Tíminn - 16.04.1961, Blaðsíða 6

m

Ef til vffl er enginn af sunnu
dögum kirkjuársins af yndis-
legra tilefni en annar sunnu-
dagur eftir páska, enda heitir
hann á latínu Misericordia
Domini — dagur miskunnsem-
innar — hátíð góðleikans.
Ein elzta mynd af Kristi, eitt
fyrsta listaverk, sem um hann
var gjört er einmitt mynd hins
góða hirðis. Þar er ungur
smali, sem ber lambið sitt
heim á herðunum eftir að hafa
bjargað því úr hættum auðnar
og fjalla, þar sem ofviðri og
vargar bjuggu því margs konar
böl.
En oftast er þessi sunnudag-
ur annað hvort hinn síðasti í
vetri eða fyrsti í sumri, og það
gefur honum ekki svo lítið
gildi fyrir okkur íslendinga að
minnsta kosti í sveitinni. Þar
er hirðir og hjörð svo samofin
þessum degi, þegar húizt er
við fyrstu lömbunum eða þau
kannski farin að hoppa og
„bera snoppu að blómstur-
topp“.
Og fátt mun íslenzku þjóðar-
eðli nær, reynslu fólksins og
sögu, en skilningur á því, hvern
ig smalinn þarf að vaka yfir
hjörðinni, gæta hennar, vernda
hana og leiða fram hjá hætt-
um og ógnum vorhretranna.
Góði hirðirinn verður þar tákn
þess bezta í hetjulund og fórn-
fýsi, sjálfsafneitun og um-
hyggjusemi.
En ekki er minna um vert
að finna sig verndaðan sem
einstakling í hjörðinni, finna
umhyggju Guðs og mizkunn,
þrátt fyrir alla skugga hverf-
ulla daga, sem líða framhjá
með vonbrigðum sínum, hvers
dagsleika og raunum. Þþí að
vissulega eru vorhretrin nær-
göngul við marga. Og sú til-
finning er algeng meðal núlif-
andi kynslóða á þessari öld
heimsstyrjaldanna, að finna
sig á gangi um dauðans dal, þar
sem margt er að óttast.
Því er gott að geta tekið
undir söng skáldsins:
„Á grænum grundum lætur
þú mig hvílast
og leiðir mig að vötnum þar
sem ég íná njóta næðis. —
Eg óttast ekkert illt þú ert
hjá mér Drottinn.
Sproti þinn og stafur
hugga mig.“
f þessum fornu Ijóðlínum er
lýst því öryggi og þeim friði,
sem angistarfull manneskja,
sem er að drukkna í djúpi ótt-
ans og farast í vorhretri hraða
og glaums, þráir heitast.
Hlýðið því rödd hins góða
hirðis miskunnseminnar og
kærleikans og berið fram játn
inguna, sem er nægileg játn-
ing hverri mæddri sál: „Drott-
inn er minn hirðir, mig mun
ekkert bresta“.
En það verður heldur ekki
gengið fram hjá því, þegar
minnzt er á hirði og hjörð, að
minnast á vondu hirðana, leigu
liðana, falshirðana, sem safna
um sig milljónum með skrumi
og látum. leiða hjörðina út í
Hirðiri
nn
rætturnar og yfirgefa hana
svo. Slík hjarðmennska hefur
einkennt þessa öld með öllum
hennar einveldisstefnum og
kúgun. En „góði hirðirinn",
sem fórnaði lífi sínu fyrir hjörð
ina, sagði:
„Af ávöxtunum skuluð þér
þekkja þá“.
Þeir sem efla grimmd í stað
elsku, hamsleysi í stað hóg-
værðar, kúgun í stað frelsis,
geta ekki verið góðir hirðar.
Glögg dæmi þess eru allir ism-
ar samtíðarinnar á 20. öld:
Nazismi, fasismi og kommún-
ismi svo að eitthvað sé nefnt,
af því sem hjörðin hugsar um
daglega.
Gegn þessum falshirðum
þurfa þjónar góða hirðisins að
standa. — Þeir þurfa að vinna
djarflega og markvisst í anda
munkanna, sem áttu einu sinni
klaustur sitt i eyðilegu fjalla-
héraði í Frakklandi. Þeir
hringdu klukku klaustursins
tvær stundir á hverju kvöldi
til að vísa þeim á rétta leið,
sem höfðu villzt í myrkri og
hríð í fjöllunum. Á klukkuna
voru letruð orðin: Errantes
revoca — „Kallið hina villtu
til baka“.
Hlýðið röddu hins góða hirð
is miskunnsemi og sannleika,
sem gefur ykkur vorlönd rétt-
lætis, frelsis og friðar.
Árelíus Níelsson.
Drengur-sveit
8 ára drengur óskar að
komast á gott sveitaheim-
ili nærliggjandi Reykjavík.
— Upplýsingar í síma
36027 eða tilboð er sendist
blaðinu, merkt „Drengur“
Lítil íbúð
til leigu.
Tilboð sendist blaðinu
merkt „Góður staður“.
Bálför móður okkar,
Jónínu Ásgrímsdóttur,
frá Gliúfrl,
fer fram frá Fossvogskirkju þriS|udaglnn 18. apríl kl.1,30.
Blóm afþökkuS, en þelm, sem vlldu mlnnast hlnnar látnu, er
bent á Styrktarsjóð lamaðra og fatlaðra.
Guðrún, Ása og
Steinunn Glssurardætur.
TÍMINN, sunnudaginn 16. aprfl 1961.!
MINNING:
Benedikt Benediktsson
frá Breiðuvík
Á morgun verður Benedikt |
Benediktsson frá Breiðuvík á'
Tjörnesi til moldar borinn frá
Fossvogskirkju. Hann lézt fyrir
viku hér í Reykjavík, 71 árs að
aldri. Benedikt fæddist í Breiðu-
vík 21. ágúst 1889. Foreldrar Bene j
dikts voru Benedikt Benediktsson,
bóndi í Breiðuvík, og kona hans,:
Þorbjörg Jónsdóttir, er þar
bjuggu allan búskap sinn og komu
upp við fátækleg kjör stórum
og mannvænlegum hópi barna.
Þau voru níu Breiðuvikursyst- j
kinin ,og Benedikt aæstelztur, en
elztur var Jón, er lézt ungur. Nú
eru 5 þessara systkina eftir á lífi.
Þau Breiðuvíkurhjón voru mik-
ið mannkostafólk og nutu virðing
ar og vinsælda í sveit sinni í rík-
um mæli. Benedikt eldri var fé-
lagslyndur og framfarasinnaður
í bezta lagi, en kröpp kjör á erf-
iðri jörð bönnuðu stórvirki. Bene
dikt yngri í Breiðuvík, sonur
hans, varð snemma að vinna hörð
um höndum og hlífði sér hvergi.
Þrátt fyrir fátækt óx upp og dafn
aði vel hinn stóri og myndarlegi
barnahópur í Breiðuvík, og eftir
fráfall heimilisföðurins hélt Bene
dikt yngri áfram búskap í Breiðu
vík um sinn ásamt systkinum sín
um, er heima voru sum, en önnur
fluttu brott.
Þau tóku öll mikinn þátt í fé-
lagsstarfi á Tjörnesi, og það var
blómlegt um þær mundir. Bene-
dikt starfaði í ungmennafélaginu j
af lífi og sál, svo og öðrum fé-
lögum, og var jafnan í fylkingar;
brjósti, þegar kallað var til starfa
eða gleðskapar. Hann var glöggur
vel á góð mál, ótrauðurJögi‘ósór-
hlífinn.
En búskapur í Breiðuvík var
erfiður, enda herti hamröm
kreppa að um þessar mundir, upp
úr 1930. Benedikt hætti búskap
og þau Breiðuvíkursystkinin
fluttu burt, og urðu nýtir borg-
arar og manndómsfólk í öðrum
landshlutum. Benedikt fór víða og
vann að ýmsu, bæði á Vestfjörð-
um og í heimabyggðum, en eigi
leið á löngu, unz hann staðfest-
ist í Reykjavík, og þar átti hann
heima síðasta aldarfjórðunginn.
En hálfur Tjörnesingur var hann
að minnsta kosti eigi að síður, og
þótti gott að rekja minningar það
an með sveitungum sínum.
Benedikt rak um skeið greiða-
söluvagn í Reykjavik, og hafði að-
setur framan við Útvegsbank-
ann í Austurstræti. Kynntist hann
þá mörgum og varð vel til vina,
enda var góðvild hans og hjálp-
semi fágæt. Síðar réðst hann til
Slippsins í Reykjavík, fyrst sem
næturvörður en síðan afgreiðslu-
maður, og þar starfaði hann á ann
an áratug og undi vel hag sínum,
enda átti hann þar góða samleið
með sveitunga sínum, Sigurði Jóns
syni, forstjóra, frá Héðinshöfða,
og reyndist hvor öðrum vel.
Síðasta áratuginn tók Benedikt
töluverðan þátt í starfi Hesta-
mannafelagsins Fáks og hafði
yndi af góðhestum og átti þá
nokkra. Eyddi hann frístundum
sínum að mestu til þessarar gleði.
Nú síðustu árin hefur hann t. d.
átt óvenjulegan gæðing, sem kall
aður hefur verið Litli-Brúnn, og
er af mörgum talinn alveg einstak
ur fjörhestur, svo að jafningi hans
er vandfundinn. Réðu fáir við
hann, svo að vel væri, nema Bene
dikt.
Benedikt var alla ævi gleðimað
ur, sem yndi var að vera með á
glaðri stund. Hann var dansmaður
frá ungum aldri og hélt þeirri
íþrótt fram á efri ár. Hann fór því
að venju á árshátíð Hestamanna-
félagsins Fáks um fyrri helgi,
hress og ljúfur að vanda, en í
miðri skemmtun hné hann örend
ur á gólf. Víst mundi gott að
deyja þann veg, kominn á allhá-
an aldur, þótt fullsnemmt væri
um Benedikt.
Vinir Benedikts munu lengi
minnast hans. Þeir minnast glað-
værðar hans og góðsemi, góðrar
greindar og um fram allt trúrrar
viðleitni til að láta gott af sér
leiða, vera góður og gildur félags
maður, framsækinn og vaxandi
Vafalítið átti hann margar dimm
ar stundir í lífi sínu, en hann lifði
fyrir sólskinsblettina og miðlaði
öðrum af þeirri birtu af örlæti
sínu, en geymdi hitt með sjálfum
sér. Eg minnist bross hans og góð
semi frá unglingsárum mínum og
stopulla samverustunda síðar á
ævi — og það eru allt saman sól-
skinsblettir. — a.
HEINr
VARIETIES
Barnamatur
Hjartanlega þökkum vlS þelm, sem sýndu okkur samúS og hlut-
tekningu vlð andlát og jarðarför elskulegrar dóttur okkar,
Jónu Arnórsdóttur.
Hughellar þakkir færum vlð einnlg öllum þelm, er velttu henni
og okkur aðstoð og vlnsemd I velkindum hennar.
Guð blessi ykkur öll.
Málfríður Halldórsdóttlr,
Arnór Stígsson,
ísafirðl.
í glösum og pökkum
HEINZ merkið tryggir
yður fyrsta flokks
vörugæði
... allir þekkja
HEIIV2
VARiETlES

JOHNSON &