Tímarit hjúkrunarfræðinga - 01.04.1999, Blaðsíða 39

Valgerður Katrín Jónsdóttir
„ 'Heivt íájtrtY'fom í sjúkv'Akú.s-
þjónus-tu úqa {ulUn. vétt Á ser“
- seg/r Sigríður Snæbjörnsdóttir, hjúkrunarforstjóri
Sigríður Snæbjörnsdóttir, hjúkrunarforstjóri á Sjúkrahúsi
Reykjavíkur, var meðal fyrirlesara á SSN-ráðstefnu hjúkr-
unarstjórnenda sem haldin var á Hótel Sögu 18. og 19.
mars sl. Sigríður lauk BS-námi í hjúkrunarfræði 1982 og
MS-námi í hjúkrunarstjórnun frá háskólanum í Wisconsin í
Madison í Bandaríkjunum 1984. Hún tók við starfi hjúkr-
unarforstjóra á Sjúkrahúsi Reykjavíkur 1988. En hvers
vegna varð hjúkrunarstjórnun fyrir valinu?
„Ég held að hugmyndin hafi kviknað þegar ég var að
vinna við svæfingahjúkrun á Landakotsspítala á árunum
'73-77. Þáverandi priorinna, Sr. Hildegaard, kom að máli
við mig og spurði hvort ég vildi vera sér til aðstoðar á
skrifstofunni við stjórnun á Landakoti. Ég afþakkaði sem
betur fer gott boð, því ég held ég hefði verið algjörlega
ófær um að taka það að mér á þeim tíma.“ Hún bætir við
að hún hafi þó eflaust haft hugmyndina með í farteskinu
þegar hún flutti til Bandaríkjanna 78. „Ég var búin að
ákveða að fara í meira nám og tók BS í hjúkrun og þegar
fór að líða á námið ákvað ég að nýta tækifærið enn betur
því Madison er stór háskólabær. Því fór ég í meistaranám
og þá varð stjórnun fyrir valinu."
Hún valdi sér síðan í samráði við sinn prófessor þá
kúrsa sem myndu reynast mikilvægir í væntanlegu fram-
tíðarstarfi í stjórnun á íslandi. Námið var sett saman úr
ýmsum deildum; viðskiptafræði, verkfræði, læknisfræði,
hjúkrun og sjúkrahússtjórnun. „Sjúkrahússtjórnun er nú
sjálfstæð sérgrein innan háskóla í Bandaríkjunum því
vaxandi kröfur eru gerðar til stjórnenda sjúkrahúsa að þeir
hafi að baki nám í stjórnun auk grunnnáms á sviði hjúkr-
unar, læknisfræði eða annarra klínískra greina."
Breytingar á liðnum árum
En hvaða breytingar hafa helst orðið þann tíma sem
Sigríður hefur verið í starfi sem hjúkrunarstjórnandi?
„Ég hef verið hjúkrunarforstjóri hér sl. 10 ár en hef þó
haft tækifæri á þessum tíma tii að vinna tímabundin verk-
efni í málefnum sjúkrahúsa á vegum heilbrigðisráðuneyt-
isins, fyrst í 3 mánuði árið 1996 og nú í 12 mánuði frá
1998 til 1999. Einnig var ég svo heppin að fá styrk á sl. ári
til að stunda nám í sjúkrahússtjórnun á sumarnámskeiði

við Wharton Schooi of Business við háskólann í Þenn-
sylvaníu í Fíladelfíu, en það var að mörgu leyti ómetanlegt.
Frá því ég tók við störfum á Borgarspítalanum 1988
hafa orðið miklar breytingar. Borgarspítalinn og Landa-
kotsspítali sameinuðust frá 1. janúar 1996 í Sjúkrahús
Reykjavíkur og nú síðast um áramótin '98-'99 var ráðinn
einn forstjóri yfir sjúkrahúsin í Reykjavík. Slíkar breytingar
krefjast mikils af öllum sem málið varðar og maður kynnist
gjarnan því besta og versta í fari fólks. Það er ómetanleg
reynsla að hafa tekið þátt í slíkri vinnu þó enginn myndi
sennilega kalla hana yfir sig að ástæðulausu. Á tímum
hagræðingar og sparnaðar reynir á flesta mannlega þætti
sem og faglega þekkingu og reynslu. Mikil áhersla er lögð
á samvinnu og teymisvinnu mismunandi starfsstétta."
Hún bætir við að fyrir nokkrum árum hafi verið gerðar
miklar skipulagsbreytingar á Sjúkrahúsi Reykjavíkur þar
sem sett voru á stofn annars vegar klínísk svið, sem snúa
að sjúklingunum, svo sem geðsvið og lyflækningasvið, og
hins vegar rekstrarsvið og upplýsingasvið. í forsvari fyrir
klínísku sviðin eru hjúkrunarframkvæmdastjórar (sviðsstjór-
ar) og forstöðulæknar (sviðsstjórar) sem bera sameiginlega
rekstrarábyrgð og starfa saman í sviðsstjórn, þó hjúkrunin
sé að sjálfsögðu skv. lögum á ábyrgð hjúkrunar og lækn-
ingarnar á ábyrgð lækna. Sviðsstjórar heyra síðan undir
Tímarit hjúkrunarfræðinga • 2. tbl. 75. árg. 1999
119