Feykir - 22.10.2015, Síða 10

10 40/2015
Hvað ertu með á prjónunum? María Eymundsdóttir á Sauðárkróki
Smíðanámið besta
ákvörðunin sem ég hef tekið
Ýmiskonar handavinna hefur
alltaf verið stór partur af lífi
mínu. Mamma hjálpaði mér að
stíga fyrstu skrefin og var ég
ekki há í loftinu þegar ég var
byrjuð að hekla og sauma
krosssaum. Prjónarnir hafa
höfðað minna til mín í gegnum
tíðina þó ég geti logið mig í
gegnum ýmislegt þar.
Sökum aukinnar umhverfis-
hyggju hef ég leikið mér að
breyta fötum, enda er það oft
hægt með lágmarksvinnu. Ég
saumaði til dæmis kjól á, þá eins
árs, stelpuna mína úr skyrtu sem
átti að vera á tíu ára og í staðinn
fyrir að sauma nýjar ermar
klippti ég ofan af skyrtuermun-
um og færði tölurnar til á
erminni til að þrengja þær.
Í handavinnunni er minn
helsti akkilesarhæll hvað ég er
mikið fiðrildi, svo oft hef ég
mikið öfundað það fólk sem
getur haft bara eitt verkefni í
gangi í einu og ekki byrjað á
neinu nýju fyrr en það er búið.
Ég þarf hins vegar alltaf að hafa
nokkur verkefni í gangi í einu og
er á fullu að hugsa um eitthvað
sniðugt að gera á meðan. Í dag er
ég til dæmis að hekla teppi, þurfti
alveg endilega að herma eftir
Guðbjörgu vinkonu, prjóna
peysu og sauma útí dúk og púða.
Þrátt fyrir að hafa alla mína
ævi fundist gaman að hand-
mennt er tiltölulega stutt síðan
ég uppgötvaði hvað smíðar eru
skemmtilegar og ég tala nú ekki
um hagnýtar. Í tilefni þessarar
uppgötvunar minnar ákvað ég
að venda kvæði mínu aðeins í
kross í haust og skrá mig í
smíðanám í FNV. Það er ein af
betri ákvörðunum sem ég hef
tekið. Það er alltaf jafn gaman að
mæta í skólann og læra eitthvað
nýtt. Fá að vinna í höndunum og
í vélum við að smíða nytsamlega
María Eymundsdóttir. MYNDIR: BÞ
smíðisgripi eins og tröppur og
lítinn skáp . Þrátt fyrir að þeir séu
langt frá því að vera fullkomlega
smíðaðir hef ég sjaldan verið
stoltari af einhverju sem ég hef
búið til.
Ég ætla að skora á Auðbjörgu
Ósk Guðjónsdóttir enda ýmis-
legt skemmtilegt sem hún getur
sýnt og sagt frá.
UMSJÓN
Berglind Þorsteinsddóttir
Kjóll sem María saumaði handa dóttur sinni, úr skyrtu. María er með mörg verk í gangi.
Sighvatur, sonur Maríu, prílar tröppurnar sem móðir hans smíðaði.
Bryndís Rut Haraldsdóttir situr
fyrir svörum í þessum þætti
af liðið mitt. Hún er uppalinn
stuðningsmaður Liverpool og
dreymir um að komast á leik
með liðinu. Bryndís segir erfitt
að spá fyrir um gengi liðsins á
þessu tímabili en vill þó sjá þá
ofar en þeir eru í dag.
Hvert er uppáhaldsliðið þitt í
enska boltanum og af hverju?
Liverpool! Er uppalinn stuðnings-
maður, bróðir minn á mikinn þátt í
því. En það var annað hvort Man U
eða Liverpool hjá bræðrum mínum
og ég heillaðist meira af Liverpool.
Hvernig spáir þú gengi liðsins á
tímabilinu?
Það er erfitt að segja hvernig þeim
muni ganga þetta tímabilið. Það
var verið að ráða nýjan þjálfara,
Jürgen Klopp fyrrum þjálfara
Borussia Dortmund. Mun fylgjast
spennt með breytingum liðsins!
En annars held ég að þeir verði í
kringum 5. sætið.
Ertu sáttur við stöðu liðsins í
dag? Neei, ekki alveg, þeir eru í
10. sæti og væri til í að sjá þá ofar
en sum lið.
Hefur þú einhvern tímann lent í
deilum vegna aðdáunar þinnar á
umræddu liði? Já alveg mjög oft!
Hver er uppáhaldsleikmaðurinn
fyrr og síðar?
Giuanluigi Buffon.
Hefur þú farið á leik með liðinu
þínu? Nei, því miður þá er það enn
draumur sem á eftir að rætast.
Áttu einhvern hlut sem tengist
liðinu? Já, treyjur.
Hvernig gengur að ala aðra
fjölskyldumeðlimi upp í stuðningi
við liðið? Ekki vel verð ég að segja.
Hefur þú einhvern tímann skipt
um uppáhalds félag?
Nei, það hef ég aldrei gert og mun
ekki gera.
Uppáhalds málsháttur? Það sem
drepur þig ekki styrkir þig.
Einhver góð saga úr boltanum?
Já, þær eru alveg nokkrar! T.d.
þegar Sunna hljóp upp allan
völlinn og er tækluð, kemur þá
dómarinn og spyr: „Ætli þetta hafi
ekki bara verið of langur sprettur
fyrir hana?“ þegar hún lá enn niðri.
Sunna var fljót að svara fyrir sig og
spyr: „ERTU AÐ SEGJA AÐ ÉG SÉ
FEIT!?“
Einhver góður hrekkur sem þú
hefur framkvæmt eða orðið fyrir?
Haha já, man eftir einum sem við
mfl. kvk framkvæmdum á mfl. kk
eitt sumarið. Við s.s. prentuðum
út mjög óviðeigandi myndir og
hengdum upp í klefanum hjá
strákunum. Þessar myndir voru
mjööög ógeðslegar svo að þeim
datt aldrei í hug að við hefðum
hengt þær upp. Allt sumarið vissu
þeir ekki að mfl. kvk hefði staðið
að þessu en því var uppljóstrað á
lokahófinu í lok sumarsins. Þetta
heppnaðist frekar vel!
Hvern myndir þú vilja sjá svara
þessum spurningum? Frænku
mína, Bríet Guðmundsdóttir.
Hvaða spurningu viltu lauma
að viðkomandi? Hvaða atviki
áttu aldrei eftir að gleyma í
fótboltanum?
Bryndís Rut Haraldsdóttir / LIVERPOOL
Heillaðist meira
af Liverpool
( LIÐIÐ MITT ) kristin@feykir.is
Hersetan á Ströndum
og Norðurlandi vestra
Ný bók komin út
Hersetan á Ströndum og
Norðurlandi vestra, eftir
Friðþór Eydal, greinir frá
liðsveitum, dvalarstöðum,
varnarviðbúnaði og öðrum
umsvifum breska og síðar
bandaríska herliðsins ásamt
samskiptum þeirra við
heimamenn, loftárásum og
öðrum athyglisverðum
atburðum.
Reykjaskóli var hersetinn í
þrjú ár og allstór liðsafli tók sér
bólfestu á Blönduósi. Ítarleg frá-
sögn er af mannskæðu sjóslysi á
Hrútafirði þar sem 18 hermenn
fórust og fundust ekki og ljósi er
varpað á missögn um heimsókn
söng- og leikkonunnar Marlene
Dietrich til Sauðárkróks. Einnig
er fjallað um íbúabragga, búnað
og farartæki herliðsins og hvern-
ig þau komust í hendur Íslend-
inga að styrjöldinni lokinni.
Fjöldi ljósmynda og korta eru í
bókinni og hefur margt af því
ekki birst áður.
Höfundur bókarinnar, Frið-
þór Eydal, hefur rannsakað
umsvif og starfsemi erlendra
herja á Íslandi og ritað um það
bækur og ritgerðir, ásamt grein-
um í dagblöð og tímarit.
/Fréttatilkynning