Tíminn - 06.06.1964, Blaðsíða 7

Útgefandi: FRAMSÓKNARFLOKKURINN.
Framkvæmdastjóri: Kristján Benediktsson. Ritstjórar: Þórarinn
Þórarinsson (áb), Andrés Kristjánsson, Jón Helgason og Indriði
G. Þorsteinsson. Fulltrúi ritstjórnar: Tómas Karlsson. Frétta-
stjóri: Jóaias Kristjánsson. Auglýsingastj.: Sigurjón Davíðsson.
Ritstjórnarskrifstofur í Eddu-húsinu, ?símar 18300—18305. Skrif-
stofur Bankastr. 7. Afgr.sími 12323. Augl., sími 19523. Aðrar
skrifstofur, sími 18300. Áskriftargjald kr. 90,00 á mán. innan-
lands. — í lausasölu kr. 5,00 eint. — Prentsmiðjan EDDA h.f.
Samkomulagið
Verulegt hefur áunnizt með því samkomulagi, er náð-
ist í fyrrinótt milli fulltrúa verkalýðsfélaganna, fulltrúa
atvinnurekenda og ríkisstjórnarinnar. Með því hefur
náðst mun betri útkoma fyrir launastéttirnar en orðið
hefði, ef ríkisstjórninni hefði tekizt sú lögþvingunarleið,
er hún ætlaði að fara í upphafi seinasta Alþingis. Þann
Irangur, sem nú hefur náðst, má fyrst og fremst þakka
því, að stjórnarandstaðan og verkalýðshreyfingin knúðu
ríkisstjórnina til að gefast upp við lögþvingun-
arleiðina. Fyrir Framsóknarflokkinn er sérstök ástæða
til að fagna því, að samningaleiðin var farin, því að hún
er sú leið, sem hann hefur jafnan talið heppilegasta.
Sá árangur, sem nú hefur náðst, felst einkum í því,
að verðtrygging launa hefur verið tekin upp að nýju og
að gert verður. nýtt átak í húsnæðismálunum. Þá hafa
fengizt ýmsar lagfæringar á kaupgreiðslum. Allt stefn-
ir þetta í rétta átt.
Þessi árangur verður þó ekki eins ánægjulegur, þegar
þess er gætt, að verkalýðshreyfingin hefur hér samið
um mun lakari kjör en henni stóðu til boða haustið
1958. Þá var kaupmáttur dagvinnulauna mun meiri en
nú og vísitölufyrirkomulagið hagstæðara launastéttun-
um. Sú hækkun, sem nú fæst á íbúðarlánum, hrekkur
hvergi nærri fyrir auknum byggingarkostnaði, sem orðið
hefur seinustu sex árin. Þannig standa launástéttirnar
nú verr að vígi en fyrir sex árum, þrátt fyrir undan-
gengið góðæri.
Við því var hins vegar vart hægt að búast, að unnt
væri að knýja stjórn, sem er fulltrúi stórgróðavalds, öllu
meira til undanlátssemi en tekizt hefur að þessu sinni.'
Hve stórlega ríkisstjórnin hefur þó neyðzt til að víkja
frá raunverulegri stefnu sinni, sést bezt af því, að hún
fellst nú á verðtryggingu launa, en um skeið hældi hún
sér einna mest af því, að hún hefði sett lög, er bönnuðu
slíka verðtryggingu!
Við þær aðstæður, sem búið er við, væri rangt að
gera lítið úr þeim árangri, sem verkalýðshreyfingin hefur
hér náð vegna sameiginlegrar baráttu hennar og stjórn-
arandstöðúnnar. Hins vegar hefði árangurinn vissulega
getað orðið miklu meiri, ef velviljuð stjórnarvöld hefðu
setið hinumegin við samningaborðið. Lækkun tolla og
vaxta hefði getað áorkað stórauknum kjarabótum. Þetta
sýnir og sannar, að vald verkalýðssamtakanna er ekki
einhlítt. Mestu máli skiptir, að menn merki atkvæðis-
seðilinn rétt í þingkosningum og tryggi sér þannig rétt-
látt og vinveitt ríkisvald.
„Yfirboðin“ sigra
Stjórnarblöðin hafa löngum keppzt við að kalla til-
lögur Framsóknarmanna, sem þeir hafa flutt á Alþingi,
ábyrgðarlaus yfirboð.
Þegar Framsóknarmenn beittu sér gegn lögþvingun
kaupgjalds á seinasta þingi og bentu í staðinn á samn-
ingaleiðina, hrópuðu stjórnarblöðin: Ábyrgðarlaus yfir-
boð.
Þegar Framsóknarmenn fluttu á seinasta þingi frum-
varp um að fella niður bannið gegn verðtryggingu launa,
hrópuðu stjórnarsinnar: Ábyrgðarlaus yfirboð.
Þegar Framsóknarmenn fluttu á seinasta þingi, til-
lögu um stóraukin framlög til húsnæðismála, æptu
stjórnarsinnar sig hása: Ábyrgðarlaus yfirboð.
í samkomulaginu við verkalýðssamtökin, hefur ríkis-
stjórnin nú fallizt á öll þessi „ábyrgðarlausu yfirboð!“
T [ M I N N, iaugardaglnn 6. iúní 1964 —
Nú í vikunni komu helztu
ráðunautar Johnsons forseta í
málum Suðaustur-Asíu, saman
til fundar í Honolulu ti'l þess að
ræða um framtíðarstefnu
Bandaríkjanna í þessum hluta
heims. Meðal þeirra, sem tóku
þátt i þessari ráðstefnu, voru
McNamara varnarmálaráðherra,
Rusk utanríkisráðherra, Taylor
hershöfðingi, yfirmaður herfor-
ingjaráðs Bandaríkjanna og Ca-
bot Lodge sendiherra í Suður-
Vietnam. Á ráðstefnunni mun
það einkum hafa verið rætt,
hvernig brugðizt skuli við sí-
versnandi ástandi í Suður-Viet-
nam, en þess gætir í vaxandi
mæli þar, að herinn er ófús
til að berjast, og að almenn-
ingur þráir frið. Á efstu mynd-
inni, sem hér fylgir, sjást þeir
Rusk og Lodge, en ýmsir telja,
að Johnson forseti muni telja
sér örðugt að ganga gegn þeim,
sem Lodge kann að hafa lagt
til. Johnson kynnir sér nú nið-
urstöður ráðstefnunnar.
Á miðmyndinni sést sigur-
vegarmn í prófkjörinu í Kali-
fomíu, Barry Goldwater, á-
samt yngstu dóttur sinni, en
hún lauk nýlega stúdentsprófi í
Washington. Faðir hennar
gerði hlé á kosningabaráttunni
í Kaliforníu og flaug til Was-
hington. til þess að vera við-
staddur er hún fékk afhent stúd
entsprófsskírteinið. Fyrir vikið
fékk hann meðfylgjandi mynd
birta af sér í öllum amerískum
blöðum, og þótti það ekki ónýt
auglýsing fyrir hann.
Hinn nýi forsætisráðherra
Indlands, Lal Bahadur Shastri,
hefur lýst yfir því, að hann
muni fylgja áfram sömu hlut-
leysisstefnu í utanríkismálum
og Nehru, enda þykir hún hafa
gefizt vel, þar sem hún hefur
tryggt Indlandi stuðning Rússa
í átökum við Kínverja. Ýmsar
fregnir benda til, að Shastri
muni árétta þetta enn betur
með því að gera dóttir Nehrus,
Indira Gandhi, að utanríkisráð-
herra, en þau sjást saman á
neðstu myndinni.Ekki þykir þó
líklegt að Indira Gandhi taki
nú þegar við ráðherrastörfum,
heldur eftir nokkra mánuði.
. -y v.í -/ ? f/V j V' "i.-t •; < /
. • J : í I . I > ‘ í