Feykir - 22.10.2015, Side 7
40/2015 7
Atvinnuþróun og
byggðamál í forgrunni
Ársfundur SSNV 2015
Ársfundur Samtaka sveitar-
félaga á Norðurlandi vestra,
SSNV, var haldinn í félags-
heimilinu á Blönduósi
síðastliðinn föstudag. Þingið
sátu kjörnir fulltrúar sveitar-
félaganna sjö á svæðinu,
ásamt starfsmönnum SSNV,
þingmönnum og fleiri gestum,
alls um 40 manns. Blaðamað-
ur Feykis var á staðnum og
fylgdist með þingstörfum.
Adolf H. Berndsen, formaður
stjórnar SSNV, setti þingið.
Valgarður Hilmarsson var kos-
inn 1. þingforseti og Anna
Margrét Sigurðardóttir 2. þing-
forseti. Þingritarar voru kosnir
Davíð Jóhannsson og Ingibergur
Guðmundsson, starfsmenn
SSNV en varaþingritarar Sólveig
Olga Sigurðardóttir og Svein-
björg Rut Pétursdóttir, sem
einnig eru starfsmenn SSNV.
Formaður stjórnar SSNV,
Adolf H. Berndsen, flutti skýrslu
fyrir árið 2014. Hann vísaði til
greinargerðar í prentaðri árs-
skýrslu en dró fram nokkur
áhersluatriði í máli sínu. Til-
kynnti hann meðal annars að
gengið hefði verið frá ráðningu
Björns Líndal Traustasonar sem
framkvæmdastjóra samtakanna.
Adolf gerði of lítið fjármagn úr
opinberum sjóðum, t.d. til Sókn-
aráætlunar, að umræðuefni sínu.
Þá nefndi hann erfiðleika með
rekstur Róta, byggðasamlags
umm málefni fatlaðra, og ræddi
hann um áframhaldandi sam-
starf varðandi almenningssam-
göngur. Adolf ræddi einnig um
stöðuga varnarbaráttu varðandi
fólks-fækkun og erfiðan rekstur
sveitarfélaga, þar sem hann taldi
skorta aukinn skilning stjórn-
valda og aukin völd embættis-
manna á kostnað stjórnmála-
manna. Taldi hann þörf á að
auka baráttuna og að Norð-
vesturnefndin og skýrsla um
atvinnuuppbyggingu í Austur-
Húnavatnssýslu væru jákvætt
skref í þá átt. Tilurð nefndanna
væri viðurkenning á ástandinu
–nú þyrftu verkin að tala.
Hann minnti á að mjög náið
samstarf væri á milli sveitar-
félaganna á mörgum sviðum,
ekki síst á sviði atvinnumála. Það
sýndi sig vel í þeirri breiðu
samstöðu sem væri um skoð-
unina á iðnaðaruppbyggingunni
á Hafurstöðum. Þessi sam-staða
væri forsenda þess að verkefni
sem þetta ætti mögu-leika.
Adolf sagði frá umsókn
SSNV til fjárlaganefndar þar
sem farið er fram á 75 m.kr. til
rannsókna og innviðagreiningar
við Hafurstaði. Jafnframt fór
hann yfir nauðsyn þess að herða
baráttuna fyrir nýtingu orku úr
Blöndu á svæðinu og samstarf
sveitarfélaganna í þeim efnum.
Þá taldi hann að efla þyrfti enn
frekar samstarf í ferðamálum og
átaksverkefni fyrir markaðs-
starfssprota. Loks ræddi hann
um breytingar á lögum sam-
bandsins að fyrirmynd annarra
samtaka sem og ýmsar aðrar
ályktanir sem lágu fyrir þinginu.
Menningarráð lagt niður
Jóhanna Magnúsdóttir for-
maður menningarráðs flutti árs-
skýrslu ráðsins. Menningar-
samningar runnu sitt skeið um
síðustu áramót, eftir að hafa
verið í gildi síðan 2007. Árlega
var úthlutað um 70 styrkjum á
ári, að meðaltali 30 í hvert skipti.
Fyrsta úthlutun úr Uppbygg-
ingarsjóði fór fram í júní í sumar.
Samtals var úthlutað rúmum 32
milljónum til ráðsins. Fyrir
þinginu lá tillaga um að fella
starfsemi ráðsins niður, en eitt af
aðalverkefnum þess hefur verið
að undirbúa úthlutun menning-
arstyrkja. Jóhanna þakkaði öll-
um sem að starfinu hafa komið
góð störf og óskaði þess að
menningarlíf á NLV mætti halda
áfram að dafna og blómstra.
Kristján Jónasson hjá KPMG
kynnti rekstrarreikning fyrir
árið 2014. Þar kom fram að
framlag úr Jöfnunarsjóði sveitar-
félaga var 24.538.100, framlag
vegna almenningssamgangna
26.533.164, framlag vegna sókn-
aráætlunar 15.472.620 og aðrar
tekjur 10.574.598. Tekjur voru
því samtals 77.118.482.
Fram kom í máli Kristjáns að
framlag vegna sóknaráætlunar
var lægra en áður og starfs-
mannakostnaður talsvert hærri,
vegna uppgjörs við tvo fráfarandi
framkvæmdastjóra. Kostnaður
vegna almenningssamgangna
var mjög svipaður og árið á
undan og kostnaður vegna
sóknaráætlunar lækkaði í sam-
ræmi við framlag. Stjórnar-
kostnaður hefur svo hækkað
vegna aðkeyptrar þjónustu við
endurskoðun og lögfræðiaðstoð.
Rekstrartap fyrir fjármagnsliði
er því um 7,4 milljónir og
heildartap tæpar 5,8 milljónir.
Í umræðum um skýrslu og
ársreikninga tók Þorleifur
Ingvarsson, oddviti Húnavatns-
hrepps, til máls. Ræddi hann
umfangsmikla starfsemi sam-
takanna en fannst skorta á tengsl
sveitarfélaganna við samtökin og
flutti tillögu að stofnun fulltrúa-
ráðs. Að loknu morgunkaffi var
gengið til nefndarstarfa. Sigríður
Svavarsdóttir stýrði störfum
allsherjarnefndar, Guðný Hrund
Karlsdóttir störfum fjárlaga-
nefndar og Magnús B. Jónsson
störfum laganefndar.
Málefni fatlaðra í brenni-
depli í ávörpum gesta
Að loknu hádegishléi ávörpuðu
þinggestir samkomuna. Karl
Björnsson, framkvæmdastjóri
Samtaka íslenskra sveitarfélaga,
tók til máls og byrjaði á að reifa
versnandi stöðu sveitarfélaga
með auknum útgjöldum, sem
meðal annars skýrast af miklum
launahækkunum. Einnig ræddi
hann ályktanir um að sveitar-
félögin fái aukna hlutdeild í t.d.
almenna hluta tryggingar-
gjaldsins, gjöldum af umferð,
skattlagningu, arðgreiðslum og
auknar endurgreiðslur af virðis-
aukaskatti. Þá ræddi hann um
störf verkefnisstjórnar um þjón-
ustu við fatlað fólk, bætt
lagaumhverfi almenningssam-
gangna og ljósleiðaravæðingu á
landbyggðinni.
Einar K. Guðfinnsson, forseti
alþingis, ávarpaði því næst
þingið og bað fyrir kveðjur
þeirra þingmanna kjördæmisins
sem ekki gátu verið viðstaddir.
Hann gerði m.a. málefni fatlaðra
að umræðuefni sínu. Þá ræddi
hann um áform um iðnaðar-
uppbyggingu á svæðinu og
mikilvægi þess að landshlutinn
standi saman í þeim efnum.
Einnig um mikilvægi ljósleið-
aravæðingar og flutning starfa á
landsbyggðina. „Ég ætla að vera
hreinskilinn. Ég er ekki bjartsýnn
á að það verði fluttar í heilu lagi
ríkisstofnanir frá höfuðborgar-
svæðinu og út á land. Reynslan
af flutningi Fiskistofu sýnir að
þetta kunna ekki að vera góðir
tíma til slíks,“ sagði Einar m.a. í
ræðu sinni og bætti við að þetta
þyrfti ekki að snúast um það
hvort ætti að flytja heilu
stofnanirnar eða ekki neitt,
tækifærin lægju víðar.
Elsa Lára Arnardóttir tók
einnig til máls vegna málefna
fatlaðra. Sagði hún að óskað
hefði verið eftir fundi þar sem
fram komu ákveðnar skýringar á
að halli hefði myndast í mála-
flokknum. Sagði hún að skýrsla
frá velferðarnefnd um málið
væri væntanleg fyrir aðra
umræðu fjárlaga.
Hörður Ríkharðsson, vara-
þingmaður Samfylkingar, tók til
máls og flutti kveðju Guðbjarts
Hannessonar, en Hörður situr á
þingi í veikindaforföllum Guð-
bjarts. Hann sagði mikinn kraft
ríkja í þinginu og góða samstöðu
við gerð fjárlaga.
Norðurland væri
sterkara sem ein heild
Atvinnuþróun og byggðamál
voru aðalumræðuefni þingsins.
Framsögumaður, Þóroddur
Bjarnason, prófessor við Háskól-
ann á Akureyri og fyrrverandi
formaður stjórnar Byggðastofn-
unar, flutti erindi um sóknarfæri
Norðurlands. Hóf hann mál sitt
á því að benda á tækifærin í að
horfa á Norðurland sem eina
heild frekar en Norðurland
vestra og eystra. Einnig benti
hann á að þrátt fyrir hátt hlutfall
íbúa á höfuðborgarsvæðinu
hefðu aldrei búið fleiri á lands-
byggðinni heldur en núna. Þór-
oddur líkti Sóknaráætlunum
landshluta við Mjallhvíti og
dvergana sjö, þar sem höfuð-
borgarsvæðið er með 211
þúsund á hvern íbúa en aðrir
landshlutar á bilinu 7 til 29
þúsund. Kallaði Þóroddur eftir
því hvort samfélögin gætu
skipulagt sig betur og nýtt
þannig auðlegðina sem fælist í
Norðurlandi í heild.
Ingvar Skúlason, fram-
kvæmdastjóri Klappa ehf.,
kynnti áform um álver í Skaga-
byggð. Þeir Þóroddur og Ingvar
svöruðu fyrirspurnum og
spunnust góðar umræður um
stöðu svæðisins og möguleikana
sem felast í uppbyggingu iðnaðar
í landshlutanum.
Nánar verður fjallað um áform
um álver á Hafurstöðum ásamt
ályktunum sem sam-þykktar
voru á þinginu, í Feyki á
næstunni. Fjölluðu þær meðal
annars um atvinnumál, sam-
göngumál, félagsþjónustu, heil-
brigðismál, menntamál o.fl. Þá
voru samþykktar breytingar á
lögum og þingsköpum samtak-
anna. Einnig var samþykkt að
leggja allt að 25 milljónir króna í
markaðs- og kynningarmál fyrir
landshlutann.
UMFJÖLLUN
Kristín Sigurrós Einarsdóttir
Allsherjarnefnd að störfum. MYNDIR: KSE