða N4 sem verða fyrir valinu
hjá dagskrárstjóranum með fjarstýringuna. Einhver mesta snilld
síðari ára er því vod-takkinn á fjarstýringunni, ekki síst af því þá er
hægt að spóla yfir auglýsingar og langdregin atriði. Svo erum ég og
dagskrárstjórar sjónvarpsstöðvanna ekki alltaf sammála um
hvenær henti best að sýna ákveðna dagskrárliði. Af hverju þurfa
t.d. þættir eins og Skuggaleikur og Wallander alltaf að vera svona
seint á dagskrá? Það er greinilega ekki reiknað með að örþreyttar
húsmæður horfi á slíkt.
Þetta aukna áhorf náði hámarki sínu þegar ég skellti mer í bíó
með góðum vinkonum á laugardaginn var. Sáum við hina nýju
íslensku kvikmynd Rúnars Rúnarssonar, Þresti. Myndin var svo
krufin til mergjar yfir léttum veitingum, enda vakti hún upp
margar áleitnar spurningar og dregur upp á köflum dapurlega
mynd af lífinu fyrir vestan. En það eru líka í henni ýmsar fallegar
senur og leikurinn er dásamlegur, enda einvala lið í brúnni. Til að
uppljóstra ekki neinu skal ekki farið nánar út í söguþráðinn hér.
En vikan heldur áfram, á sunnudögum er Landinn ómissandi,
á mánudögum miðast allt við Sögu og Brúnna, á þriðjudögum er
sá góði Castle gjarnan nærri dauða en lífi og síðan Skuggaleikur
sem gaf fyrirheit um framhald eftir fjögurra þátta seríu. Reyndar
pínu óheppilegt að sýna þáttinn degi á eftir Brúnni og samhliða
henni þar sem Sean Stone er augljóslega karlkyns Saga Norén. Á
miðvikudögum er svo möst að fylgjast með Agli Helgasyni í
Kiljunni, því það má jú alltaf draga fram góða bók ef dagskráin er
leiðinleg. Á fimmtudögum fá Scott og Bailey mína athygli nánast
óskipta. Og er það nú þó nokkuð, enda samsama ég mig
auðveldlega við trailerana fyrir hinn nýja þátt á Stöð 2, Örir
Íslendingar, þar sem viðmælandi opnar sama skápinn fjórum
sinnum án þess að muna hvað hann var að sækja!
Og talandi um Stöð 2, þá var það sterkur leikur að sýna fyrsta
þáttinn af Rétti í opinni dagskrá, því þrátt fyrir að þar sé dregin
fram ljótasta hliðin á íslenskum veruleika, þá getur maður ekki
annað en fylgst með áfram. En áður en þar að kemur er rétt að
kíkja á Útsvarið annað kvöld. Vinir mínir Strandamenn áttu
skemmtilega innkomu í síðustu viku og treysti ég því að
Skagfirðingar verði engir eftirbátar þeirra.

Kristín S. Einarsdóttir blaðamaður
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Berglind Þorsteinsdóttir – berglind@feykir.is & 455 7176, 694 9199
Blaðamenn:
Kristín Sigurrós Einarsdóttir – kristin@feykir.is & 867 3164
Óli Arnar Brynjarsson – oli@feykir.is
Áskriftarverð: 530 kr. hvert tölublað með vsk. Lausasöluverð: 650 kr. með vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Þrestir og þættir
Sveitarstjóra
falið að
ganga frá
leigusamningi
Bráðabirgðavandi
Leikskólans Birkilundar
í Varmahlíð
Á fundi um húsnæðisvanda
leikskólans í Varmahlíð sl.
mánudagskvöld kom fram
að samstarfsnefnd
Akrahrepps og Svf.
Skagafjarðar væri að vinna
að bráðabirgðalausn sem
felst í því að koma á fót
smábarnadeild.
Þar var sagt að viðræður
væru í gangi við eigendur
fyrrum pósthússins í Varma-
hlíð um að fá þar inni. Á
fundi 15. október samþykkti
byggðarráð Svf. Skagafjarðar
að fela sveitarstjóra að ganga
frá leigusamningi við Kaup-
félag Skagfirðinga um leigu á
húsnæðinu.
Í fundargerð segir
jafnframt að byggðarráð
samþykki að starfsemi
Birkilundar verði að hluta í
þessu húsnæði til bráða-
birgða og að framkvæmdafé
við breytingar þess verði
tekið af fjárveitingu ársins
2015 vegna leik- og grunn-
skóla í Varmahlíð. /BÞ
Kominn
tími á
barnaleikrit
Aðalfundur
Leikfélags Blönduóss
Aðalfundur Leikfélags
Blönduóss fór fram
miðvikudaginn 14. október
sl. Að sögn Guðmundar K.
Ellertssonar formanns
leikfélagsins var mætingin á
fundinn heldur dræm og því
var ekki hægt að taka
neinar ákvarðanir varðandi
uppsetningu á leikriti.
Guðmundur segir þá
ákvörðun hafa verið tekna að
að blása til fundar fljótlega
eftir áramót og kanna áhuga
bæjarbúa að nýju. „Þau sem
mættu á fundinn voru
sammála um að kominn
væri tími á barnaleikrit en
grundvöllur þess er að fólk
gefi kost á sér til starfa fyrir
félagið, hvort heldur á sviði
eða baksviðs,“ sagði hann.
/BÞ
Björn Líndal ráðinn
framkvæmdastjóri
SSNV
Björn Líndal Traustason á
Hvammstanga hefur verið
ráðinn framkvæmdastjóri
SSNV. Var tilkynnt um
ráðningu hans á ársþingi
SSNV, sem haldið var á
Blönduósi á föstudaginn.
Áformað er að Björn taki til
starfa um miðjan nóvember.
Björn er borinn og barnfæddur
Húnvetningur og hefur lengst af
búið að Hvammstanga. Hann
lauk nýverið námi í viðskipta-
lögfræði við Háskólann á Bifröst
og stundar nú nám í skattarétti
og reikningsskilum við HÍ.
Síðustu sautján árin hefur Björn
starfað í bankageiranum.
„Það er ljóst að það eru næg
verkefni framundan,“ sagði
Björn aðspurður um hvernig
nýja starfið legðist í hann. „Stóra
málið hlýtur að vera að sporna
við fólksfækkun og neikvæðri
byggðaþróun, m.a. með því að
fjölga atvinnutækifærum,“ sagði
Björn í samtali við blaðamann
Feykis. /KSE
Krabbameinsfélagi Skaga-
fjarðar afhentur fjárstyrkur
Lionsklúbburinn Björk Sauðárkróki
Lionsklúbburinn Björk afhenti
Krabbameinsfélagi Skaga-
fjarðar á dögunum afrakst-
urinn af pokasölu klúbbsins
þetta árið.
Fulltrúum frá Krabbameins-
félaginu var boðið á októberfund
klúbbsins sem var með bleikt
þema til að sýna samstöðu í
baráttunni gegn krabbameini.
Svava Svavarsdóttir formaður
afhenti þeim Maríu Reykdal og
Guðmundi Gunnarssyni styrk-
inn. /BÞ
Býður Svf. Skagafirði að
kaupa eignir í sveitarfélaginu
Íbúðalánasjóður
Íbúðalánasjóður hefur boðið
Sveitarfélaginu Skagafirði til
viðræðna um kaup á eignum
sjóðsins í sveitarfélaginu.
Fjórar fasteignir eru í eigu
sjóðsins í sveitarfélaginu um
þessar mundir.
Erindið var borið upp í bréfi
frá Íbúðalánasjóði, dagsett 8.
október 2015, á fundi byggðar-
ráðs Svf. Skagafjarðar þann 15.
október. Í fundargerð segir að
sjóðurinn bjóði til viðræðna
um þann möguleika að sveitar-
félagið kaupi eignir sjóðsins í
sveitarfélaginu með það í huga
að nýta þær, t.d. fyrir félagsleg
úrræði sveitarfélaga þar sem það
á við.
Byggðarráð samþykkti að
fela sveitarstjóra að afla frekari
upplýsinga. /BÞ
Frá vinstri: Svava, María og Guðmundur.