Morgunblaðið - 25.10.1939, Page 4
dtt.
MORGUNBLAÐIÐ
Miðvikudagur 25. okt. 1939.
CKJ MEIMILIN
Val á andlMlti
Gott andlitsduft er fíns í sjer
— fínsigtað — og mjúkt,
og á að hafa þann hæfileika, að
tolla vel á húðinni.
Gangið því úr skugga um, að
'dnf'tið hafi þessa kosti, áður en
þjer festið kaup á því.
Takið svolítið á milli fingra yð-
ar. Finst yður það silkimjúkt og
íirfínt? Loðir það við fingurna?
iÞá er alt í lagi.
En ef það hrekkur af fingrun-
um, virðist eins og hált og fer í
kekki, er eitthvað bogið við það,
og þjer getið verið viss um, að það
fýkur út í veður og vind af nef-
broddi yðar, áður en þjer vitið af.
Eitt enn getið#þjer gert, til þess
að reyna andlitsduftið:
Vegið dósina í hendi vðar. Ef
hún virðist þung í hlutfalli við
innihaldið, þá er ekki um gott
andlitsduft að ræða.
Hvað lit snertir, verður auðvit-
að að vanda valið sjerstaklega vel.
Og fyrir alla muni: Notið ekki of
3jóst andlitsduft. Fáið þjer ekki lit,
sem yður líkar tilbúinn, fæst oft
góður árangur með því að hlanda
sjálfur saman fleiri litum.
Munið - -
-------að til þess, að vaxdúk-
urivm renni ekki til á borðinu, er
gott að setja ga-mlan vaxdúk undir
þann nýja, þannig, að rangan á
dúkunum snúi saman. Með þessu
móti tollir dúkurinn vel á borðinu
og endist vel.
—• — —- að blómkálið verður
fallega hvítt við suðu, ef svolitlu
hveiti er stráð á vatnið, eða svo-
lítið af mjöli er sett út í suðu-
vatnið.
— — — saltfisk er best að
geyma á þurriím og svölum stað.
Hann eyðilegst auðveldlega t. d. í
rökum kjallara.
-------að alabasturskálar má
gera fallegar með bóni.
-------—■ að hægt er að ná nýj-
nm blekblettum úr með því að
nudda þá með sundurskornum
rabarbara.
Nýar gúmmÍTÖrnr:
Baðhettur, margar teg.
Gúmmíbuxur, margar teg.
Gúmmíhanskar, maxgar teg.
Gúmmítúttur og
Gúmmísnuð.
AUGAÐ hvílist TU|C| C
sneð gleraugum frá I lllLLL
Hættur í heimahúsum
Vetrartískan
1939
PAÐ þykir ef til vill undarlegt að tala um hætt-
ur í heimahúsum, því að fyrir flestum er
heimilið sá staður, sem síst af öllu er talinn
hættulegur.
Heimilið vekur fyrst og fremst tilfinningu öryggis og
skjóls.
Köflóttur ullarkjöll, með „kvenlegu“ sniði, eins og tískan býður.
Pilsið er hringskorið, eins og flést pils nuna, og blússan sjerkennileg.
í hálsinn er lítill kragi lagður á víxl og ermarnar enda í breið-
um manchettum. Blússan er ennfremur aðskorin eins og vesti og
brydduð' svörtu flaueli alt í kring og á vösum.
Kavlðflur og rófur
i brauði
En þó er það svo, að í heima-
húsum vilja oft til slys, sem stund-
um geta stafað af vankunnáttu eða
óvarfærni.
★
Margir hafa t. d. fótbrotnað eða
hlotið önnur meiðsl af því að verða
fótaskortur á liálu gólfi, bónuðu
eða nýþvegnu úr sápuvatn.
Farið því varlega á votu
gólfi. Það getur verið hættu-
legra en hálasti ís.
it
Ef þjer hafið gólfrenning í stig-
anum, sjáið þá um, að hann sje
vel festur, svo að enginn hrasi í
honum. Handriðið við stigann verð
ur líka að vera örugt, annars er
það verra en ekkert. Og í kjallara-
stiganum — þeim hættu stað —
verður að vera Ijós. Ef það er
ekki,
málið þá neðsta þrepið hvítt,
svo að hægt sje að greina það
í myrkri.
★
Aldrei verður nógsamlega brýnt
fyrir fólki að fara varlega með
hita og eld á héimilunum.
Gætið þess að barnið fari
sjer ekki að voða.
Golftreyjur
í úrvali
Náttpeysur
Smábarnatreyjur
Bangsabuxur
Barna
úti- og inni-föt
★
Hanskar
fóðraðir og ófóðraðir
Skinnhúfur
★
Rennilásar
venjulegir og
„bakelite“
Tölur
Hnappar
Spennur
★
Georgette-
Vasaklútar og Slæður
Kjólablóm
Hárkambar
o. fl.
Vesta
Laugaveg; 40.
Skólavörðustíg 2.
Látið skaftpotta, steikarpönnur
og önnur ílát ekki standa þannig
yfir eldi, að barnið geti náð í þau
og velt yfir sig.
Setjið ekki frá yður heita ösku,
tuskur með olíu, eldspýtur o. s.
frv. í anuað en blikkílát.
Reynið ekki gasslönguna
með logandi eldspýtu,
og farið ekki með hert ljós þar
sem lágt er undir loft í geymslur,
bílaskúra o. s. frv.
★
Baðkerið getur verið hættulegur
staður. Margir hafa runnið til í
hálum botninum og hlotið meiðsl
af. Fyrir ofan baðkerið ætti að
vera lítið handrið, sem hægt er að
grípa í, og sje sturta yfir baðker-
inu, ætti, að hafa
gúmmímottu í botninum, til
þess að standa á.
★
Þegar seilast þarf upp í efstu
hilluna í eldhúsinu eða festa upp
gluggatjaldi, megið þjer ekki
klifra upp á valtan stól, það getur
haft í för með sjer heinbrot. Hafið
lieldur
eldhússtól, sem hægt er að búa
til úr litla og stöðuga tröppu.
★
Þegar þjer eruð að þvo gólf,-
megið þjer ekki koma við raf-
magnsslökkvarann. Það megið þjer
ekki heldur gera þegar þjer eruð
í baði. Yfirleitt má ekki kveikja
eða slökkva rafmagnsljós með vot-
um höndum. Vatnið er góður raf-
magnsleiðari og
þjer getið þá fengið í yður
straum.
★
Og loks mætti minna á að fara
varlega með glös með eitri, sjer-
staklega verður að gæta þess, að
böm nái ekki í þau. Merkið þau
greinilega með : Eitur! eða,
bindið bjöllu um stútinn, sem
segir til sín, ef snert er á glas-
inu!
Lanolin-púður
á brúna og sólbrenda
húð.
Lanolin-skinfood.
Dagkrem í eðlilegum
hú^lít.
Til þess að spara rúgmjöl og
hveiti við bakstur má auð-
veldlega nota kartöflur og rófur
til drýginda. Enda er það líká til
hollustu.
RÓFUFLATBRAUÐ.
10 kökur: 700 gr. rúmmjöl (ca.
tesk. rúmgjöl), 500 gr. soðnar,
hakkaðar rófur.
Rófurnar eru flysjaðar, soðnar í
saltvatni, hakkaðar tvisvar í hakka
vjel. Rúgmjölinu hnoðað upp í
deigið, uns það er jafnt og sprungu
laust.
Skift í 10 bita. Ilver biti er
hnoðaður með tólgarfeitum hönd-
um í kúlur, sem gerðar eru flatar.
Breitt út í 20 cm. stóra köku.
Þær.eru pikkaðar og bakaðar
við mikinn hita á rjafmagnsplötu,
pönnu eða vjel. Reknar ofan í vatn
og staflað í bunka.
Þetta flatbrauð er ekki gott að
geyma, nema þrjá til fjóra daga.
Það er ágætt að bera þetta flat-
brauð smurt ;með kaffi eða te og
er sjerstaklega Ijúffengt að liafa
mjólkurost eða mysuost ofan á.
Rófuflatbráuð er mikið hollara en
vatnsflatbrauð, því fyrir utan B-
vitamin í rfigmjölinu er C-vitamin
í rófunum.
Rjettast mun að sjóða rófurnar í
heilu lagi með flusinu. Þá er nær-
ingargildi þeirra meira.
KARTÖFLUTVÍBÖKUR.
100 gr. hveiti, 100 gr. kartöflur,
2 tesk. lyftiduft, 3/4 tesk. salt, 3/4
tesk. sykur, 20 gr. smjörlíki, 1/2
dl. mjólk.
Öllu er blandað í hveitið. Sm jör-
líki og soðnum, söxuðum kartöfl-
um blandað saman við. Yætt í með
mjólkinni. Hnoðað í lengjur, sem
skift er í 12 bita. Hnoðað í hnött-
óttar kúlur milli handanna. Látn-
ar á smurða plötu. Pikkaðar. Bak-
aðar móbrúnar. Skornar í sundur
þegar þær eru kaldar og þurkaðar
eins og tvíbökur.
KARTÖFLUTERTA.
200 gr. soðnar og hakkaðar kart-
öflur, 200 gr. hveiti, 200 gr. smjör-
líki.
Kartöflurnar eru soðnar með
flusinu. Vatninu helt af þeim, pott-
urinn hristur yfir eldi, svo að alt
vatn gufi af kartöflunum. Flysj-
aðar og saxaðar tvisvar sinnum og
kældar.
Smjörlíkið mulið saman við hveit
ið. Þegar kartöflurnar eru kaldar,
er hveitinu hnoðað upp í þær.
Þegar deigið er vel jafnt, er það
látið á bretti og látið bíða á köld-
um; stað í 20 mínútur. Þá er því
skift í þrjár jafnar kökur, sem
breiddar eru út fremur þykkar.
Teknar undan grunnum diski.
Látnar á smurða plötu, bakað við
meðal hita, þar til þær eru Ijós-
brúnar.
Þessar kökur eru lagðar saman
með berjamauki. Tertan er borin
fram í heilu lagi, og skorin í
stykki jafnóðum og hún er borð-
uð. Gott er að strá flórsykri á efstu
kökuna. Það er og mjög gott a8
láta eggjakrem í annað lagið á
kökunni og við hátíðleg tækifæri
þeyttan rjóma ofan á kökuna.
Helga Sigurðardóttir.