Tíminn - 17.07.1962, Blaðsíða 6

San Francisco
Framhald af 9. síðu.
teljandi fyrirlestrum og sýn-
ingum íslenzkra muna. Kunn-
ingsskapur hennar og frú Gusti
son er víst frá því, er tekinn
var upp sá háttur við safnið,
að hafa árlega kynningu á jóla
siðum frá fjölmörgum löndum.
Þar hefur Jakobína flutt erindi
og léð sýningarmuni og einnig
hefur Karl Fredericks flutt á-
varp fyrir hönd Norðurlanda.
Seattle liggur á hæðum við
víkur og vötn. Skipaskurðir
tengja vötn og haf og eru það
víða mikil mannvirki og gaman
að sjá þegar stór og smá skip
hópast saman í kvíar, þar sem
hækkandi og lækkandi vatns-
borð fleytir þeim milli vatna-
svæða. Stærst vatnanna er Was
hingtonvatn, austan við borg-
ina. Á bökkum þess er Was-
hingtonháskólinn og eru þar
miklar byggingar og fagrir
garðar. Mikinn grasgarð á há-
skólinn handan við skurð, sem
er lokaáfangi á vatnsleið frá
Pugetflóa þvert í gegnum borg
ina og inn í Washingtonvatn.
Heimili frú Jakobínu er á hæð
inni við flóann, þar sem sú
vatnaleið hefst.
Úti i Washingtonvatni er
Stór eyja, sem Mercereyja heit
ir og þangað hefur verið lögð
brú, sem er merkilegt mann-
virki. Er hún á flotholtum, þó
úr steinsteypu sé. Er hún sögð
hundrað þúsund tonn á þyngd
og var byg.gð fyrir eitthvað tutt
ugu árum. Vatnið er djúpt og
botninn gljúpur, svo ekki var
talið fært að byggja brú með
venjulegum hætti. Lyfta má
einum brúarkaflanum svo, að
skipgengt er um vatnið stórum
hafskipum.
AHmikið mun borgarstæðið
hafa skipt um svip síðan að
Indíánarnir, sem lutu höfðingj
anum Seattle, létu landið af
hendi við hvíta menn fyrir rösk
um hundrað árum, því viða
hefur verið skafið ofan af hæð
um og jarðvegi ýtt í sjó fram
til að breikka borgarstæðið
milli sjávar og vatns.
Eins og víðast hvar annars
staðar bar svo margt fyrir augu
og eyru í Seattle, að það var
fyrst eftir að ég var farin það-
an, að sumar spurningarnar
komu i huga minn, sem ég
hefði viljað spyrja. M.a. láðist
mér að spyrja hvort Mercer
eyjan væri nefnd eftir Asa
þeim Mercer, sem stofnaði
hinn fyrsta vísi æðri skóla í
Seattle, og sem einnig tók sér
ferð á hendur yfir á austur-
strönd Bandaríkjanna til að
hvetja ógiftar stúlkur að flytja
til Seattle, en þar var lítið um
kvenfólk fyrir 98 árum. Varð
sá leiðangur aUsögulegur, en
57 stúikur kom hann með og
segir sagan, að allir piparsvein
ar borgarinnar hafi verið sam-
ankomnir uppdubbaðir og vatns
greiddir, er stúlknahópurinn
birtist.
Timbur og fiskur voru þau
hráefni, sem íbúar Seattle
byggðu á afkomu sína framan
af árum, og enn er hún mikil
hafnarborg. Nú er þar einnig
risinn upp stóriðnaður og munu
Boeing flugvélaverksmiðjumar
vera með stærstu fyrirtækjun-
um. Er ekið fram hjá þeim til
flugvallarins og sýnast þær
vera eins og stórt bæjarhverfi.
Fyrsta dag minn í Seattle
var mér fenginn aðgöngumiði
að sýningunni miklu og þótti
mér sjálfsagt að nota hann, en
þar sem Tíminn hefur ráðið
sérstakan fréttamann til að
lýsa sýningunni, leiði ég það
hjá mér.
Ein helzta sjónvarpsstöðin í
Seattle er King-stöðin. Þangað
kom ég og fékk lýsingu á ýms-
um undirbúningi sjónvarpsefn
is. í barnatímum voru oft
kynntar góðar barnabækur og
hefur komið í ljós, að útlán
hafa stóraukizt í bókasöfnum
á hverri bók, sem kynnt hefur
verið. Útbúinn var þar þáttur
eftir bók Steingríms Arason-
ar „Smoky Bay“.
Svo var að heyra á starfs-
liðinu, að stöðin væri mjög
vönd að virðingu sinni um efnis
I valið. Spurði ég hvort nokkurn
tíma væru sýndar glæpakvik-
myndir og þess háttar rusl. „Já,
annars fengjum við ekki frétta-
myndirnar frá stóru kvikmynda
félögunum," var svarið.
Frú Gustison kom og sótti
mig á sjónvarpsstöðlna og
sýndi mér safnið, sem hún
stjórnar. Er þar margt merkra
minjagripa og skemmtilegar
sýningar settar upp á þriggja
mánaða fresti. Börn eru löðuð
að safninu með föndurkennslu,
sem leiðir athygli þeirra að
ýmsu, sem safnið geymir, auk
sýninga eins og þeirra, sem
hafðar eru fyrir hver jól og
ég nefndi fyrr. Skátastúlkur
geta unnið sér stig með því að
starfa 40 klukkutíma á safninu
við ýmis störf.
Einn daginn, sem ég dvaldi
í Seattle gerði þann mesta
storm, sem þar hafði komið í
25 ár. Karl Fredericks kom
um morguninn og spurði hvort
mér ægði veðHð, því við vor-
um búin að ákveða að heim-
sækja son hans og tengdadótt-
ur í bænum Tacoma. Satt að
segja var veðrið ekkert verra
en svo oft í Reykjavík, en nógu
slæmt til þess að spilla útsýni
úr matstað fram við sjó, sem
Grace, tengdadóttir Karis, bauð
okkur á um hádegið. Síðar
skoðuðum við geðveikrahæli,
sem Philip Fredericks starfar
á. Stendur það í fögru umhverfi
og hefur stórt bú, sem sjúkl-
ingarnir starfa við. Kvöldverð
borðuðum við heima hjá þeim
hjónum, en þau búa með son-
um sínum tveimur utan við
sem enn er hljótt og friðsælt
umhverfi.
Nokkurrar angurværðar gæt
ir hjá sumu eldra fólki af ís-
lenzkum ættum, sem nú sér á-
huga unga fólksins dvína fyrir
íslenzkum bókum og tungu. í
Seattle er myndarlegt íslenzkt
bókasafn í eign félagsins
Vestra. Annast þau hjónin Guð
rún og Jón Magnússon safnið
og naut ég gestrisni þeirra eitt
kvöld og fékk að líta á safnið
Of langt yrði að nefna nöfn
alls þess fólks af islenzkum ætt-
um, er ég hitti í Seattle. en
hvarvetna mætti ég sömu gest
risninni og vinsemdinni, svo að
minningar mínar þaðan eru áll
ar hinar ánægjulegustu, þrátt
fyrir það, að ég sá aldrei til
fjallanna og stormar og regn-
skúrir dyndu stundum á glugg
um.
Inni hjá Jakobínu og Kára
var allt bjart og hlýtt og eng-
inn dagur nógu langur til að
ræða við þau.
Sigríður Thorlacíus.
Landsýn
Framhald af 8 siðu.
sumar og kostar aðeins 12.200,00
kr. Fararstjóri verður Árni Björns
son, lektor i Greifswald.
Alpalönd — Vínarborg —
Ungverjaland
Síðast í júlí hefst svo 20 daga
ferð um Alpafjöllin, Vinarborg og
Ungverjaland. í Vínarborg verður
dvalið í 3 daga og þaðan ekið til
Budapest. í Ungverjalandi verður
m. a. dvalið 5 daga við hið fagra
Palatonvatni sem er draumur ferða
mannsins. Seinni part þessarar
ferðar verða skoðaðir margir feg-
uratu staðir Alpafjallanna og gist á
fjallahótelum Fararstjóri verður
Hjálmar Ólafsson, lektor í Amster
dam.
Spánn — Marokko — París
Fyrir þá, sem áhuga hafa á hin-
um suðrænni löndum, skipuleggur
skrifstofan 24. ágúst 19 daga ferð
um Spán og Marokko (Casablanca)
með viðkomu í París á heimleið-
inni. Flogið verður til og frá Lond-
on og verður viðkoma í London
á heimleiðinni og ferðamönnum
leiðbeint um verzlunarhverfin.
Fararstjóri verður Hjálmar Ólafs-
son, lektor. Hópurinn fer með rútu-
bíl um Spán og Marokko, og verð-
ur gott (tækifæri til að skoða hér-
uð Máranna, sem víða eru óbreytt
frá miðöldum.
September-ferðir
Glæsilegustu ferðir á ferðaplani
Landsýnar verða í september. Er
það ferð um Sovétríkin með við-
komu á Norðurlöndumj og önnur
ferð til Júgóslavíu og'Feneyja. í
Sovét-ferðinni verður m. a. komið
til Leningrad, Moskva, Krím-skaga
og Kiev, og verður flogið milli
þessa staða. Verður lagt af stað í
þá ferð 3. sept. og stendur hún yfir
í 21 dag.
Til Júgóslavíu verður flogið 9.
september og stendur sú ferð sömu
leiðis yfir í 21 dag. Það má geta
þess, að Júgóslavía er eitt aðal-
tízkuland evrópskra ferðamanna
um þessar mundir, en athygli ís-
lendinga ekki verið vakin á því
enn sem komið er. 1 Belgrad er
í þessum mánuði Evrópumeistara-
mót í frjálsum íþróttum og fellur
það inn í ferðina. Má búast við
þátttöku íþróttaunnenda í þeirri
ferð. Fararstjóri: Hjálmar Ólafs-
son.
September-mánuður er sérstak
lega valinn með hliðsjón af lofts-
laginu við Svartahaf og Adríahaf,
og er hentugur tími fyrir þá, sem
koma af síldarvertíð um þetta
leyti.
ALLS KONAR VIÐGERÐIR A STRENGJAHLJÓÐFÆRUM
IVAR PETERSEN
hljóðfasrasmiður
Símar 20329 — heima 8 i um Brúarlanci
Verðlækkun
er nú fánlegur í öllum snyrtivöruverzlunum,
apótekum og rakarastofum. — ÚtsöluverS 133,90
Orðsending til Ijóðavina
í haust kemur út ný ljóðabók eftir mig, sem nefnist
„Liljur í lundi.“ Bókin verður sem næst 100 bls.,
og hefur verið ákveðið að selja hana aðeins til
áskrifenda, kostar hún kr. 135.00 ib. en kr. 110,00
heft.
Þeir sem vildu eignast þessa bók, sendi mér ósk
um það eða hringi til mín fyrir 31. ágúst n.k. og
verður þeim þá send bókin í póstkröfu.
Vinsamlegast,
Kristín Jóhannsdóttir frá Syðra-Hvarfi
Helgamagrastræti 49, Akureyri, Sími 1646.
Kappreiðar
hestamannafélagsins Blakkur í Strandasýslu
verða háðar á skeiðvellinum við botn Bitrufjarðar,
sunnudaginn 22. júlí og hefst kl. 3 e.h.
Keppt verður í eftirtöldum greinum ef þátttaka
fæst:
1. Góðhestakeppni
2. 250 m skeið
3. 300 m stökk
4. 250 m folahlaup
Þátttaka tilkynnist til Jóns Kristjánssonar, Kjörs-
eyri, eða Árna Daníelssonar, Tröllatungu, í síðasta
lagi 20. júlí.
Þeir hestar, sem eiga að fara í góðhestakeppnina,
þurfa að vera mættir á hádegi.
Hljómsveit leikur að lokinni keppni í samkomuhús-
inu á Óspakseyri.
Stjórnin
Lokað
Lokum vegna sumarleyfa frá 21. júlí til 7. ágúst.
KRISTJÁNSSON H.F.
Ingólfsstræti 12 — Sími 12800
6
T f M I N N, þriðjudagurinn 17. júlí 1962